كنا نمشي انا و عليا للمدرسة و كانت اجواء ديسمبر واضحه جداً وكنت انا واقعه في حبها ،
كنا نتكلم عن مواضيع مو مهمة ، هي تتكلم وانا اسمع الصراحه مافهم شلون الناس فيهم طاقة يتكلمون من الصبح ، دخلنا المدرسة و عليا مشت عني ،
مشيت لصفي ، حصلت وتين واقفة قريب من صفي بروحها ابتسمت لي اول ما جافتني و اتجهت لي ، " صباح الخير " ، رديت لها الابتسامه مع " صباح النور " ،
" ويهج تعبان" ، " قولي شي يديد" ، ضحكت ضحكه صغيره و هي تطالعني في عيوني ، عضيت خدي و قلت " تبين شي؟" ، " لا حرام اكلمج بدون سبب؟" ،
" لا"، " صح خلصت الروايه و حدها حلوه" قالت و هي تطلع الكتاب من شنطتها ، و تمده اتجاهي ، رفعت حاجب " عادي مابيه " ، " انتي قلتي رجعيه" ،
دورت عيوني و قلت " كنت امزح " ، رجعت الكتاب في شنطتها " سو عادي نقعد مع بعض او؟" ، " مدري " قلت و انا امشي وقعدت على اول طاولة طلعت قدامي وحطيت راسي فوقها ،
قعدت قدامي و هي تطالعني " ما نمتي؟" ، " الا بس ساعه" ، " احسن من اخر مره" ، " همم" ، كنا في الفتره الاخيره نراسل بعض كثير بس مانتكلم في المدرسه الا نادراً ،
" خليني اسوق سيارتج مره" قلت و انا اعطيها نظرات بريئة ، " نو" ، "اعرف اسوق؟" ، " مافي" دورت عيوني ،
و احنا قاعدين نتكلم عن مواضيع مو مهمه ، بيان جت و سلمت علي و قعدت جنبي ، " انا بروح حق ربعي " قالت وتين و هي توقف ، ابتسمت لها وهي بادلتني الابتسامه ومشت ،
التفت لبيان وقلت" فيج شي؟" سالتها وانا اطالعها ، " ناصر رجع يكلمني" ، " شقال ؟" ، " يبي نرجع " ، " وانتي شتبين؟ " ، " ماعرف" ، " حاسبي اخر مره اهلج درو " ،
" اعرف من جي خايفه ارجع اكلمه " ، " وهو ترا حيوان " ، " ايه حيوان بس مدري " ،
طالعتها و قلت " سوي الي تحسينه صح"، " ماعرف شبسوي "، " لا تيبين حق روحج المشاكل " ، " المشاكل تلاحقني انا " ،
-
كنا قاعدين في الفسحة على الطاولة ونسولف لما ربع ود و نجم جوو قعدو معانه ، كانو يسولفون مع بعض هالمره عكس مره الي طافت و انا كنت ساكته و اتهرب من خزات نجم ،
التفت حق بيان عشان اقولها نروح حمام نفس الوقت وتين جت ، " بييب " نجم قالت و هي تحضن وتين ، دورت عيوني و حسيت بشعور غريب في بطني ،
وقفت بدون ما اقول شي واتجهت لصفي ، ما حسيت ببيان تلحقني الا لما وصلت صفي ، " شفيج؟" سالتني و احنا واقفين جنب الباب قعدت على الارض وتسندت على جدار صفي و قلت " مدري " ،
STAI LEGGENDO
وكأنها الحياه للحياه
Casualeالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
