ليالي الجحيم 12:00

part 44

باوعت وجان اشوف خيال سجاد وفزيت واني اسمي وحاطه ايدي ؏ ڪلبي لزمت ايد جدو والتفت اله صايره صفره من الخوف

- شبيج جدي

:- جدو عفيه حباب اريد اڪلك شي بس اني مو مخبله بس داشوف هل شي هز راسه واخذ نفس من البخاخ

- حشى واحد يعيبج بعد جــدج

:- لزمت ايده واني مدمعه ، جدو شفت سجاد ؏ مرتين وهسه شفته مره ثانيه غمض عيونه وبقى يهز براسه وڪأنو يعرف شي

- روحه بعده حمامه تحوم ؏ اهل بيته

:- يعني سجاد موجود ويانه!!!

- راح يبقى موجود ويانه اسبوع 7 ايام يوم يجر يوم يبقى حمامه تنضاف للبيت وقت الغروب والحمامه بيضه راح تجي

لو تجي روحه ؏ شڪل بزونه او عصفور جوعان ولازم بهذول الـ 7 ايام نصعد ماي وخبز فوك الحايط

:- ليش؟

- حتى اي عصفور وحمامه تحط تشرب منه توصل لروح سجاد هاي عادة 40 يوم للميت ماي وخبز لو بس ماي جدو

نخلي للميت ماي وخبز ونهديها لروحه ونخليها بره بالحديقه حتى الحيوان العطشان يرتوي
لأن الحيوان اثوب للميت واحيان جبير يجي ؏ شڪل فراشه بڪل خميس وجمعه حسب اعماله

:- بقيت استمع اله واني مفهيه معلوماته قيييمه حيل وعضيمه وثڪيله ضروري تنحفظ ولهذا السبب سڪنت هل حچي بداخلي

- ڪل الي جاي تشوفيه روحه خياله وطيفه فتره وراح يروح انتِ لأن نمسيتي جاي تڪدرين تشوفينه جدو وتشوفين خياله اما لبقيه اهله راح يجيهم طيف خفيف بأحلامهم بس

:- بقيت اهز براسي واسمعله .. جدو من نطيتني السبحه شفته

- وراح تبقين تشوفينه وتشوفين هواي أنباء لڪلشي يريد يصير بهل بيت لو لقريبينج

:- جدو اني اخاف من هل سبحه ماريدها ليش بس اني

- لأن انتِ الوحيده الي تڪدرين تسيطرين عليها لأن نمسيتي وراح تڪدرين تشوفين وتتوقعين والباقي والعلم يبقى يم ربج

:- هزيت راسي وبلعت ريڪي ، جدو هستوني شفته

- وين؟

:- درتله وجهي أشرله ؏ الباب رجعت فزيت من لمحت خيال خفييف بس ماينشاف الوجه صفريت ورجعت لجدو نمت ؏ صدره وحضنته بخوف

- جاي تشوفين شي جدو؟

:- همستله خفيف .. جدو هياته واڪف خياله يم الباب هياااته يمي ڪبالي خياله جدوو خايفه

- اهدي جدي اهدي روحه هاي احجي ويا خفيف لو تسڪتين لأن حتى باحلامج راح يزورج اوقات ويزور عائله بيته

:- بقيت حاضنه جدو وهوا لمني لم وبقى يحجي بتجاهه الباب ويبجي يحجي ويه سجاد وخياله بس ميڪدر يشوفه