حارة المغربلين

(الفصل الرابع )

نسمي بالله كدة و نعمل اشتراك و كومنت و نجمة

بسم الله الرحمن الرحيم 🌹 🌹🌹

فل نبدأ ✌️

******★******★****★****★****

وقفت شهد بصدمة حين سمعت صوت فرملة سياره قوية تأتي من خلفها

ثم لفت و نظرت و رآها في حين نزول شاب وسيم جدا من السيارة الذي كادت أن تصدم شهد

شهد بشرشحة:- مش تخلي بالك يا عمي انت طلاما مبتعرفش تسوق عربيات بتركبها ليه؟؟!
صحيح الفلوس مع التيوس؟!!!

بسمة بصوت منخفض سمعته شهد فقط
:- يخربيت حلاوة اهلك ياعم

:- انتي اللي ماشية عمالة تضحكي و مش واخدة بالك انك ماشية في طريق فيه عربيات و بعدين لولا أني بني ادم محترم كان زماني خبطتك و جريت إنما أنا معملتش كدة ونزلت اطمن عليكي؟؟!!

شهد:- ماهو دة كمان اللي ناقص تخبطني و تجري عارف لولاش اني مستعجلة كان زماني روحت فيك فحديد دلوقتي كاتكم البلا مليتوا البلد

ثم امسكت بيد بسمة و جذبتها لكي يكملوا مشوارهم الي منزل خالتهم..

بعدما وصلوا إلى منزل(الڤيلا) حنان شقيقه سميرة

وقفت بسمة أمام المنزل وهي تنظر إلى الڤيلا بتمعن و دهشة

:- يا لاهوتي ناس عايشه و ناس بايشة يالا الحمدلله على كل حال؟!! ما تفتحي بقي يا خالتي؟؟!

فتحت لهم الخادمة الفلبينية و رحبت بهم و دخلوا إلى المنزل ثم نظرت شهد الي بسمة بتسأل

:- بت يا بسمة خالتك عندها خدامة أهو!؛!

بسمة:- اه مانا خدت بالي؟؟

شهد:- الله اومال خالتك عايزانا في ايه بقى؟؟!

بسمة:- استني استني خالتك اهي جاية علينا؟؟

حنان بترحيب:- أهلا أهلا بالقمرات منورين يا بنات؟!

بسمة:- ربنا يخليكي يا خالتو

شهد:- ألف ألف مبروك لهاجر يا خالتو والله والله فرحتلها من قلبي دي هاجر دي زي اختي ربنا يعلم معزتها عندي؟؟

حنان:- عقبال ما البسكم الفستان الابيض انتوا كمان أن شاء الله يا حبايبي

شهد:- معلش يا خالتو بس انا عندي سؤال؟!! مش دي الفلبينية بتاعت البيت برضوا؟؟

حنان:- اه بتسألي ليه؟؟

شهد:- الله اومال انتي عايزانا ننضف ليه وانتي جايبة ناس تنضف بقي؟!!

حنان:- تنضيف ايه و بتاع ايه؟!! انا قلت لامكم تجيبكم عشان تقعدوا مع هاجر و سارة و فرح تهيصوا اصل زي ما انتوا عارفين يا بنات بنات خالتكم مقفلين على نفسهم و ملهمش أصحاب فأنا جبتكم عشان تهيصوا معاهم و تفرحوهم و تفرحوا معاهم