السلام عليكم
ورداتي
اول قصه راح تكون الي اتمنى دعمكم الي وان شاءلله تنال اعجابكم
قــــــلَوُب آلَحًرمِــــــــآن
آلَكَــــــاتبة فــــــواطم
مــقـتطف مــن القصــــــة
🌺🌺🌺🌺🌺🌺🌺🌺🌺🌺🌺🌺
اعيش في زمن اجتمعت فيه معاصي
قوم نوح و لوط و فرعون و قارون ..
و مازال الله رحيما بنا .
____________________...
جنت راجعة من المدرسة وتعبانه والجو كلش حار
دخلت للبيت سلمت على ماما ودخلت كبل اسبح
__بنتج شعدها تسبح هااا
__انتة لشوكت تبقة بهذا شكك خاف الله بيها هاي تربيتنا حرام عليك
__طلعت من الحمام واشوف ابوي يتقدم باتجاهي ويريد يضربني واني اباوعلة بنظرات توسل لزمني من زندي وصاااححح
___اموتج بيدي واخلص منج
___وما احس الة الزمه من ايده وصاااح بصوت
___مادام اني اشم الهوى محد يوصلها كائن من يكون
__لبدت وراه ودموعي عشرة عشرة وماعندي طاقة لكلشي بلحظتها بقيت اصرررخ تعبت مليييت شك وعذاب وظلم الى متى خليتوني اتمنى اموووت واخلص من حياااتي
__كعدت بلكاع واني منهارة وماعندي حيل لكلشي ياربي ارحمني وخلصني اخذ روحي
مااحس الة انحظنت
___اشششش كافي حبيبتي ابنيتي شحدة ليوصلج واني موجود ماعندج اب عندج اخو يوكف بوجه لشمس ويسويلج فياي
___تعبت والله تعبت ليش بابا مااخذاني وياه وارتاح
_________________________
تصل إلى مرحلة ترى فيها كل خسارات هذه الحياة سخيفة جداً لأنك مررت بتجربة أكبر خسارة وهي فقدان جزء منك تحت الأرض
___كاعدين وملتمين اول مره بحياتنا نلتم والجو بارد وملتمين داير مداير الصوبة والكهرباء طافية وكل يوم نسمع داعش هاجمين على منطقة واهلي معاندين مانطلع بالرغم التهديدات وبهالاثناء وضحكتنه ماجنت متوقعتها اخير ضحكه تجمعنا الباب ندفر والبيت انترس ملثمين واسود بأسود وجان الضوة خفيف ولهجاتهم متنوعة جاانت
سحبو اسلحتهم علينه وچتفو مهيمن وادم وعمو ضياء وسدو عيونهم
والاسلحة متوجهة على روسهم
___سفلة جرذان عوفونا ماما تحاول تسكت بية بس اني مااكدر اشوف اهلي هيج يرحون كدامي
___واصلج الدور
___اقتلووهم
___لا لا اقتلوني بمكانهم مهيمن لا تعوفني وتروح سفلة نگسين الله لا يوفقكم عوفونا واجة واحد من عدهم وجه سلاحة براسي و
لو بعد الف سنة ماراح اتخطى وانسى هذا اليوم والدم الترس البيت ترس وجوهنا ملابسنا الدم غرك بيتنا عيوني الشهدت مقتل اعز مااملك على ايد انكس خلق الله داعش الليلة الي خسرت بيها روحي
تصل إلى مرحلة ترى فيها كل خسارات هذه الحياة سخيفة جداً لأنك مررت بتجربة أكبر خسارة وهي فقدان جزء منك تحت الأرض.
______________________
من بعد ما كملت التحاليل وكلشي طلبته الدكتورة
دخلت للدكتورة اني وعمتي
طلبت عمتي من الدكتورة اسوي سونار علمود جنس الجنين
رفعت ملابسي والدكتورة خلت الجهاز على بطني ماعرف شنو جان احساسي
الدكتورة.....
مبروووك ماما انتي حااامل بتؤام
عمتي تهلهل واني مصدومه ودموعي لااراديا ينزلن
لكيته واكف ومنتچي على السيارة وصلت يمه واني ابجي وصحت
انتة شسووويت ولك اني حااامل بتؤؤام ليش هيج سويت بيه ليششش وابجي
عمتي مصدومه من ردة فعلي وهوة بقه صافن وكوة كاتم الظحكه
ولج اسكتي فضحتينا كدام العالم شمسوي بيج غير مرتي وحامل ليسمعج عباله صاحبتي
فضحتينا ادخلي بلسياره
ولج ماما رزق ربج شبيج اتخبلتي علينا
عمة فدوة شسوي
استغفر الله راح تجلطني شتسوووين يعني تخلفينهم ادخلي بلسياره فضحتيني شكول عليج الله بلاني بهالمخااابيل
_______________
تفاعلكم وياي علمود باقرب وقت ينزل البارت الاول
بقلمي الكاتبة فــــــوُآطم
تاريخ النشر
2023/2/19
YOU ARE READING
قــــــلَوُب الحًرمِــــــــآن
General Fiction"لو فقدتَ ما فقدتَ لو كسرَ الحرمانُ قلبَكَ ستجتازُ هذه الحياة كما يجتازها كل أحد فاختر الرضى يهُن عليك العبور ولا تيأس إذا حرمك الله ما تحب ولا تحزن إذا اضطررت للعيش في وضع يؤلمك بل ابتسم لأن الله قال بكل رحمة : وعسى أن تكرهوا شيئاً وهو خيرٌ...
