اقتحام الاغصان 🚫

البـــارت7

بارت7

أيـار | ayar

_اقتحام الاغصان_

عاد حاجة امة وكلي راح يجي يخطبني واني ماكيفت
رحت تعطرت واشتريت فستان وتمكيجت بس خفيف كلت حتى لاعباله كاتله نفسي ع الزواج هههههههه

واجة خطبني وسواهة صدك وصرنة هواية نلتقي من انخطبنه هوه تخرج قبلي واني وراه واصلا بتخرجي اجة

كونة صديق وبس
وراه تخرجي بشهر هوه خطبني وهاي شوفت عينج وتزوجنه

اني استمعلهة وهية تحجي صاغية الهة و تضحك وتحجي بجد كلش حبيت قصتهم

كتلهة اصلا اني عرفت واحد يحب الثاني واضح من تبسبسكم بالخطبة

كالت ياااا عزه واحنة نحاول نضم وتاليهة يمكن كلهة عرفت وضحكت هههههه

مر سبوع على زواجهم وهية من يطلع تجي يمة كالتلي ليش ماعندي تليفون كتلهة محد اشترالي

كالت ولايهمج عندي تليفوني القديم اني انطي الج كلش كيفت وصدك انطتنياه وكعدت تعلمني عليه

وشلون استعمله علمتني بي على هواية سوالف تعرفهم وفتهمت من خلالهة

كلش حبابة وبساع تدخل الگلب

وهية هم مرات ننجمع احنة والبنات وهذويج سخيفات لدرجة كلش حبيرة

بس هية كلش تقربت منهة فاطمة مرات احاجيهة

كلشي حجيتلهة وشلون ماتت مامة وماسمعت اخبارة وحجيتلهة ع نضرات منصور ومصطفى بس ماكلتلهة ع الي شفته من مصطفى

وهية كامت ادكلي ترة مصطفى كلش حلو ويلوكلج واني بكلبي اكرهة كلش واخاف منه

عاد حجيتلهة ع الشفته ضلت فاتحة عيونة كتلهة بس لادكولين لاحد الله عليج وحلفت متنطق

واني ألا امنت بيهة يلا حجيتلهة واضح مو يمهة وهية متحب اصلا المشاكل تبتعد عن هيج شي

سليمة اضوج منهة لان مجانت ما عاجبتهة وعمار اخذهة غصب

بس هية مامهتمة بالهة كله على عمار ويومية ياخذهة مطعم

ويطلعون ويطبوو هواية وسليمة اضوج ادكله هلبت فديوم اخذت امك مطعم

وهوه عاد يقنعهة ومرة اخذهة وياهم

يسر تجيني واكعد اقري بيهة كلش حبابة وتستمع مااضوج

احس اني الي ربيتهة مو امهة امهة 24 ساعة اصلا تدزهة عليه حتى يسر تعودت عليه

قله تروح لامهة واني مكيفه بيهة

مر شهر واني ع نفس الوضع اكعد بالليل اباوع مسلسل بالجهاز واخليه ع الشحن من اريد انام

خالتي اخر فتره تمرضت كلش وبالكوه اجر النفس اني كمت اعتني بيهة حتى مرات متكدر ادكوم اكومهة اخر مرة كامت متكدر تتحرك