*#بنات~الجُزُولي 《08》*
*#بقلم~قطوف~محمد*
*☆☆☆ــــــــــــــــ☆☆☆ــــــــــــــــــــ☆☆☆*
*سارة: -*
ولأول مرة من زواج عن حب دام ٣ سنين ابوبكر يجي ويعاملني بالبرود دا وكمان ينوم بدون ما يراضيني ولا يفهمني ويشوف تبريراتي!، قلبي وجعني شديد ونمت وانا الدموع على خدودي ،، صحيت الصباح وكان يوم سبت اتلفت كدا لقيت ابوبكر راقد وتلفونو في يدو وصوت روح وهي بتبكي برا ، قمت بي سرعة وانا خايفة قلت ليهو ابوبكر انت هنا وروح برا ما معروف مالها؟؟؟، قال لي وهو عينو على التلفون الحقيها انتي وخلي الكلام الكتير! ، قمت وان زهجانة ورميت البطانية فيهو بي غضب لمن تلفونو وقع كورك فيني وقال لي ياخ انتي هسي مالك؟، رفع تلفونو وهو بمسحو وبوريني شاشتو شوفي كسرتي الشاشة ؟! عجبك كدا ارتحتي؟، قلت ليهو وانا مارقة تلفونك يتكسر وروح تمشي في داهية صح؟ اوعك تقول لي حرف تاني زيادة ومرقت برا لقيت روح في الارض ووسخانه وشعرها كلو طين ووشها احممممر من البكاء مشيت عليها وانا بشيلها قلت ليها روح يا ماما مالك؟ قالت لي وهي بتشهق النمنه ادتني "النملة عضتني" قلت ليها يخسي عليها النملة عضتك وين؟ قالت لي وهي بتأشر على يدها هنا، بستها في المكان الاشرت لي عليهو وقلت ليها معليش يا روحي♡ كدا بردت ؟، هزت لي راسها وهي بتضحك ، قلت ليها النملة عضتك عشان انتي وسخانه ومنكوشة تعالي اسرحك واحممك واخليك بنوته احلى من كدا، قالت لي مامي انا عايزة خالتو سرح "طبعا هي بتقول لي سحر سرح" قلت ليها هشي بدق ليها تجينا ، ومشيت حممتها وغسلت ليها شعرها وسرحتها وعطرتها ، جا ابوبكر مارق وهو مستعجل قال لي الليلة انا عازم ناس خالي معاذ ومرتو زينب واولادهم ، صريت ليهو وشي وقلت ليهو على ما اظن انهم ببقو ليكم فانا ما عندي دخل ، قال لي ناس امي مرقو وعزمتهم انا على فكرة ، قلت ليهو عزمتهم انت تضيفهم وتطبخ انت!، قال لي بي زهج سارة عليك الله خليك طبيعية قدامهم وانا اسف كدا رضيتي؟، ما رديت عليهو وقلت ليهو جايين فطور ولا غداء؟ قال لي فطور جبت ورقة وكتبت ليهو الحاجات الفي راسي واديتها ليهو وعلى كدا مرق بقيت افكر سبب تعاملو دا شنو؟ ابوبكر حصل ليهو شنو؟! رووح بتو وعيونو وقلبو وبحبها اكتر مني يخليها تطلع برا براها وما معروف اذا مشت بيت حبوبتها واصلا بابهم كعب ومرقت؟ ولا كان مشت المطبخ وهبشت ليها حاجه من الكهرباء ولا البتجاز؟، ولا كان مشت الخزان وركبت فيهو وهو فاتح من فوق ووقعت وغرقت؟ الحاجات دي كلها عملتها قبل كدا لانها
شلت تلفوني واتصلت على سحر ردت علي بعد مسافة على غير عادتها وبعد سلمت عليها قلت ليها عايني ابوبكر عازم ناس خالو وانا براي تعاليني، سكتت كداا وقالت لي هسي؟ ، قلت ليها اي هسي ، سكتت تاني مسافة اطول وقالت لي طيب جاياك مسافة السكة بس...
_____________________________
*سحر: -*
