بنات الجُزُولي

4

*#بنات~الجُزُولي 《04》*
*#بقلم~قطوف~محمد*
*☆☆☆ــــــــــــــــ☆☆☆ــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*سحر: -*
مرت ايام وحبوبة حبستني من الصباح بتقعدني في الدخان وباقي اليوم كلو عروكات ومدايد واكل غايتو بحشوني حشي عجيب وبالمساء تاني بتقعدني في الدخان ، وبمشي السوق كتير بشتري حاجاتي براي ومنيب اداني قرابة المليار ، اها في يوم روح اتشبكت فيني وقالت الا تمشي معاي السوق قلت ليها كويس وسارة قالت لي سوقيها معاك ، اها مرقنا وركبت لي ركشة واول شي مشيت اشتريت لي عبايات و جلابيات بيت وتياب وبعدها مشيت الصايغ وانتظرت منيب لانو قال ح يجيني بي هناك ، اها قلت لحدي ما يجي امشي افطر ، سقت روح ومشينا اقرب كفتريا طلبنا فطائر شاورما وعصير منقة ورجعت طوالي بعد ما منيب اتصل علي وقال لي انتو وين ، اها مشيت لقيتو قاعد سلمت عليهو وبدينا نختار في الدهب اشترى لي طقم دهب كامل وطقم فضة واداني قروش برضو وقال لي ارح اوصلك البيت قلت ليهو لالا عندي لفة طويلة في السوق لسه قال لي خلاص بيناتنا تلفون وودعني ومشى في الفترة البسيطة دي ما قدرت افهم من منيب اي شي غير انو شخصية غامضة وظاهر انو حاد برضو بس دائما بحاول يكون لطيف معاي ، اها مشيت اشتريت تاني ارياح وحمت لمن كرعيني وجعوني وتاني مشيت ركبت مواصلات ورجعت البيت..
لمن وصلت البيت لقيت سارة بتجهز في الفطور قالت لي روح وين؟ ناديها عشان تاكل زبادي، هنا انا ملامحي اتجمدت مرة وحدة وقلبي بقي يدق بي سرعه روح وييين؟؟؟! انا لمن ركبت المواصلات ما كانت معاي ولمن نزلت وحاسبت برضو ما كانت معاي!، سارة لمن شافتني ساكته قالت لي سحر؟ سارحه وين انا بتكلم معاك؟ مدت لي علبة الزبادي  ومعاها ملعقة بس انا لسه كنت سرحانه وما قادرة استوعب اي شي سارة قالت لي هاك اكلي روح هي وين ؟ قعدت في اقرب كرسي وقلت ليها والدموع مالية عيني ما عارفاها انا ما عارفة وديتها وين!، سارة سكتت مسااافة وقالت لي بي صواريخ وديتي بتي وين؟!!! ، قلت ليها وانا برجف ودموعي بتنزل بي غزارة ما عارفة ما عارفة سارة بقت تكورك وتبكي وطلعت برا اتصلت لي ابوي حكت ليهو وهي بترجف واتصلت لي حسن وقالت لي حسبي الله ونعم الوكيل عليك ابوبكر كان عرف بيتي بتخرب!، حبوبة وسبأ وخالتو ماجدة اتخلعو ولمن عرفو الموضوع حبوبة قالت لي سارة اقعدي اشربي موية وقولي يا جامع يا رقيب ربنا بحفظ ليك بتك لكن دموعك ما بتجيبها ، سارة قالت ليها وكان خطوفها يا حبوبة امشي وين؟ اعمل شنو اقول لي ابوها شنو؟؟! خالتي قالت ليها دقي لي راجلك وريهو احسن من ما يسمع من ابوك ولا حسن وكدا ح يزعل اكتر سارة شالت تلفونها واتصلت على ابوبكر وهي بترجف ورتو الحصل وشكلو قال ليها انا جاييك نفتشها لانه طوالي قامت لبست اقرب شي قدامها انا لسه كنت ببكي ومتكرفسة في السرير ،
لحدي صلاة العشاء سارة وابوبكر وابوي وحسن بفتشو في روح وما اتلقت رجعو الساعة ١٠ وهم هلكانين وسارة دي دموعها ما وقفت، اول ما جات داخلة البيت جات علي وضربتني كف! قالت لي دا كلو منك يا سحر اصلو ما بتجيبي لي خير نهائي يعني عشان بتكرهيني وبتكرهي بتي تعملي لي كدا الله يضوقك ليها يا قادر يا كريم واي شي يحصل ليك يوجعك وقلبك ينزف دم زي ما عملتي لي هسي واسوء، ختيت يدي على خدي وبقيت ابكي بي صوت لانو وجعني كلامها اكتر من ضربها لي ، ابوبكر نهرها وقال ليها سارة ما تقولي لي اختك كدا مستحيل تكرهك وتقصدك دمكم واحد انتو ووجعها على روح اكتر مننا نحن الولدناها كبري عقلك واعتزري لي اختك قدامي هسي!، ابوي برضو هاج وقال ليها دي عملة زول جاهل يا سارة بتقولي اختك جاهلة بس ما كل زول ما متعلم جاهل الكلام فيك انتي خريجة وعايزة تحضري الماجستير وعقلك وتفكيرك وصل هنا؟ اختك تكرهك كيف يا سارة؟ ، سارة نزلت راسها ومشت مننا جوا الغرفة وهي على اخرها وابوبكر لحقها،، بقينا قاعدين في الحوش سبأ راقدة وعيونها سارحة خالتي بتحوقل وحبوبة ماسكة سبحتها وابوي ضاغط على عيونو وراقد وحسن بتصل لي اصحابو الفي الشرطة والامن وبعدها قامو هو وابوي على الصالون،،
الباب دق وانا جريت جري فتحتو ورجليني بتخبط في بعض كان عندي احساس قوي انها روح لمن فتحت الباب كان راجل طويل ضخم البنية شايل روح شلتها منو بدون ما اركز في ملامحو وحضنتها علي شديد وبقيت ابكي وكل شوية اقبل وشها علي وابوسها ، ابوي وحسن مرقو على صوتي وابوبكر وسارة برضو جات وقلعت بتها مني وعاينت لي بي نظرات نارية ومشت جوا ابوبكر بعد اطمئن على بتو سلم على الراجل وقال ليهو اووو يا حذيفة جيت متين ؟ حمدلله على السلامة والحمدلله انو لقيت روح انت ! ، قال ليهو جيت اول امس والله وحمدا لله على سلامة البنوته ابوي قال ليهو اتفضل اتفضل ودخلو كلهم الصالون وانا مشيت لي سارة الكانت ما راضية تفك بتها لي اي زول وروح ولا شغالة بينا تاكل في الشلاتات الفي يدها وبعدها زحت من امها وقالت ليها انا ماشة لي خالو "أيفة" لي حذيفة لانو الاسم صعب عليها وطلعت حبوبة وخالتو ماجدة ضحكو  وقالو ليها قلبي على جناي وقلب جناي علي حجر،، اها بعد ما عرفنا انو حذيفة ولد خالو لي ابوبكر واطمئنينا على روح رقنا شوية و  انا كنت هلكانة ومصدعة شديد انجدعت في اقرب سرير وياداب لاحظت لي العطر في ملابسي لمن شلت روح من حذيفة كان رهييب رهييب ونمت وريحة العطر في انفي..
______________________________
*عائشة: -*