قارورة الـ مُخلد

الحلقة |17|

- اسفه

- ما اريد اعتذار انه يا حبيبي اريدج تكونين صادقه ويايه مهما يكون هاي نقطة ضدج وراح تخليني دائمًا اشك بصحة كلامج

- ما ما اچذب بعد

- هههه يعني مو انه الي تحبني ست وداد

جمدت بمكاني وصفنت شلون استدرجني بالكلام بعدني عنه وحط عينه بعيني وهز راسه..

- احجي شنو بلعتي لسانج

اجيت ابچي من التوتر العايشته، ذبيت نفس براحة من ندك باب البيت هو بسرعة عافني ونزل خمس دقائق ورجع صعد وگال..

مُخلد- روحي گلي لاختج تگعد قيصر اصدقائه بالدوانيه

هزيتله راسي وقبل لا اطلع گال..
- وصعدي لا تبقين جوه

- اي

نزلت بس انطيت خبر لـ اية ورجعت صعدت لگيته گاعد ؏ مكتبه يشتغل بـ الابتوب مالته حتى ما باوعلي..

غيرت ملابسي بدشداشه قصيرة وفتحت شعري واخذت نميات من الثلاجه وشغلت التلفزيون ؏ فلم وگعدت اتابع..

انتبهتله يخطف نظرات اله ويسوي روحه ما مهتم يا روحي..

- حبيبي تجي اتابع ويايه

باوعلي بعدين للتلفزيون تنهد واجه گعد ورايه وسحبني اله، بس اشوفه يباوع للساعة كل شوي ندسته بزنده وگلت..

- عندك شغل؟

- اي

- تروووح؟

- چؤ اخابرهم ونحل الموضوع

- عبالي تعوفني

باوعلي بضوجه عود زعلان رفعت نفسي وبسته بخده وهمست..

- مزاعلين؟

- لا

- ليش هيج تعاملني حبيبي

- ماكو شي همسه

- صرت همسه بس؟

- اهوووو بدينه بالنكد!!

- لا ؏ شنو انكد براحتك

وخرت ايديه وابتعدت عنه اتابع شوي وحسيت بي سحبني وصار فوگي..

مُخلد- الصلفه هنوب هي الزعلانه

- اني منو؟

- همسه

- هفففف وخر وخر

- هههههههه شبيج ولج

- اخر مرة اسئلك انييي منووو؟

- قارورتي

ابتسمت وهزيت راسي برضى وگلت..
- اي عفية انطيك عشرة من عشرة ؏ اجابتك

- انطيني شفه

- تأدب وخر

- هههه حاضر

ما احس غير باسني دفعته واشوفه خربان من الضحك صفنت شوي الا وصلت الفكرة ضربته ؏ كتفه وصحت..