මේඝ | MEGHA || 𝒸ₒₘₚₗₑₜₑ𝒹

Special Chapter

"ඒ.. පිස්සුද මනුස්සයෝ.... මගේ බඩ ඇතුළේ නිකන් කොන්ක්‍රීට් අනන මැෂින් එකක් වැඩ කරනවා වගේ ඉන්න බෑ.. ගොජ ගොජ ගගා.. මොන විකාරයක්ද ඒ කරලා තියෙන්නේ... අනේ මේ මන් දන්නෑ කොහොම හරි හොඳ කරලා දෙන්න...

බඩ ගිහින් ගිහින් අන්තිමට මන් මැරුණොත්... මොන මගුලක්ද.."

ඇහෙන්නෑ වගේ මේ මිනිහා වැඩ...

මන් කියන්නේ මේ වගේ රට පණ්ඩිත ආත භූත ඩෑල් එකක් ජීවිතේට මැරි කරන්න හොඳ නෑ.. දුරින් හිඳ පෙම් කරත් ළඟට අරන් සිප සනසන්න නම් හොඳම නෑ.. ඒකනේ මට මෙහෙම කෙළ වුණේ....

"කෝපි එකක් බොන්න..

මටත් හදන් එන්න...."

තොට.....

තොට මන් පොවනවා කෝපි නෙමෙයි... තව කෝපි හදන්න කතාව... දවසම ඉවරයිනේ.. උදේ ම හරි... තියෙන්නෙත් එක නිවාඩුවයි ඒකටත් බඩු බනිස්.. මේ මිනිහගේ පිස්සු විකාර හින්දා තමයි සේරම...

තව කියවන්න ගියොත් මගේ ලිමිට් එක පනින හින්දා මන් තනියමම ගිහින් කෝපි එකක් හදන් බිව්වා...
මන් හදයි අර මිනිහට කෝපි... කෝපි නෙමෙයි ඕකට කවන්න ඕන ජාපාල ඇට..

මරු.. දුක සැප බෙදාගන්න කියලා ඉන්න නල්ල මලේ ස්වාමි පුරුසයා...

එකපාර කෝපි කෝප්ප දෙකක්ම ගහලා දැම්ම හින්දා බඩ නිකන් කොරවෙලා යනවා වගේ තිබ්බ ගතිය හරි ගියා... නැත්තන් මන් අර අලුගුත්තේරුවට හොඳ ගුලියක් අඹරන්න ඉඳියේ...

නිවාඩු දවසේ වැඩ කීයක් කරන්නද.. රෙදි හෝදන්නයි... කාමරේ අස් කරන්නයි.. ආයේ හෝදපු රෙදි වේලන්නයි.. වහින්න යනකොට ඒවා ගෙට ගන්නයි ආයේ දමන්නයි ආයේ ගන්නයි... මිදුල් අතුගාන්නයි... නාන්නයි...

ඇස් යට කළු වෙච්ච ඒවා නැති කරගන්න මොනා හරි මගුලක් කරන්නත් ඕන..

ඒ අස්සේ බඩේ අමාරුවකුත් හැදුනාම... අම්මෝ ඉතින්... ෆුල් මාවලස් නිවාඩු දවස.... මේරි අම්මට හැමදේම හැමදාම කරන්න දෙන්නත් බෑනේ.. දැන් ඒ හින්දා මාත් ගේදොර වගකීම් ටික ටික අරගෙන තියෙන්නේ...

ඒත්... පොඩි අවුලක් තියෙනවා...

අපි දැන් මැරි කරළත් අවුරුදු තුනක් විතර වෙනවා... ඒත් ඉතින් තාම නෝ බබාලාස්... ලපේට නම් ඉන්නවා හිච්චි කොල්ලෙක්... අවුරුදු දෙකක් වුණේ නෑ තාම... මන් තාම කටු වැඳිරි වගේ වේලෙනවා...