للكوشة وضلن يركصن هية وامهة وكم مرة وياهن ويهلهن ويركصن ويغنن وية الاغنية كعدت وكومتهة فيروز ركصن شوية وصورن وراحو
وكفنة كلنه سوة وضلينه ناخذ صور جماعية اضل ذكرى حلو وعمة هم ركصت وية سمر شوية ورجعت وكعدت
للمغرب كالو اجتي الزفة وفات احمد ضلو واكفين لبسهة البرنص اشوية وفات جدو وعمو واللولد اجة عمو سلمهة بيد احمد او وصى عليهة بعتبارة بمقام
بابا سلمت علينه كلنه واخذهة وراح ماما ضلت تبجي وعمة اتصبر بيها البنات راحن كلهن اني ماكدرت اروح مكدرت اعوف ماما مر الوقت ورجعو البنات ضلن يحجن ويقلدن ويضحكن صعدت لغرفتي
فتت سبحت وطلعت شسورت شعري ورفعتة كعكه ولبست بوند وطلعت خصل من شعري رشيت عطر رتبت نفسي عل اخر وضليت كاعدة وانتضر فهد انتضرته هوااي
سمعت صوت الباب الخارجي انفتح وانسد يعلن عن وصول الفهد عدلت كعدتي وذبيت المبايل فتح الباب فات وقفلة سلم واجة باسني من راسي تنهد وكال
فهد : اخخخ بويه تعبان
نرجس : كمت من مكاني حضنته بدون ما احجي وهوة بادلني الحضن بدون مينطق ضلينه ع هلحالة وحجيت
ـ تقاسمني التعب؟
ـ اقاسمج بلحيل
ـ وتعبك
ـ انطيني تعبج وانطيج حيلي
ـ ليش
ـ لان من اشوفج يرد حيلي
ـ انتَ الدنيا و بعمق هالحچاية أحبك
ابتعدت عنه ورحت حضرت ملابسة وعلكتهن بلحمام وفاات يسبح
طلع من الحمام وشعرة ينكط مي شكلت الشسوار بلكهرباء وكتلة
ـ اكعد
ـ وين ؟؟
ـ بلكاع
ـ ليش مو بگلبچ
ـ كاعد ومتربع اصلاً
ـ شوو تعااي
ـ رحت كعدت اكبالة
ـ شوو محلوة
- قــل اعـوذ بـرب الـفـلـق
ـ هههههه منحسد منحسد يابه
ـ هههههه لاا شبيك مو اني باوعت وكلت خاف اطكك بعين
ـ هاا حقچ يابه غير اني ما احجي
ـ ايي لتحجي احسن
علكت الشسوار وكعدت اشسور بشعرة لحد ما نشف طفيته وكمت
ـ كوم حبيبي
ـ لازم مشتاگتلي
ـ فهد كوم ناام مو تعبان
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
بارت 59
ابدأ من البداية
