السلام عليكم
..................
فيروز : طلع احمد وجان يطفر علية محمد وعتني من ايدي حسيت ايدي انمردت بيدة سحبني الة وصرت قريبة منة حيل وكال
محمد : انتي شوكت اتوبين من سوالفج التعبانة
ابتسمت بستهزاء وكلت
فيروز : اول شي شيل ايدك وثاني شي اتوب ما اتوب شي ميخصك تمام
شدد قبضت ايدة وكال
محمد : مو اذا متوبين من سوالفج عندي هواي طرق اذا تحبين انجربهن ونشوف ياطريقة تنفع وياج
عقدت حواجبي وكلت
فيروز : لا حول الله لكك بابا شبيك
محمد : لجج بابا جوزي مني لان اذا خليتج بعقلي والله اندمج
ابتسمت بستهزاء وكلت
فيروز : يااا كلش خفت شوف ايدي شلون ترجف
محمد : اني وياج والزمن طويل
كال هيج وجان يدفني حيل انركعت بلحايط وجان يطلع لزمت ايدي فركتهة بنرفزة مشيت شوية من يم الباب وشفتة ديمشي بتجاه بيتهم اتأفافت وكلت اخخ والله لو الزمك اشرب من دمك حقير
شوية واجة احمد باوع علية وكال
احمد : وينة
رديت بتسأول
فيروز : منو
احمد : سعيد الحض
فيروز : قصدك تعيس الحض.... ايي راح
احمد : من شوكت راح
جاوبتة بارتباك
فيروز : اا اول ماطلعت انتة هوة راح
حجة بشك وعيونة تترقب ايدي
احمد : شبيهة ايدج
فيروز : مابيهة شي بس توجعني
حجة بعدم تصديق
احمد : متأكدة
رديت بأبتسامة
فيروز : ايي متأكدة
احمد : خوش يلاا روحي نامي اتأخر الوقت
فيروز : تمام رايحة
رحت واني اعصر بأيدي احسهة ممرودة... كون الله ياخذك يمحمد ادري اكو واحد يلزم ايد ابنية بهلطرقة
بس اني الك الة انجوم الضهر بسيطة
صعدت للغرفة فتت لكيت الضوة منطفي ونور ملفلة روحهة بلبطانية ونايمة بدلت وكملت ورحت مددت شوية وغفيت
.............
نرجس : كعدت ع ملمس كلش ناعم يتلمس بخدي برقة حركت عيوني وفتحت بنعاس اول وما فتحت صارن كدامي عيون فهد ضليت صافنة بعيونو ابتسمت وكلت صباح العيون الحلوة
رد بابتسامة : صارلي ساعة انتضرج تكعدين حتة اصبح بعيونج
رديت بخجل
نرجس : وهاي صبحت بيهن
رد وكال : واحلااا صباح هم
ابتسمت وحضنتة حيل وكلت : فهد
فهد : كليبة الفهد
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
