قارورة الـ مُخلد

الحلقة |15|

واني كُل هذا وابچي بدون صوت حط بابا ايدي بأيد مُخلد وگال..

- هاي اول فرحة الي حطها بعيونك

- لا توصي حريص عمي

تقرب بابا وحضني شهگتي وهو شدني اله حيل وگال بقهر..
- لا تزيدين قهري يا بابا كافي مسحي دموعج شو باوعيلي

رفع راسي ودنگ مسح دموعي ؏ كيف وباس جبيني ورجع ايدي بأيد مُخلد وسوه نفس الشي ويه اية وهم سلمها لـ قيصر مع سيل توصيات، طلعنه بالسيارات للزفه..

اول شي طلعنه ناخذ صور وما احجي عن سوالف مُخلد وين اللقطات الجريئة طلبها والمصورة تضحك وتهز راسها اله يبوووو فضحنييي اجيت ابچي من الفشله..

وحدة من الصور لف ايدة ؏ خصري وشالني اله صرت بطوله ودفن راسه برگبتي المصوره تصور وهو ملتهي يبوس متت بيده...

اخذنه صور ويه خواته وامي..

خلصنه وطلعت حمرة من الخجل وگبل طلع للفندق حسيت راح يغمى عليه من متوترة وهو يتسابق ويه الولد حسيت بأي لحظة تنگلب السيارة بينه ومن احاجي يگُلي لا تخافين منتبه غندبت عليه ومن كُل عقلي زعلت وايدي ؏ گلبي خايفه ميته خوف...

وصلنه للفندق وجانت الزفة حلوة بس اني الخوف والتوتر مسيطر عليه من طلع ماما گعدت تشرح وتحجي وانا بالي كُله مو يمها بس اهز راسي..

- كافيي ماما

- هههه لا تخافين حبيبتي

سكتت بالعه ريگي من دخل مبتسم حك راسه بخجل من امي وهي گامت..

- دير بالك عليها يوم

- بوسط عيني

طلع وهو الخبيث عيشني حالة رُعب مبتسم بخباثه وعينه بعيني يقفل الباب تركه وضل يتقرب بخطوات بطيئة الي لحد ما صار گدامي لزمنيمن اكتافي وگومني..

عيونه مشت ؏ كُل شبر مني رفعلي حاجب وسحبني لصدرة كُلشي ودنگ هامس..

- منو التتعزز عليه طول فترة الخطوبة؟

- يمته يمته متعززه عليك

- وخر مُخلد زعلان مُخلد هااا؟

- فدوة بس شوي

دفعت ايدي ورجعت خطواتي لوره هز راسه بوعيد وگال..
- اليوم اطلع القضه والمضه

برطمت شفتي ونفجرت بچي مغطيه وجهي بأيديه واسمعه مات من الضحك شوي وحسيت بدفو صدره من شبگني..

- لا حبيبي ليش البچي اتشاقه

- خبيث

- مو اليوم رگبتج بين ايديه فـ عامليني بشكل حلو ولا تضوجيني

رفعت راسي اله وهمست..
- لا تأذيني فدوة بعد ما اضوجك

رخت ملامح وجهه وعقد حواجبه وتسائل..
- بس لا صدگتي؟ تره جاي اشاقيج