قارورة الـ مُخلد

الحلقة |14|

اباوعله تنهد وفرك وجهه بتعب..

مُخلد- بلد غريب حياة غريبة ناس غريبة كلشي جديد صح چنه واعين وكبار بس الاشياء الي شفناها خلتنه ننغري ونحب نجرب كلشي ونسوي الي نفسنه بي ومحد يگلنه ؏ عينكم حاجب..

والاكثر انه وايهم، بكر وحيدرا جانوا ابعاد عن بعض الاشياء مثل الملاهي والشرب والتحديات الصعبة ما جانوا ويانه الا احنه ماكو شي ما سوينه وكلشي چنه ايد بأيد..

اعرف غلط ورب الغلط من طعنه الشيطان الي وصلنه لهاي المرحلة الي دمرتنه..

بوكتها دخلنه ويه شله تعبانه شرب وكبسله والي يخطر ؏ بالك وكالعادة دخلنه تحدي جديد چان سباق دراجات انه ما شاركت لان مو هلگد بالدراجة فـ ايهم شارك..

جنت رايح للحمام من سمعت الاتفاقه الي بين اصحاب هذا السباق وجانت عبارة عن تعطيل جميع الدراجات في سبيل يفوز صديق همه محددينه..

ومن ردت اروح احذر ايهم شافوني، ما گدرت احذره منعوني وهددوني بالضبط گلولي..

- خاف اله امل ينجو من الحادث مال الدراجة نسبته صفر اذا عرف طلقه براسه ونخلص عليه

خفت اي وروح امي خفي يأذونه متت الف موته بكل لحظة خو من سوه الحادث احس انتهيت بس مو بيدي والله مو بيدي..

نقلته للمستشفى وهناك سمع حديثي وياهم من اجو يشوفونه وعباله انه متفق وياهم..

بس خلص مُخلد نطق هو بقهر..
ايهم- چذاب

مُخلد- ولك ليششش قابل اكرهك ولك انتَ اعز من اخوي الي شلون اگدر أأذيك عن قصد

- بسبببببك خسرتتت كلشييييي

- ما دخلني انه خفت عليك يقتلونك صدك

- لو ميتتت لووو ميتتت ولا عيشتيي هايي بسببكك راح ابقى طووول عمري ناقص

گام مُخلد راد يحضنه وهو دفعه خازره حيل..
ايهم- لا تلزمني وابتعد كل البعد عني

- اخوي انتَ شلون تصدك اگدر أأذيك بقصد! والله مو بقصدي بيش احلفلك حتى تصدك

- خسرتني هوااي وراح تخسر اضعاف خسارتي

- ميخالف كلشي قابل تسوي بيه بس ارجع مثل قبل

جابر- كافي عناد ايهم مو هالسمعت مجبور ومهددينه

ايهم- چذااااب محد مهدده سمعتهم بأذاني يگلوله ؏ المبلغ مقابل سكوته عن الي صار

مُخلد- اييي رشونيي صحح بس ما قبلت وچنت منتظرك تگعد واحجيلك واشوف قرارك شنو لا تصير مطي وتاخذ طرف السالفة وتوهم نفسك

ايهم- لا والله صدك اصير مطي اذا اصدك واحد گواد مثلك

جابر- الفاظكم لا العب لحزام ؏ ظهركم