بسم الله الرحمن الرحيم 🌹🌹
فل نبدأ ✌️
*********★*******★***********
في منزل متواضع في حارة شعبية
تقف سيدة في سن ال45 عام تدعي ام حسن (سميرة)
تقف وهي تنظف السجادة بالمكنسة الكهربائية و تصرخ على بناتها
سميرة:- يارب ارحمني برحمتك؟!! قالوا يا هناها يا سعدها اللي تخلف بنات دة انا لو كنت جبت جوز بط كانوا هينفعوني عن الحلاليف اللي انا مخلفاهم؟!!
ثم تخرج إليها من الغرفة ابنتها (شهد) وهي تفرك في عينيها من النعاس
شهد:- في ايه يا ماما عالصبح بتزعقي كدة ليه؟؟؛
سميرة بنفاذ صبر:- بزعق ليه يا باردة يا بنت الباردة شيفاني عمالة انضف من صباح ربنا وانتي مخمودة زي الجموسة حتي ما هاين عليكي تقولي اقوم اساعد امي الغلبانة دي في التنضيف؟؟!
ثم تخرج إليها ابنتها تؤام شهد (بسمة) وهي ممسكة في يدها قطعة خيار
بسمة:- مالك يا ماما في ايه يا حبيبتي متعصبة كدة ليه!! خدي...خدي بلي ريقك بالخيارة دي واهدي كدة العصبية مش حلوة على القولون؟!!
سميرة وهي تضربها على كتفها
:- خيارة؟؟!! الاهي يهدكم ياولاد بطني؟؟
شهد:- انا مش فاهمه انتي بتنضفي ايه؟؟! هو مش احنا بننضف و بنقلب البيت عاليه واطيه يوم الجمعة.... و النهاردة الحد يعني ملحقش عشان تسمعينا مرشح عالصبح كدة؟؟
بسمة بشك :- استني كدة ثانيه واحدة؟؟!انا شامة ريحة مش ولابد؟؟ أكيد التنضيف دة وراه إنا يابت؟؟!
شهد اقتربت من امها و كذلك بسمة اقتربوا منها كريا و سكينة و هم يمسكون ضحاياهم
شهد :- ماما... انتي جايبة عريس تاني لبسمة؟؟
سميرة بتوتر:- ايوة و فيها ايه يعني يا بنتي ماهي مسيرها هتتجوز؟!!
بسمة بشرشحة:- ومين قال إني عايزة اتجوز!!!
سميرة:- يابنت الهبلة ماهي توؤامتك مخطوبة وهتتجوز؟؟!
بسمة:- طب دي متخلفة عقلياً عشان تعمل كده؟!! عايزاني انا كمان اعمل زيها؟؟؛!
شهد تركت امها و أمسكت ببسمة من ياقة البيجامة خاصتها و تابعت بذعر
:- بتقولي على مين متخلف عقليا يا بهيمة انتي؟؟
VOCÊ ESTÁ LENDO
حارة المغربلين
Humorمين قال إن العيلة مش سند.... معايا هنا هتشوفوا سند من نوع آخر.... هنضحك و هنعيش أجواء رومانسية و عائلية........ جميع الحقوق محفوظه للكاتبة إيمي أشرف... ممنوع الاقتباس أو نقل الرواية بدون إذن الكاتبة.....
