*****
ထိုစဉ် အားမောက်မှာမူ လွန်ခဲ့တဲ့နှစ်ရက်အတွင်း ရှန့်ချန်ခုန်းနှင့်ပတ်သတ်သောအချက်အလက်များကို စုဆောင်းနေခဲ့ပြီးဖြစ်ကာ ယခုအချိန်၌ ဝေ့ရိချန်အား ၎င်းတို့ကို တင်ပြနေလေသည်။
"ချန်ကော ဒါကိုယုံမှာတော့မဟုတ်ဘူး ဒါပေမဲ့ အဲဒီပစ္စည်းပို့တဲ့သူက လေကြောင်းနည်းပညာတက္ကသိုလ်ကဘွဲ့ရတစ်ယောက်တဲ့!"
ဝေ့ရိချန်သည် ရွှီလျန်ကြောင့် စိတ်အခြေအနေမကောင်းဖြစ်နေပြီး မနေ့ညကလည်း အလွန်အကျွံသောက်ခဲ့သောကြောင့် အရက်နာကျနေ၏။ အားမောက် သူ့ကိုခေါ်သည့်အချိန်မှာလည်း သူက အိပ်ရာထဲမှာပဲရှိနေသေးသည်။ သို့သော် အားမောက်အသံက သူ့နားထဲ တကျည်ကျည်မြည်လာသောအခါ သူ အိပ်ရာမှထ၍ သူ့နားထင်ကိုဖိလိုက်၏။
"လေကြောင်းနည်းပညာတက္ကသိုလ်? ဘယ်မြို့ကလဲ?"
"ဘယ်ကဖြစ်ရမှာလဲ Aမြို့တော်လေကြောင်းနည်းပညာတက္ကသိုလ်ပေါ့! ကျွန်တော်တက်ဖို့အိပ်မက်မက်ခဲ့တဲ့ကျောင်းပဲ!"
"........"
ဝေ့ရိချန် စက္ကန့်အနည်းငယ်လောက် တိတ်ဆိတ်သွား၏။ သူ အားမောက်ကို သေသေချာချာ နားမလည်သလိုခံစားရသည်။
"မင်းက တကယ် အဲဒီတက္ကသိုလ်ဝင်ခွင့်စာမေးပွဲကိုဖြေဖို့ စဉ်းစားခဲ့တာလား? မင်းကလဲ သမ္မတဖြစ်ဖို့ အိပ်မက်မက်ခဲ့တာလား?"
အားမောက် "........."
သူထင်ထားခဲ့တာ ချန်ကောက အလွန်အမင်းနာကျင်နေဆဲဖြစ်နေမယ်လို့ ဒါပေမဲ့ ကြည့်ရတာ သူ တစ်ဝက်လောက် နာလန်ပြန်ထူလာပြီနဲ့တူတယ်။
ချောင်းတစ်ချက်ဟန့်ပြီးနောက် အားမောက်က ဆက်တင်ပြ၏။
"ပိုပြီးတော့စိတ်လှုပ်ရှားစရာကောင်းတာက သူက စာမေးပွဲရလဒ်မှာ ပထမနေရာနဲ့ဝင်ခွင့်ရခဲ့တာနော်၊ နောက်ပြီး သူက ရှုပ်ယှက်ခတ်နေတဲ့မေဂျာကိုလဲလေ့လာခဲ့တာ — လေယာဉ်ဒီဇိုင်းပညာမေဂျာတဲ့။ အဲဒါကဘာလဲ ချန်ကောသိလား"
"......."
ဝေ့ရိချန် နှုတ်ခမ်းသပ်လိုက်မိ၏။
"တိုက်ရိုက်ပြောရရင် အဲဒါက လေယာဉ်တွေဒီဇိုင်းဆွဲတာပဲ"
"ဝိုး ချန်ကော အရမ်းတော်တာပဲ! ဒီတော့ အဲဒါက လေယာဉ်တွေကိုဒီဇိုင်းဆွဲတဲ့အကြောင်းပေါ့!"
![](https://img.wattpad.com/cover/319993959-288-k83190.jpg)
ŞİMDİ OKUDUĞUN
Slowly Falling For Changkong ( ဘာသာပြန် )
RomantizmCOMPLETED ✔️ Author - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023
Chapter-27
En başından başla