سحرتني عيناك💕🎶

الحلقة16🍃

سحرتني عيناك💕🎶
للكاتبةHaboshaM
الحلقة16🍃

تاني يوم الساعة11:30ص..خشت خديجة للبنات ف الدار لقتهن راقدات😪فتحت الروشن..
وفاء:تي طفي الخرا بنرقدو😴..
خديجة:نوضي يامصيبة أنتي وياها الظهر قريب يأذن😡..
هبة:خالتي تربحي والله رقدنا الفجر😴..
خديجة:نوضن يرزيني فيكن عابيين عليكن بتفتحن حياش😡..
البنات😴😴..
خديجة:أقسم بالله نطلع 5دقايق متنوضنش تشوفن شن ندير😡..
هبة(حولت الورغان من على وجهها وفتحت عيونها):باهي نضنا ها😣💔..
خديجة:كلمتي وقلتها..(وطلعت)..
المهم ناضن وغسلن وطلعن..حصلن هزبات ملاح ع التأخير من سمية😂 (مقاللهن حد يسهرن😂💔)..المهم وف العشية هنية أتصلت بعيشة..هدرزت معاها لين عييت وصكرت..
لما صكرت هنية..عيشة مشت للبنات ف المطبخ..
عيشة:هبة تعالي نبيك شوية..
هبة:هي هي جاية..
سيّبت(تركت)اللي ف ايدها ولحقت أمها ف الدار..
هبة:إن شاءالله خير؟!
عيشة:هنية توا كانت تكلم فيّا..
هبة:إي عارفتها..
عيشة:قالت تبي التلبيسة الجمعة..
هبة(تفاجأت):الجمعة؟!
عيشة:ديري روحك متندريش توا😒..
هبة:مام لو كنت نعرف راني قلتلك..
عيشة:المهم شني توا يعجبك وإلا نغيرو؟؟
هبة:لا تمام كيف مايبو الجمعة خلاص..
عيشة:اليوم شني؟!
هبة:الإثنين..
عيشة:تمام نلحقو..وفي حاجة تانية..
هبة:شني؟!
عيشة:فكرت ف موضوع خوك..
هبة:نصيحة مني مامي وافقي💔..
عيشة:هذا اللي بيصير❤..
هبة:بجديات؟؟
عيشة:لالا نبصر😶💔..
هبة(حضنت أمها بفرحة):نجيها ميمتي السمحة❤..
عيشة قعدت تضحك عليها😂شوية وطلعن..عيشة مشت وين كانت مقعمزة وهبة للمطبخ..
فاطمة:خيرها أمك شن تبي؟!
هبة:قعدت تشوف لوفاء وتضحك😂❤..
البنات سكتن دقيقة بيش فهمن الموضوع..
وفاء(بفرحة):قولي واللهِ😆❤..
هبة:أقسم بالله مالا باهي توا كانت تكلم فيّا وقالتلي❤..
وفاء حضنتها وقعدت تبكي❤..
فاطمة:صدق يزن لما قال عليك نكدية😂❤..بدل ما تفرحي وتمشي جري توا تقوليله أول واحد😂❤..
هبة:لالا خليه توا نعرفو كيف نقولوله😂❤..
وفاء(بعدت عنها وتمسح في دموعها):تو ناداتك بيش تقولك هكي وإلا في حاجة تانية؟؟
هبة:لا مش هكي بس..وتو روحكم الجمعة😌❤..
فاطمة:شن في الجمعة بنمشي لحوش خوالي أني؟؟
وفاء:قصدك بتعرّسي🙂💔؟؟
هبة:لا شن بنعرس بسم الله مزال..الجمعة بنلبس دبلة حبيبي😌❤..
فاطمة:كذابة قصدك بتديرو تلبيسة😆❤..
هبة:يب😆❤..
فاطمة:الله ألف مبروك❤(وحضنتها)..
وفاء:وأخيراً بتتزوجي وبنفتك منك وبيقعدلي عزيز بروحي😂❤(وحضنتها)..
هبة:باهي لوسمحتو بعدو شوية قتلتوني..
البنات بعدن😂❤..
هبة:أني بنمشي شوي ونجي..
وفاء:تعالي هنا وين ماشية..
هبة:بنمشي بنكلم خطيبي قبل ماتجي عمتي🙂💔..(وطلعت)..
مشت لدارها سكرتها وكلمت محمد ورد على طول..
محمد:شن رأيك ف المفاجأة❤..
هبة:والله ماك بعقلك باهي❤..
محمد:أنتي اللي خديتيه😂❤..
هبة:ع فكرة راه كنت تقدر تقوللي ف وقتها😐❤..
محمد:وليش أسمها مفاجأة مالا😂❤..
هبة:حتى كان قتلي ف وقتها حنتفاجئ😂❤..
محمد:ومزال في وحدة تانية❤..
هبة:مزال بعد هكي؟!
محمد:مزال ماريتي شي أنتي❤..
هبة:بتقول العرس نوريك🙂💔..
محمد:مرات من يندري😂❤..
الباب يطق..
هبة:دقيقة بس خليك معاي..(ومشت فتحت الدار)..
هبة:شن تبي يامزعجة😐..
وفاء:سامحيني قاطعت عليكم المشهد الرومانسي لكن أمك قالتلك تعالي عمتي سالمة جت من طرابلس وتبي تشوفك😐..
هبة:باهي جاية😐..(وصكرت الباب..ردت التلفون لوذنها)
هبة:لازم نمشي لأن زي ماسمعت يبوني💔..
محمد:أني نبي نعرف أمتى تكلمنا زي الناس😣💔..
هبة:والله حتى أني خاطري نتكلمو زين بدون إزعاج💔..
محمد:الله غالب نتحملو وخلاص💔..
هبة:باهي سلام توا بعدين نكلمك❤..
محمد:سلام❤..(وصكر)..
طلعت هبة وسلمت على عمتها وهدرزت عليها وعلى بنتها..
المهم..ف الليل..الساعة11:45م..ف دار المعيشة كان في عمات هبة الاثنين(عمتها سالمة وبنتها شيماء وعمتها زينب وبناتها رواسي وروان)وخالاتها الإثنين ومرت عمها(أم اية)ومرت خالها(ام دعاء ولمياء)وصاحباتنا ودعاء وجماعتها مفرشين ومقعمزين يهدرزو..
سالمة(الحق طيبة وتحب عيشة وخديجة واجد معتبرتهن خواتها مش نساوين خوتها لان لماجو هي كانت صغيرة تربت معاهن و صغارهن كانهم صغارها❤):0شن صار ف موضوع عزيز ووفاء أنشاءالله غير مش قاعدة مسكرة راسك؟!
عيشة:القصة مش مستاهلة تطول أكثر من هكي..
خديجة:والمعنى؟!
عيشة:المعنى أني نبي نطلب أيد بنتك وفاء لولدي عزيز على سنة الله ورسوله❤..
خديجة(وين تلقوها من الفرحة):وأني أعطيتك ياوخيتي❤..(وحضنتها).. 
سالمة زغرطت وكلهم يباركو..ووفاء عاد وين تلقوها الدنيا مش سايعتها من الفرحة❤..
{خديجة فرحت مش عشان تبي تفتك من بنتها..عشان كانت شايفة كمية الحب اللي عند وفاء وعزيز لبعض❤وبعد رفضت موضوع زياد وهبة كانت خايفة بنتها تنكسر زي ماكسرت هبة💔}..
عيشة:وفي حاجة تانية..هنية قالت يبو تلبيسة الجمعة..
زينب:ألف مبروك أنشاءالله ربي يكمل ع الخير❤..
كملو هدرزتهم شوي وكل وحدة شدت تركينتها وتلفونها..
وفاء قالت لعزيز أن أمه وافقت وفرحانين الإثنين بيطيرو وكملوها هدرزة للصبح❤🎶..
فاطمة تهدرز مع يزن وكان خاطرها تدير تلبيسة مع هبة ويزن يقوللها بروحنا أحسن ❤🎶..
هبة تهدرز مع محمد..
هبة:منقدرش نكلمك توا..
محمد:وليش💔؟!
هبة:العمات والخالات والشعب الليبي كله بايت معانا الليلة💔..
محمد:مفيش كيف تهربي منهم؟!
هبة:مفيش بكل راقدين قدام الباب كيف الحرس بالضبط..
وع فكرة عارفين توا نكلم فيك راه😂..
محمد:الله ع البخت اليوم💔..
هبة:مش ديما إتصالات راه عادي مره مره مسجات بس..
محمد:بتحرميني منك من توا💔..
هبة:مقلتش هكي أني🙂💔..
وكملو هدرزتهم😂❤..

فاتو الأيام وجو التانيات وهبة والبنات يجهزو للتلبيسة❤بدو يخططو ويحجزو ف كل شي ويضمو والتجهيزات المعروفة يعني❤..
يوم الجمعة..كانت خديجةوزهو وسالمة(عمتها)ببناتهم بايتين..
ناضو من الصبح يطيبو والبنات دارن برمة سمحة ع الحوش..مع العصر كل شي كان واتي❤خشو البنات خدو دوش ع السريع وكل وحدة تدير ف حاجة..هبة وفاطمة رفعهم يزن بيمشو بيستلمو الحلو اللي حاجزين فيه وبيجيبو كم حاجة موصيين عليها❤..

«تفاصيل التلبيسة الحلقة الجاية❣️»..

صوتو بالنجمة كان عجبتكم الحلقة 16🌟وعلقو بكلمات حلوة كيفكم💬بيش نستمرو❤✨..
ومتنسوش أهم شي تابعوني عالإنستغرام ✨
Instagram:habosham_novels