سحرتني عيناك💕🎶
للكاتبةHaboshaM
الحلقة9🍃
ف عشية نفس اليوم..ف دار هبة..كانو هبة وفاطمة مقعمزات يهدرزن بعد كملو قراية جميع..
فاطمة:والله وقعتي وماحدا سما عليكي ياهبوشة❤(بالسوري)..
هبة:مبردك..
فاطمة:ريتي لما نقوللك أعطي لقلبك فرصة❤..
هبة:زعم نقوله على زياد وإلا لا💔؟!..
فاطمة:لتو مقلتيلاش😰؟!!
هبة:لتو💔..
فاطمة:وخيرك😰!؟!
هبة:خايفة نقوله يتغير عليا💔وخايفة منقولاش يسمع من حد تاني أو يصير شي وتكبر القصة💔..
فاطمة:قوليله وصدقيني أنه مش حيصير شي بالعكس هكي حيزيد يوثق فيك أكثر لأنه حتى هو مر بنفس الظرف أكيد حيفهمك❤..
هبة:خايفة💔..
فاطمة:متخافيش حبيبتي أنتي توكلي على ربي وقوليله ولو كان يحبك حقا حيفهم ومش حيتغير❤..
هبة:أمتى نقوله باهي💔؟!
فاطمة:لو الليله أحسن ❤..
هبة:بجد لو مش أنتي مكنتش عارفة شن ندير❤..
فاطمة:ترا بلاجو نصدق روحي واجد راه😂❤..
حضنو بعض وقعدو حاجة5دقايق هكي❤..
هبة:نسيت مقلتلكش..خالتي خديجة بعدين بتجي❤..
فاطمة:زعم من بيجيبهم؟!
هبة:جدّي😐..
فاطمة:واللهِ😐..
هبة:أكيد يزن متبيش تفكير😐..
فاطمة:باهي تعالي يافالحة نديرو برمه ع الحوش قبل مايجو😐..
ناضن دارن برمة وضمن وجهزّن الحاجات..
مع العشاء أتصلت خديجة بعيشة قالتلها أفتحي الباب..
طلعن هبة وفاطمة وهبة فتحت الباب..سلمن على خديجة ووفاء وخشن..هبة كهبت لقت يزن ف السيارة برا أشرتله بمعنى أنزل..نزل وخش صكرت الباب ومشو ورا الحوش وهبة خشت..
ف الدار..هبة ووفاء يهدرزن..
وفاء:عزيزي وين؟!العادة يطلع يسلّم على خالته💔..
هبة:اشبح وين طلع..
وفاء:ووين فاطمة؟!
هبة:برا مع يزن..
وفاء:نمشو نشدوهم؟!
هبة:لالاخليهم شوي أحكيلي قبل آخر المستجدات وتو نمشولهم..
وفاء:من غير اللي قلتلك عليهم ف التلفون ونحن جايين سمعت حاجة خطيرة..
هبة:شنو؟!
وفاء:زياد ودعاء سيبو😆..
هبة:حقا😰..
وفاء:بكري نسمع فيه يكلم فيها وقاللها بالحرف الواحد'معدش تلزميني وحتى الخطبة بنفسخها انسيني'..
هبة:هه..نفس الكلمة اللي قالهلي💔..
وفاء:مش هذي الحاجة الخطيرة..
هبة:مالاشنو؟!
وفاء:شكلها قعدت تهدد فيه قاللها أفضحي عادي أني راجل وما يعيبني شي💔..
هبة:زعم صاير بينهم شي😰..
وفاء:حتى أني هكي نقول💔..لكن حرام متستاهلش💔..
هبة:لاتستاهل أكثر..بيش مرة تانية معدش تمد إيدها حاجة غيرها💔..
وفاء:أنتي قاعدة تحبيه؟!
هبة:منحباش كرهته..لكن دعاء هذي قديش ليّا نبيلها فركة وذن بيش تعرف أن الله حق💔❤..
وفاء:أي والله تبيها..بعدك هي من يوم نخطبت وهي تتجكتر(وقعدت تعلق عليها)ننني زيزو جاب وزيزو قال.. تحساب روحها كان جابلها طرفين شكلاطة وباقة ورد خلاص معناها يحبها😂..
هبة:😂..
وفاء:هي تعالي نمشولهم خلاص سادهم..
هبة:اي هي..
وطلعن برا..
هبة:أنتي اوقفي هنا راقبي وأني تو نمشيلهم ع السريع..
وفاء:حسستيني ف مهمة سرية😐..
هبة:بنعيشو الدور شوية زي الأفلام..
وفاء:ديري زي ماقلتلك..
هبة:باهي😒..(ومشت)..
جتهم من ورا وخلعتهم..
هبة:شديتكم😂..
فاطمة عيطت مخلوعة وتعلقت بيزن..وهو ماصدق😂❤..
هبة:شن تديري أنتي وياه..
فاطمة(وعت على روحها ووخرت):وأنتي شن دخلك فينا شن نديرو😒❤..
هبة:لسانك طاول راه😒❤..
يزن:خلاص أنتي وياها تو يسمعكم حد..
فاطمة:😒..
يزن:هي تو يقعدو يدورو فيكن..
هبة:هيا..وأنت تعال أطلع بسرعة تو يجي حد يشوفنا..
يزن:امنّو المكان قبل..
هبة:إلحقني ورائي..
وقعدو يتسللو..هو مفيش حد غيرهم لكن هما عاشو الدور واجد😂❤..
خشن للنساوين(عيشة وخديجة)لقوهم يهدرزو قعمزو جنبهم..
عيشة:شنو أمتى ناويين تديرو العرس؟!
خديجة:أني نفكر تو بعد الإمتحانات..
عيشة:مرت خوك مش حترضى توا لين بنتها تكمل..
خديجة:أني بنكلم حمزة طول مش مكلمتها هي..خلاص ياسر ليهم سنة كاملة مخطوبين..
عيشة:أني لتوا مش عارفة كيف خديتيها لولدك..
خديجة:الله غالب ياحنة شن بندير..نصب قال ياناخدها يامعدش بتشوفوني..وإلا أني عارفتيني منحبش ناخد من العيلة..
هبة(خشت ف النص):ويزن أمتى ناوية تاخديله؟!
خديجة:بسم الله الولد قاعد صغير..
هبة:زوجيه من توا بيش يقعد عاقل ومتجيش وحدة اشبح من وين تخليه مهبول..
خديجة:وبيش وهو لاخدمة لاشي..
عيشة:مش يخدم مع بوه وخدي شقة أسامة؟!(أسامة يكون عم يزن)..
خديجة:شقة أسامة تبي صيانة من أول وجديد والخدمة مع بوه عارفتيني مش راضية عليها..
هبة:خويلة..أنتي مش تبيه يغير خدمته؟!
خديجة:ياريت واللهِ..
هبة:خلاص..قوليله بنزوجك وتو تشوفيه كيف يسمع الكلام❤..
خديجة:ومنهي بنت الناس اللي بترضا بواحد زي هكي؟!
هبة:في في أنتي دوري زين وأفتحي عيونك تو تلقيها😉❤..
خديجة(فهمتها وقعدت تفكر)..
وفاء(تبي تغير الموضوع):نوضن يابناويت نديرو سفرة❤..
فاطمة:هي نوضن..
هبة:مام نديرولكم معانا؟!
عيشة:اللي بيدير الخير مايشاور..
ناضن البنات للمطبخ وكل وحدة شدت حاجة تدير فيها..هبة تدير ف النسكافي وفاطمة توتي ف الماعين ووفاء تجهز ف الباقي(السناكس والخ❤)..هبة طبعاً من ذكائها الشديد قعدت تصب ف الحليب وملتفتة لفاطمة ع أساس تكلم فيها وهوب يتبزع الحليب الساخن ع إيدها😵..مشت ع أساس بتغسلها بالميه الباردة..فتحت الشيشمة وإذ بالمية من السخانه زادت تبلفطت(أنحرقت أكثر)💔..جنها البنات يجرن..فاطمة فتحت المية الباردة ووفاء جابت طماطم معجون من التلاجة وحطتلها عليها❤..
هبة:ايي حوليه يوزوز😭💔..
وفاء:تحملي شوي وتو يبرد..
المهم..كملن شغلهن ورفعن سفرة للنساوين فيها نسكافي وحلويات 🍪☕..وهنّا نسكافي والسناكس اللي من المحل☕🍮🍫🍰..
فات الوقت وروحو عيت خديجة..
«هبة شن قصتها مع زياد؟! وليش حاقدة على دعاء لهالدرجة؟! وشن حتكون ردة فعل محمد بعد تقوله؟!هذا كله حنعرفوه الحلقة الجاية❣️»..
صوتو بالنجمة كان عجبتكم الحلقة التاسعة🌟وعلقو بكلمات حلوة كيفكم💬بيش نستمرو❤✨..
ومتنسوش أهم شي تابعوني عالإنستغرام ✨
Instagram:habosham_novels
أنت تقرأ
سحرتني عيناك💕🎶
Teen Fictionهذي أول تجربة ليّا فالكتابة أن شاءالله تعجبكم❤.. شخصياتها حقيقية100 ٪ بس القصة لاتمت للواقع بصلة🎶.. نستنى في أرائكم وتعليقاتكم ومتنسوش التفاعل ع الحلقات❤.. قراءة ممتعة🎶..
