🔥 آهات_قاتلة 🔥(مكتملة)

الجزء 85

خشات راسها بين يديها كتبكي بحححرقة كبيرة معرفاتش شنو وقع بيناتهم بضبط وشنو كانت كدير معاه وفين كانو غاديين وهوما سكرانين حاجة وحدة طاحت فراسها انه كان معاها وسهرو بجوج ومدام ركبات معاه الا وراه كانو معوليين يكملو سهرة فشي قنت اخور

هي كتفكر وغير مكتزيد تعصب كثر حتى شافتهم مخرجيناه من الإنعاش فسرير متحرك عامر سلوكا و طوق الرقبة فعنقو ورجلو ضايرة بالفاصمة واضح مهرسة !! .. ناضت بشوية لعندو ووقفات جنبو حطات يديها على فمها كتبكي وجهو كولو مضروب وفوق حاجبو مخيط بقات كتبكي على حالتو لي وصل ليها بسبابها هي ملامتوش ومغتلوموش ومغتحاسبوش على هادي لي كان مركبها معاه فطوموبيل لانها تاهي غلطات ومحسبهاش والى جات تحاسبوا ... هاكدا غاتكون أنانية ....

دخلوه لسانسور و هي رجعاو بلور متكية على الحيط كتنفس وكل مرة تنفض الافكار لي كيراودوها من راسها مبغاش تشك فيه .. لانها عمرها شكات ولا فكرات تا فيها ... كتيق فيه وعارفة كيبغيها و ما ركب معاه ديك لبنت الا وكاين سبب
مزال ماقداش تفهم فين كاين المشكيل ..واش فيها ولا هو لي زاد فيه بتحكم ديالو و غيرتو عليها ؟؟؟؟؟ غمضات عينيها ونزلو بدموع سخااان صبغو عينيها ونيفها بالحمر خدات نفس نفس عمييق وكتحاول تنسى لي طرا ومتديش علييه وكتقول مااااعليش .... ياك تا انا درتها ما مرة ما جوج وخرجت بلا خبارو ودرت شي حوايج هو مكانش راضي عليهم ... وسمح فحقو و سمح ليا ... اذن تا انا خصني نزطم على قلبي ونسمح ليه 🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 428

فاليخت ...

كانت بدوبياس فالبلو سييال جامعة شعرها بشكل عشوائي وصندال پلا كريستيان پاغي فرجليها و جالسة فصال مونجي كتفطر وهو جنبها كيشرب قهوتو ومرة مرة يوكلها هو ولا يشربها من كاسها دالعصير و كيتفرج فيها ويطالع ملامحها مطول و كيتفكر فبقايا ليلة لبارح مزال مبغاوش يحيدو من دماغو .. هضرتها .. ونظراتها .. حركاتها .. دلعها و آهاتها القاتلة للي مبغاوش يبعدو من تفكيرو ...

طلعات عينيها فيه لقاتو ساهي فيها و هي تبتاسم ...

روسيل : مالك كتشوف فيا بحال هاكا

رازفان : ( شد يديها عندو وباسها وحط ابهامو جنب عينيها ) كنتسطى على هاد لعوينات

روسيل : ( عضات على شفايفها ) بغيتك ديما تبقى معايا هاكا كالم و حنين

رازفان : ( شداتو ضحكة مقدرش يحبسها هو يطلقها ) ههه علاش انا صعيب ؟؟

روسيل : ( عوجات شفتها لجنب ) غي صعيب و سكتي ..

رازفان : ( قلب ليها وجها لعندو ) مكنعجبكش هاكا ؟؟

روسيل : شي مرات كتخلعني

رازفان : ( تبسم ليها بحنية ) الى مدرتيش علاش نتعصب مغنتعصبش عليك