روسيل بلعات ريقها وعلات عينيها فداك الكارد وهو كان حادر راسو لارض رجعات شافت فرازفان و عينيها توسعووو على جهدهم ملي شافت سلاح فيدو عينيها فلحضتهم دمعو مبغاش تكون سبب موت شخص آخر يكفي توفيق و عصام لي ماتو قدامها
روسيل : الله يخليك هو ماعندو تا ذنب .. الى بغتي تعاقبو عاقبني انا فبلاصتو
رازفان : ( بهدوء ) اخر مرة غنسولك شكون فيهم عطاه ليك
روسيل ضارت كتشوف فيه لقاتو علا عينو فيها ونظراتو كانو كيوحيو لندم و الحزن والخوف وكلامو باقي كيتسمع فودنيها ... " مادموزيل ميمكنش نعطيه ليك راه لاعرف سي رازفان هادشي ايقتلني" .... " مباغيش نخسر خدمتي منها معيش مراتي وولادي وسي رازفان مغلقااش بحالو كيتعامل معانا مزيان ومهلي فينا ولكن فبحال هاد الامور صارم بزاف الى مشى حتا حصلك متجبدينيش عافاك "
ضغطات على راسها وعلات صبعها موجهاه لواحد من رجال رازفان ....
روسيل : هدا هو لي عطاه ليا
بلاما يتلفت تيرا فيه جابها نيشان لجبتووو طاح على طولتو غارق فدمياتو و روسيل طاحت على ركابيها كتبكي
هو رجع سلاحو مور ضهرو ونطق وهو كيشوف فيها
رازفان : هزوه عليا منهنا ... ( نطق موجه كلامو ليها ) هاد المرة قتلتو انا مرة أخرى غنخليك نتي بيديك تقتليه لاباقي عاودتيها ....
روسيل : ( علات فيه عينيها ونطقات بنبرة حقودة ) نهار على نهار كنزيد نكرهك ..هادشي كامل لي درتي مغندوزووش ليك بسااااهل
رازفان : ( تحنى لعندها ) ياك قلتي باغا الحرب .. وعلنتي عليها ... يكما تخلعتي وتراجعتي على كلامك
روسيل : ( تبسمات جنب ) وخا يبقى فيا عرق واحد .. عرق وااااحد ا رازفان .. مغنتراااجعش على كلامي .. نتا لي بغيتي هاد الحرب وتحمل نتيجة افعالك ....
رازفان : ( شد خصلة من شعرها بين صباعو ) دخلتي راسك لواحد المستنقع صعيب تخرجي منو ... ( ميل راسو فيها ) فخبارك لاخرجتي نتي الخااسرة من هاد الحررب اش غيصرا فيك !!
روسيل : مكيهمنيش شنو بغا يوقع لي كيهمني هو ناخد روووحك بيدياااا ....
رازفان : ( بنبرة استفزازية ) باغا توسخي يديك بدم وتولي قتالة بحالي !!!
روسيل : الى كانو يديا غيتوسخوو بدمك ميهمنيش لارجعت قتااالة مهم عندي هو نهني الناس من امثالك بحالك مخصهمش يبقااو عايشين معانا
رازفان : كتلعبي بروحك .. وهدشي غيرجع عليك بضرر غاضري غير راسك
روسيل قربات عند وجهو كثر تامبقى كيفصل بيناتهم غير انفااسهم الساااخنة
روسيل : دير فبالك الى ضريت انا ... ( عوجات راسها معاه كتشوف لشفايفو وهو بلع ريقو ) تانتاا غاضر معيااا
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
