🔥آهـات قـاتلة 🔥 " Razvan"
🖋️🌹 بقلم : ايمان العماري
🌈الـبـارت 281:
صباح يوم غد
الساعة الواحدة زوالا .....
∆غرفة روسيل
واقفة فالبالكون بينوار دالحمام كانت يلاه واخدة دوش حيدات بيه تعب السفر من بعد ساعات طوال على متني الطائرة كانت ساهية كاتشوف فجردة الجو كان بارد والسما مغيمة واضح انها غتمطر فأي لحظة !
دخلات لاشومبر ديالها لبسات عليها حوايجها ونشفات شعرها بسيشوار وخلاتو على طبيعتوو مسرحااتوش غير نشفاتو من الما باش ميضربهاش البرد هزات بانضة تاكانت غتجمعو فلخر خلاتو مطلوق هزات تليفونها وصاكها وهبطات ....
جلسات فصال مونجي والمساعدة والخادمة كيحطو فالفطور وهي كتقلب عليه بعينيها ساعة مبانش ليها علات راسها فالمساعدة ونطقات بتسائل
روسيل : مسيو رازفان مكينش ؟
المساعدة : ناعس فبيتو اماادموزيل
روسيل : داكوغ
المساعدة : نطلع نفيقو ؟؟؟
روسيل : بلاش غير خليه
المساعدة : واخا مادموزيل
خلاتها ومشات هي والخادمة وروسيل كاتشوف فداك الفطور بشهية مسدودة مكرهاااتش دابا طلع عندو وتفيقو باغا غير امتى تمشي تشوف باباها توحشاتتو بزاف الذكرى الوحيدة لي بقات ليها من ماماها ... هو باش كتفكرها
نصف ساعة وهي جالسة على وضعيتها تالمحااتو نازل كان فكامل انااقتو بالزي الرسمي كوستار فالرمادي وحذاء اسود لااامع وساعة روليكس مزين بها معصموو الرجوولي
وريحة برفانو قالبة دنيا قرب عندها وجلس فالكورسي المقابل ليها
رازفان : صباح الخير
روسيل : صباح النور ، سولت عليك قالو ليا مزال ناعس
رازفان : زربانة !
روسيل : ( بملامح حزينة ) توحششتو بزاف
رازفان : هاحنا غاديين دابا هضرت مع البروفيسور وعلمتو بلي غاندوزو عندو نشوفوه
روسيل : مسولتيهش كيف بقى بابا !!
رازفان : ( هز فنجالو ) مسولتوش قلت تانمشيو لعندو ومنها تسمعيه تانتي شنو غيقول
روسيل : واخا ...
رازفان : فطري
روسيل : بالصحة ، معنديش الشهية
رازفان : الى مفطرتيش مغنديكش معايا
روسيل دازت دمعة من عينيها وهو غير شافها حط فنجالو بززعفة
رازفان : الى غاديري ليا هاد الحالة ملي تشوفيه حسن بلاما نديك معايا
روسيل : ( نطقات بنغمة البكاء ) حالتو كتقطع لي فقلبي خايفة نخسرو ... خايفة بزاف لانخسرو كيف ما خسرت ماما 🔥آهـات قـاتلة 🔥 " Razvan"
🖋️🌹 بقلم : ايمان العماري
أنت تقرأ
🔥 آهات_قاتلة 🔥(مكتملة)
Teen Fiction🔥#آهــااات_قـاتــلـة🔥 #Razvan بعد كل ضحاايااا شرارتي وجبروتي ... كنت ضحية اهاتك القاتلة...🥂🍷 بـقـلـم 🖋️ : •إيــمــان الـعــمـاري• 🌷كل من رأها يقول يا لها من فتاة #قوية #صامدة ، #جاحدة #عنيدة ... لا يهمها أحد فتاة في عمر الزهوور و لكن...
