Fatima_Al-juboory
.... جفاهـــم ياكل بروحـــي اكـــل رحـــه
منقذي من الظلام.
بقلم فاطمه الجبوري
ريناس:
مرت الايام كلش هادئه روتين يومي البيت هدوء اني ابتعدت عن زمرد لان فعلا حسيتها تريد توكعني بتهلكه بعد اخر مره اجت وطلبت مني اسامحها ونرجع نفس قبل رفضت هل شي رفض قاطع بوقتها هددتني وطلعت بس مااهتميت الها ولا درت بال
بيوم من الايام جانو اهلي كالعاده ابوي ادهم ظافر بالدوامات امي تريد تروح لنرجس كتلها اريد اروح وياج لان كلش ضايجه
قبلت اروح وياها كمت بدلت ركض وطلعت وياها اول ماطلعنه من الباب طبكت سياره ذياب نفخت بضجر
... اوووو هذا شرايدددد
.... اششش ماما لايسمعج فشله
.... تره صراحه كلش طوخها ومصخها
كطعت كلامي لان نزل من السياره وتقدم النه وهو مبتسم درت وجهي عنه صايره ماطيقه هو اني بالاصل ماطيقه
ذياب: السلام عليكم
ام ادهم: وعليكم السلام هلا يمه شلونج
.. الحمدلله خاله بخير شلونج ريناس
جاوبته من وره خشمي واني منطيته ظهري
... الحمدلله بخير
ذياب: ادهم موجود
ام ادهم: لا والله يمه ماموجود بالدوام
... هاا اني اترخص خاله معذور ع التاخير خاف اخرتجن عن طلعتج
... لا ييمه صدك جذب بس شرايد من ادهم
... هيج والله خاله ردته بشغله
عافنه ومشه لسيارته حركها ومشه اووو شكد صايره انزعج منه مابلعه ابد
رحنه لنرجس ورجعنه بليل كبل ذبيت نفسي ونمت صايره اكضي وقتي نوم
ثاني يوم كعدت ضايحه واحس الدنيا طالعه من عيني گلبي مقبوض حيل احس اكو شي راح يصير عدلت كعدتي وخليت ايدي ع گلبي الي يدك بصوره سريعه ليكول داخل سباق
شنو هل شعور ماجاي اعرف قريت ايه الكرسي خمس مرات واني خاله ايدي ع گلبي رجعت قريت سوره الفاتحه هديت ثوابها لام البنين تخفف عني هل خوف ماجاي يخف بالعكس الم گلبي ودكاته بيهن ومايزيدن ويه مرور الوقت
نزلت جوه هدوء قاتل نفس كل يوم بس امي الثواني والدقايق الي تمر احسهن يخنكني احس شي جبير احس اكو فد مصيبه جبيره جاي تقترب مني ويه اقتراب الوقت
كاعده بالمطبخ ودخلت امي
... راح اروح للخياطه ام قاسم(ام زمرد) تجين وياي
.. لا مالي خلك
... مو مناك وامر ع نرجس انطيها غراضها وصتني اجيبهن من ام قاسم خاف اتأخر
تستمر القصة أدناه
... عادي
... ع راحتج بس مو كل اليجي تفتحين الباب اله
طلعت امي واني ضليت افتر ماعرف شريد دكيت ع ادهم مايرد دكيت عليه من جديد رفضه عرفت عنده شغل ادك ع ظافر هم مايجاوب عفت التلفون وكعدت بالحديقه
تقريبا مر نص ساعه واني ع كعدتي ندكت الباب صحت منوو اجاني صوت زمرد
... اني فتحي
تذمرت بيني وبين نفسي لان مالي خلك
... اي جايه
فتحت الباب صارت بوجهي واكفه ومبتسمه اول ماشافتني شبكتني بس ماشبكتها اني ضليت ع وكفتي ماكدر اكسر كلام ادهم انطيته وعد ابتعد عنها وكل مااتذكر موقفها كدام العساكر تحز بخاطري
زمرد: ريناس مشتاقتلج كلش
... زمرد شرايده
... ليش هيج تخليتي عني
... ماتخليت اني بس انتي الي اختاريتي هل طريق كتلج ابتعدي عنه وعوفي سوالفج لان محد يفيدج مارضيتي خلاص انسي وتفضلي بره
بعدني ماساده الباب دفعته بقوه ودفعتني لداخل البيت وسدت الباب ورتكت عليه ضحكت باستهزاء وحجت
... وليش بله يااستاذه ريناس انتهت بيناتنه اعتقد تونه بدينه
... شتقصدين زمرد
... هههههههااااي شي مااتتوقعي ولا يخطر ع بالج مو اني الي انطرد وانهان من اشخاص زباله نفسج ونفس جهاد
تقربت مني واني ارجع لوره خايفه منها نضرات الحقد والشر تطاير من عيونها وصلت قريب مني كمشتني من زندي حيل وقربتني منها وهمست باذني بفحيح وحقد بصوت مملؤء بالشر
.... تدرين شراح اسوي بجهاد مستعده ادفع دم گلبي في سبيل اخسره ثمن طرده الي تدرين انتي شكد غبيه وثوله ومشيتي وراي بعمه عين طول الفتره الي وياج اني جنت العب ع الحبلين ههههههههه والله مسكين جهاد الغبييي اخليج تنشرين صورج اخلي يحترك بناره عود هو هلا هلا كل الي بيده يجي يرزل بس شنو المقابل اخليج تسوين تصرف اخس من الي قبله واصورر وادزله تدرين شنو من ابات يمج كمت ادزله صورج وانتي نايمه مرات حته وانتي بالكيمونه ادزله ههههههههههه تدرين ليش علمود اتقربله وفعلا تقربت وتقربت اله الى ان فرضت نفسي عليه غبي جان ينطيني ورق بلا مبالا الى ان بيوم الحقير الجلب طلبت منه اتزوجه زواج متعه ردت اوكعه بتهلكه بس طردني تدرين شلون طردني
تحجي بفحيح وغضب مكتوم ويه كل كلمه احسها صاعقه ويه كل كلمه احسها جان تنزل قناع البرائه الى جانت لابسته الى ان ضغطت ع ايدي بقوه وسحلتني لنص الحديقه وهيه تكول هيج جرني جهاد هيج طردني كمشت شعري بقوه وعتته
