Fatima_Al-juboory
…وبطمأنينةه عراقية :
( بَاچر تعِدي وتصيرّ سوالِف ) ♥️
....... ♡♡......
ريناس: كعدت من النوم جوعانه كلش ليكول صارلي ايام ماماكله كمت من الفراش بكسل مطيت جسمي احاول اصحصح باوعت للساعه بضجر جانت ب 3 ونص اتجهت للحمام غسلت وفرشت اسناني
طلعت اخذت تلفوني ونزلت البيت هدوء كالعاده بس من يجن اخواتي ينكلب بسبب الجهال
اتجهت للمطبخ بعد ماسمعت صوت اهلي بي
ريناس: صباح الخير
ابو ادهم: ياصباح هذا بابا كولي صباح الظهر
ريناس: ههههه بابا خليني شرايد مني
ابو ادهم: بابا غير اخاف عليج والله مو زين النوم الهواي يعني انتي من البارحه بليل لحد هسه نايمه مو زين والله
ام ادهم: ليش عيني منو يكلك من اليل نايمه كول للصبح يله تنام
ابو ادهم: ليش تسهرين
ريناس: بابا اول مره والله
ابو ادهم: بعد لا تعيديها مو زين
ريناس: إن شاءلله شمسوين غده ميته جوع
ام ادهم: سويت برياني روحي صبي واكلي
ريناس: الله عاشت ايدج من صدك مشتهيته
حجو امي وابوي بوقت واحد
... الف عافيه
ريناس: الله يعافيكم
ابو ادهم: اني اترخص اروح للشغل
ام ادهم: مرخوص
ريناس: غالي ماترخص
باوعلي وابتسم تقدم ناحيتي باسني براسي وطلع صبيت وكعدت اكل
ام ادهم: ولج ع كيفج راح تغصين ليشوفج صارليج سنه مماكله هههههه
ريناس: جوعاااااااانه جوووووووععاااااااانه
ام ادهم: هههههههه ولج فلك صوتج يلعن بليسج اكلي اكلي شيخلصني منج
ريناس: ي ي عفيه
ام ادهم: العصر اروح لجود تجين وياي
ريناس: لا شو مالي واهس
ام ادهم: براحتج امي
طلعت امي واني بقيت اكل وصافنه بالفراغ الي كدامي وفكره تجيبني وفكره توديني نفضت الافكار من راسي وكملت اكل
كمت غسلت المواعين الي اكلت بيهن بعد ماشبعت رجعت كعدت سحبت التلفون وكمت اكلب بي
دخلت ع الانستا ضليت اكلب بالاستوريات اثناء مااني داخله ع الانستا اجاني اشعار طلب مراسله
من حساب وهمي لا صوره ولا اسم مجرد جان الاسم نقطتين بس بهل شكل (..) جانت رسالته
💬. قلبكِ المتعب بجواري دائما وعيناك المرهقتان من الحزن والدموع ارهقتني انا بالكامل قلبك المحطم هل يمكنني معالجته هل يمكنني ان افسر مشاعر قلبك هل كانت مشاعر حقد ام كره ام ماذا.....
رسالته جانت محيره وغامضه بالنسبه الي مافهمتها ولا فسرتها عن شنو جان يقصد ولا عرفته منو هذا الشخص
هل كانت رسالته الي اني ام لا جان يقصدني اني او شخص ثاني جان قاصده بهذي الرساله
الانسان مرات تجي فتره ينثول بيها بحيث يصير ويا موقف كلش واضح بس هو مايفهما ولا يفسره الى بعد مرور وقت وكانت حالتي بهذا اليوم لان الرساله الاجتني واضحه بس اني مافهمتها ولا فسرتها
الحساب وهمي واني اكره الحسابات الوهميه اكثر شي اكرها بالدنيا هنه الحسابات الوهميه ماجاوبته حضرته وخرجت عن الانستا كله
دقائق مو اكثر رجعت سحبت التلفون لان بالي نشغل بخصوص هل حساب واجتاحني شعور القلق منو هل شخص وليش رسالته بهل شكل جانت
دخلت ع الانستا والاول مره بحياتي ارد ع اشخاص ماعرفهم دخلت ع قائمه المحضورين دخلت عليه جان اول شخص كبالي فتحت الحضر ودزيت
💬. قلبي لم يستطع احد تفسيره أبداً ايها الغريب....
ثواني مو اكثر اجتني رسالته يمكن جان التلفون بيده ينتضر مني رساله
💬. الغريب القريب.....
💬. منو انت
💬. ليش حضرتيني ورجعتي فتحتي الحضر
💬. لان مارد ع اشخاص ماعرفهم بس رسالتك غريبه وبثت الحيره بگلبي اريد اعرف منو انت او وين تعرفني
💬. شخص منبوذ اني ماراح يفرق عندج ان عرفتيني او لا
💬. شنو السبب الي خلاك تكون منبوذ
💬. اني ماعرف السبب صدكيني
💬. من وين تعرفني
💬. ماعرفج بس مجرد متابع الج وصراحه كلش احب حسابج واحب نشرج لدرجه انتضرج دقيقه دقيقه علمود تنشرين رغم منشوراتج وعباراتج الحزينه بس احب نشرج مرات احسه يلامس گلبي المتعب
💬. امممم
💬. اختصرتي الحديث بكلمه وحده
💬. عادي
💬. اكلج شي
💬. اسمعك او اسمعج ماعرف انت ولد او بنت
💬. هذا الشي مايهم ان كنت ولد او بنت
💬. لا اكيد يهم عندي
💬. اذ كنت ولد معناها راح تحضريني نفس مساعه مو واذ كنت بنيه راح تبقين تحجين وياي
💬. بالحالتين اني راح احضرك
💬. شنو السبب
💬. تكدر تكول انطوائيه مااحب اختلط بانسان وخصوصا الغريب
💬. اممممم چا لا تحضريني واني بعد مازعجج باي رساله
💬. ليش
💬. هههههه صراحه اخاف اكلج احب عيونج واحب اشوفهن قبل لا انام ولنج حاضرتني
💬. ماينحبن
💬. عيونج ولايه محنه
💬. نكلبت شاعر
💬. گبال عيونج بس
