سحرتني عيناك💕🎶

تعريف الشخصيات🍃

سحرتني عيناك💕🎶
للكاتبةHaboshaM
تعريف الشخصيات🍃

هذي"هبة" عمرها18سنة عندها أخ واحد..
عزيز عمره23سنة..
بوها👨 أسمه"فرج"وأمها👩 أسمها"عيشة"،بوها مهندس ويخدم في شركة مأسسها هو وصاحبة من عام 2014 والحمدلله مش منقص عليهم شي❤...
مواصفاتها:قصيرة،بيضاء،عيونها بنيات،وشعرها بني لنص ظهرها،مليانة شوي مش واجد،عندها غمازة في خدها اليمين بس متبانش الا لما تضحك😊..

•وهذي"فاطمة"صاحبه هبة وبنت جيرانهم.عمرها18سنة معندهاش لاأخ ولاأخت💔..
هبة تعتبر فيها أكثر من أخت وصديقة👭❤، أنتقلو جنبهم وهما صف سابع يعني تقريباً عام2017،قرو مع بعض الإعدادي والثانوي هذي أخر سنة..
بوها👨"ميلاد"وامها👩"زهو"،بوها يخدم في الشركة مع فرج وحتى هما الحمدلله..
نسيت حاجة😅..هبة وفاطمة كانو وتو يقرو جميع في مدرسة قريبة منهم يعني يمشو كعابي والمدرسة مختلطة يعني أولاد وبنات..
مواصفاتها:أطول من هبة بشوي،بشرتها حنطية تهبل،عيونها بنية،وشعرها أسود زي الفحمة لنهاية ظهرها،حتى هي مليانة شوي بس أقل من هبة...

•وهذا"يزن"ولد عم هبة وولد خالتها في نفس الوقت وزميل الدراسة..قري مع هبة من الروضة ولحد اليوم وهما يقرو جميع، فاطمة من لما شافاته ذابت فيه 😍مع أنه عادي مش هذاك الطرف يعني..عنده أخ واحد وأخت وحدة..
زياد 21سنة(الإسم هذا أحفظوه زيين).ووفاء 17سنة(هذي تموت في حاجة أسمها عزيز❤وتعتبر في هبة وفاطمة خواتها الكبار❤ ومدايرين حزب بروحهم)..
بوه👨"عادل"وامه👩"خديجة"..أمه مرا طيوبة وحبوبة وتحب هبة أكثر حتى من وفاء🎶وبوه راجل مثقف ومنفتح..
مواصفاته:طويل،أسمر شوي،عيونه سود،وشعره بني،جسمه عادي يعني مش معضل أو شي..
الإنسان هدا اتفه منه مفيش وبصراحة هو اللي داير الجو في الفصل😎😌..

•وهذا"محمد"عمره18سنة..عنده أخ واحد وأخت وحدة..
سالم 13سنة،حلا 8سنين..
بوه👨"سليمان"صاحب فرج وشريكه في الشركه وأمه👩"هنية"صاحبة عيشة راس من الثانوي جميع..سليمان وهنية ناس مثقفة وتحب صغارها وأهم حاجة راحة بالهم مهما كان الثمن..
محمد هذا قصته قصة طوييلة بس مع الأسف مفيش حد يعرفها💔 لأنه ميحكيش لحد بس من عيونه باين كل شي(بس الحاجة الوحيدة اللي يعرفوها كلهم أن "عبير"بنت عمه ميته فيه❤ وهو مصكر باب الحب أساساً لسبب مجهول تو يبان مع الأيام💔)..
مواصفاته:متوسط الطول،بشرته لاهي بيضا لاهي سمرا لاهي حنطية متفهميهاش كيف،عيونه بنيات،وشعره بني..
(نسيت حاجة تانيه😅..محمد يقرا مع الجماعة اللي فوق👆 في نفس الفصل)..

هذي الشخصيات الرئيسية والباقي حنتعرفو عليهم مع الايام💕🎶...