للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه حتى نستمتع وي الهَيْصَم مع بعض
_______
-صداعٌ..!
يخترق الذاكرة كصِراع،
الوقتُ يمضي كسراب،
وكُلُ شيءٍ أراهُ وهم..!
النوم لم يعُد قادراً
على احتضاني كالسابق،
نغزٌ بالقلب وغصةٌ بالحلق
لا تبارحني،
لا أعاني من شيء..!
لكن أعراضُ الخيبة
من نفسي بدأت تظهر
بشكل يُخيف..!
دموعي التي تواسيني،
اختفت..!
لم تظهر منذُ فترةٍ طويلة،
هجرتني وخوفي عليها يزداد،
بعد كل شعورٍ قاتل
يحتاجُ وجود الدمع به،
لا صمتٌ يجدي نفعاً
ولا الحديث يحرزُ قدماً،
صوتي الداخلي أرهقني..!
باتَ الحملُ فوق طاقتي،
الموت الداخلي بطيء جداً
ومؤلم..!
تحيا جسداً دون روح
وتمضي وعلى وجعك السلام.
هَيْصَم: لتبجين كافي تعرفيني ما احب اسمع صوتج هيج حزين.
ليش هيج تسوي ويايه مشتاقتلك حيل وحتى اتصال متكلف نفسك وتسمعني صوتك وانت كلت انتِ بنيتي هذا وعدك اليه؟!
هَيْصَم: كافي باباتي ان شاءالله كم يوم وتجين يمي وتملين من شوفتي وتتمنين مجايه.
لتحجي هيج انت آخر شخص امل من شوفته.
هَيْصْم: اذا هيج أمسحي دموعج وغسلي وجهج ولتنامين ضايجه مو زين عليج بابا.
انتبه على نفسك حبيبي.
هَيْصَم: وانت هم يروح الهَيْصَم.
جان فاتح سبيكر كدرت اسمع كلامها وياه، اختنكت حيل ومكدرت اتحمل وكعت على الأرض حسيت الألم مثل سجين ويدخلوها ابطني اخذتها حجه وصرت ابجي بصوت عالي ، اصعب شي بالكون من تشوف الشخص اللي تحبه يعيفك ويروح لواحد ثاني،
على كل هاي الضغوطات اللي عشتها هاي السنه دعيت من كلبي وتمنيت رب العالمين يستجيبلي انو يموتني واخلص اكثر من هيج عذاب ما أكدر اتحمل ماعندي طاقه بعد وخاصتاً اذا خطبها وتزوجها كدامي والله أنجن،
كل اللي ردته اعيش وياه بسعادة ويجمعنا حب طاهر ليش الأمنيات متصير حقيقه وينكتب علينا العذاب؟؟
من تنطي لشخص حبك وتضحيتك وكل فكرك ويصير مرتبه الأولى بحياتك كلها متتحمل يتأذه بخدش بسيط مابال يروح بأكمله عني ويصير ملك وحده ثانيه؟؟
احبه من كل كلبي اصلآ كلمة حب قليله جداً بالنسبه للي احسه ناحيته شلون اعيش بدونه واني اللي مصبرني طول الفتره الفاتت هو الأمل يغير قراره ويفكر بمستقبلنه،
بعض الأحيان كلمة وحده من الشخص المقابل ممكن تبني ودمر بنفس الوقت لو مجان يتعامل ويايه بحب ويتصرف بأهتمام محبيته صح هو نبهني اكثر من مره ما ارتكب هيج خطأ لان الخسران الوحيد هو اني وفعلاً من كل هذا طلعت اني الخسرانة الوحيده من هاي المعركه هو راح يكمل حياته اما اني مستحيل أكدر اتجاوز كل هاي الذكريات،
أنت تقرأ
هَيْصَم
Romanceعندما يكون الحب والحرب وجهان لعمله واحدة. عندها تصبح كل الطرق مباحه . لايهم كيف ، ومتى ، وأين المهم فقط هو الظفر بقلبها صراع بين ماضي وحاضر يولد قصة حب من الرماد لهيب عشق لا ينطفئ وظلام دامس لايوجد فيه نور داخل طيات روحه تنبت تلك الزهره لتسقى برحيق...
