للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه..
شاركوا القصه حتى تكبر عائلتنا ونستمتع وي الهَيْصَم مع بعض..
_____________
ماذا لَو إنَنا نَلتقيَّ ؟.
بَعيداً عَن هذا العالم أقبلُ عَينيكَ
واعانِقكَ وَ ليمسَحُ كُل مِنا حُزن الاخر .
هَيْصَم: خليني وحدي.
اتفاجأت من عنده متوقعت راح تكون ردة فعله هادئه هيج فكرته راح يهيني او يسوي اي شي ثاني غير انو يحجي ويايه بهاي الطريقة جاوبته بسرعة واني منزله راسي خجل: تمام راح اطلع.
حركت رجليه واني ابتعد بهدوء من كدامه اتوقفت بعد ماگال.
هَيْصَم: الصورة.
نزلت راسي لأيدي ضربت جبيني بالسبابه نسيتها يمي قربت ايدي من عنده اخذها من عندي واني طلعت خارج الغرفه رحت لغرفتي وبقيت اضرب على راسي على غبائي هسه اني شنو دخلني بحياته هو مجرد شخص ساعدني لسلامتي مو اكثر ابحث بخصوصياته شنوو،
بس للأمانه عقلي سرح شويه ياترى شنو سر هاي الصورة حتى انقهر حيل وصارت نظرته غريبه وعصب لهاي الدرجه فقط لأن شافها بأيدي معقوله اتكون حبيبته وخاينته وسببت جرح مگدر ينساه لذلك صورة العريس مگصوصه؟
او ياترى زوجته وخاينته وي شخص ثاني لذلك هو عصب من شاف الصورة؟
ضربت على جبيني شنو هاي الأفكار الغبيه بالأضافة اني شنو دخلني بحياته الخاصه هي مجرد فتره وراح اطلع بيها منا، الأفضل ابتعد على مقدار استطاعتي وأحاول قدر الأمكان ما ادخل بشي ميخصني هيج احسن ،
طلعت من الغرفه ورحت للمطبخ حتى احضر غدة شويت سمج بالفرن وحضرت الصلصه مالته وطبخت تمن احمر ماعرف اذا هو ياكل هيج او لا سويت اللي يعجبني حضرت الزلاطه والطرشي مطلعت من المطبخ حتى كمل كل الأكل ما احب اترك شغلي قبل ميكمل،
طفيت الطباخ وطلعت حتى اصلي كملت ورحت لغرفته طرقت على الباب اكثر من مره بعدين سمعت جوابه كتله جهز الغده يجي حتى ياكل مسمعت جوابه ورحت للمطبخ بسرعة حضرت الأكل على السفرة اني رتبت المقبلات قبل ما اصلي هسه بس صبيت التمن والسمج، طول وما اجه اجيت اطلع اصيحه، فتحت الباب وصار بوجهي أشرتله بأيدي على السفره وحجيت بهمس: الأكل جاهز اتحب تاكل؟
جاوبني وهو يمشي للسفرة.
هَيْصَم: وليش ما أكُل ممتعارك وي معدتي.
الصراحه عنده هوايه صفات اتخليني اصفن بشخصيته واحب افسرها واعرف اسباب هذا الغموض اللي عنده وهذا الطبع، هدوئه ورزانته وحتى صوته وهو يحجي، صحيح يعصب واني وياه اغلب اوقاتنه عركات بس يبقى محترم بالتعامل مو شخص متكبر متكدر تحجي وياه كلمه، شفت نفسي انعجب بصفاته يوم بعد يوم قررت ابعد نظري احسن ما اورط نفسي بمشاعر تعبانه مابيها فايدة.
أنت تقرأ
هَيْصَم
Romanceعندما يكون الحب والحرب وجهان لعمله واحدة. عندها تصبح كل الطرق مباحه . لايهم كيف ، ومتى ، وأين المهم فقط هو الظفر بقلبها صراع بين ماضي وحاضر يولد قصة حب من الرماد لهيب عشق لا ينطفئ وظلام دامس لايوجد فيه نور داخل طيات روحه تنبت تلك الزهره لتسقى برحيق...
