(مهما تهربين فالقدر يجمعنا)١
حنين:عمرها ١٦ ثاني ثانوي تعيش مع جدتها جميله شعرها لين كتفها اسود مو طويله ولا قصيره هادية بارده وقويه ما تحتك باحد اهم شيء عندها راحت جدتها امها و أبوها متوفين و تعيش بديره
حور:بنت عم حنين ثاني ثانوي عمرها ١٦ شوي وتدخل ١٧شعرها يوصل نص ظهرها بشوي اطول من حنين بشوي تعيش مع امها و ابوها و اخوانها الثلاث واختها مرحه لطيفه مزعجه شوي وهبله تعيش بديره
رغد:اخت حور عمرها ١٧ ثالث ثانوي تضحك واكبر همها الروايات الي تقراها لا تخلص اذا عصبت اترحموا على انفسكم شعرها اطول من شعر حنين بشوي و اطول من حور تعيش بديره
وعد: بنت عم حنين١٧ ثالث ثانوي جميله شعرها يوصل لتحت خصرها هادية و كيوت ما غير تسلك و مفهيه تعيش في الديره ماعندها غير اخ واحد
قاسم:ابو بلال قاسي و حكيم ما يحب الف و الدوران اهم شيء سمعته
نوره:ام بلال حنونه و طيبه عكس زوجها
بلال:٢٦اخو حور الكبير متزوج أريج وعنده ولد اسمه فهد ويعيش بديره
أريج:٢٤ جميله وطيبه مرههه وتعيش بديره
عبدالله:٢٤ اخو حور بارد جدي اهم شيء الشغل حركي ويشتغل بمحل ابوه ويعيش بديره
علي:٢١ اخو حور يضحك هو الي يسوي جو بالبيت حركي بزياده ويحب طلعات البر و الوناسه ويعيش بديره
سلطان:اخو وعد٢٤ الوحيد مجنون ما يجلس ثانيه الا و يسوي مشاكل حنون
صافي:ابو ماجد اهم شيء عنده الصلاه و الشغل يحب الديره لكن مجبور يعيش برياض لاجل شغل عياله
رقيه:ام ماجد حركيه تحب شغل وتموت بطبخ اهم شيءٍ راضى زوجها طيبه بس وقت الجد تقلب
ماجد:٢٧ متزوج شوق وعنده توائم حمده و حماده هادئ و يموت في عياله بعض المرات يفصل يشتغل طبيب بيطري يعيش بالرياض
شهد:٢٥ طيبه وبعض المرات تفصل تموت بعيالها ودايم مع خالتها ام ماجد وتحب الطبخ
عمر:٢٦ هادي ودايم لحاله ولا يدري عن العالم من الدوام للبيت لمسجد فقط يشتغل مهندس
حسين:٢٣ مزعج وحركي مره يحب يسولف و يموت بسياكل عايش حياته و يشتغل بشركة
سعود:٢٢ اصغر واحد من العيال و مجننهم نفس جو حسين اذا اجتمعوا اعرفوا انه فيه مصيبه اكبر همه صلاته يضحك و شوي عصبي ما يحب احد يعانده يشتغل في الشرطه
فرح:١٩ بالجامعة تحب الميكب و اهم شيء شكلها ياكلون حلو شعرها لا هو طويل ولا قصير راقيه وكيوت
نرجس:١٧ هبله عكس اختها و دفشه كانها واحد من العيال ولا مهتمه بنفسها دايم تتهاوش مع اخوانها حركيه وتضحك
(في شخصيات بتعرفون عنها في الرواية)
..............................................................................
في الديره تحديد بيت طين مكون من ثلاث طوابق و حوش لا هو كبير ولا صغير
صحت حنين على صوت المنبه ألي ازعجها طفته و رجعت تكمل نومها لكن رن مره ثانيه مسكت المنبه و كسرته رجعت نامت لكن استوعبت وقامت بسرعه وهي تاخذ الدواء و تروح غرفة جدتها دخلت واخذت ماي وهي تصب في كوب
حنين(بصوت ناعس)جده يلا قومي وقت دواك يلا يا روحي
صحت الجده وراحت حنين تساعدها عشان تشرب الدواء
و رجعت تنومها طلعت من الغرفه وهي تمسح وجهها دخلت غرفتها و اخذت تشوف الساعه الي تدمرت
حنين(وهي تكلم نفسها)غبيه انتي تكسرينها يعني اف
واخذت جوالها وهي تشوف الساعه ٤ الفجر راحت نتوضى وتصلي لها كم ركعة على ما ياذن جلست على السجاده وهي تقرأ قران لين اذن الفجر و راحت تصلي بعد ما خلصت لبست لبس المدرسة وهي تسوي شعرها وبعد ما تجهزت اخذت جوالها و راحت المطبخ وهي تسوي الفطور وبعد ما خلصت اخذت الفطور و راحت توده لجدتها دخلت الغرفه و شافت الجده جالسه تقرأ قران ابتسمت بخفه وهي تحط صينيه الاكل على الطاوله
حنين(وهي تبوس راس جدتها)صباح الخير يا اجمل جده
الجده:صباح النور يابنيتي ها صليتي؟
حنين:اي يا جده
الجده:ها وش سويت اليوم
حنين (وهي تتربع وتجيب الصينه)سويت لك اكثر اكلت تحبينها والي هيييي فول مع تميس و شاي يحبه قلبك
الجده:الله يعطيك العافية
اخذت حنين شوي من التميس وهي تغمسه في الفول و تاكل جدتها
حنين:بسم الله عليك ها شرايك ؟
الجده:كل شيء من يد بنيتي حلو
حنين(وهي تبوسها)انتي الي الحلوه والله
ابتسمت الجده على حنين رغم وجوده عيالها لكن ما احد عندها غير حفيدتها حنين
(في الرياض)
كانوا كلهم خامدين لكن دق منبه ام ماجد وقام ابو ماجد وام ماجد بعد ما طلع ابو ماجد من الحمام وراح يصحي العيال وام ماجد راحت تصحي البنات
ابو ماجد(وهو يدق باب غرفه سعود د)سعود يا ورع قم صلاه
ما رد عليه سعود و دخل ابو ماجد الغرفه
وحصله نايم ومغطي على جسمه كله ما يبان منه شيء و راح رفع الفراش من عند وجه لكن حصل رجله
ابو ماجد:بسم لله قم يا ولد وش النومه ذي عكس الناس
سعود(في نومه)ابشر يبه
أبو ماجد:قم كله من السهر كم مره قلت لك نام بدري انت و اخوك حسين ها يلا انا بروح اشوف اخوانك وتكون اول واحد موجد
سعود:طيب
ابو ماجد (وهو يصفقه)وشو طيب ذي قل ابشر اولا لا تهرج
سعود(بعد ما صحصح من الكف):ابشر يبه
طلع ابو ماجد و راح يصحي الباقي اما سعود دخل الحمام وهو نص قايم ونص نايم توضى على السريع و طلع لبس ثوبه ونزل
ابو ماجد(وهو يسحب حسين ):يا حسين قم قم
وحسين لا من حياه لمن تنادي
ابو ماجد:تعبت منك انا
وطلع وراح غرفه ماجد كان بيدق الباب بس فتح الباب قبل لا يدق وكان ماجد
ماجد:سم يبه
ابو ماجد:الحمدلله انك قايم رح قوم اخوك حسين تعبني و الحقنا المسجد
ماجد:ابشر
عند ام ماجد
وهي تدخل غرفه البنات الي كانت شبه فوضى
ام ماجد :يربي مو بنات ايش هذا الغرفه
وراحت عند سرير فرح
ام ماجد(بخفه)فرح يمه يلا صلاه قومي
فرح:طيب يمه دقيقه
ام ماجد:لا دقيقة ولاشيء قومي صلي لك كم ركعه يلا
فرح(وهي تقوم)طيب يمه
و دخلت الحمام مع كشتها
ام ماجد:بسم الله وين نرجس؟
وهي تدور بعينها ولا تشوف ملابس كثير على الارض و فراش راحت وهي تسحب الفراش وتشوف نرجس معطيتها نومه مع قطوتها صيته
ام ماجد:بسم الله شو ذا نرجس يا بنت
نرجس : دقيقه بالله عليك اكمل الحلم
ام ماجد(وهي ترفسها)قومي انتي و الي معك امس ماشاءالله كسر كل شيء نفس امه ما يجلس قومي يلا
نرجس :ابشري
وقامت هي و كشتها ورمت صيته على الارض وهي تطلب الرحمه و راحت الحمام وتدق وجهها بالباب وطاحت
ام ماجد:احسننن في احد يمشي وهو مسكر عينه يلا عجلوا و انزلوا
وطلعت ونزلت تسوي فطور اما نرجس نامت قدام الحمام
نزلت ام ماجد تسوي الفطور وبعد كم دقيقة نزل سعود وهو يسلم على امه
ام ماجد:وين اخوانك
سعود:مادري
نزل ابو ماجد
ابو ماجد:يلا يا سعود
طلع سعود و طلع وراه ابو ماجد
وهم متجهين المسجد
عند ماجد وهو يسحب رجل حسين
ماجد:يلا يا حسين
حسين:دقيقة بس
اخذ ماجد كوب الماي و رشه على وجه حسين
حسين:اععهههههه يا كلب
ماجد :احسن قم يلا نلحق على الصلاه
قام حسيت وهو معصب طلع ماجد وهو يركض ولحسن حظه حصل فرح ودق فيها و طاح هو وفرح وكانت شهد توها بتطلع وشافت الموقف و ماتت ضحك على اشكالهم
وحسين جلس يضحك وفرح شوي وتصيح
فرح:اف اف اف يربي وش تبي انت وخر تراك ثقيل
قام ماجد وهو يضحك ويقوم فرح
الي تتحلطم ونزلت تحت اما ماجد لف شهد الي اول ما لف لها سكتت
ماجد:عجبك الوضع اجل
شهد(وهو تكتم الضحكه):ابد سكتنا
ونزلت تحت
ماجد:يلا يا حسين اخلص
حسين:ترا بردها لكن بس انتظر
ماجد:اي خير ان شاء الله
ونزل
وحسين دحل الحمام بسرعه وهو يتوضى وطلع لبس ثوبه و تعطر وطلع
دخلت فرح المطبخ وهي تجلس فوق الطاوله وهو تشتكي لامها من ماجد
دخلت شهد الي اول ما شافت وفرح ماتت ضحك
فرح:شفتي يمه
ام ماجد(بضحك):حرام عليك يا شهد خليها
شهد:اهخ ياخاله لو تشوفين اشكالهم
فرح:اي اي اضحكي
راحت شهد وهي تساعد ام ماجد في الفطور
ونزل حسين و راح مع ماجد المسجد
(في الديره)
طلعت حنين من الغرفه بعد ما خلصت الجده اكل و حطت الاكل في المطبخ وهي تسخن الشاي جت حور
حور(وهي تدخل)السلام عليكم
حنين (بهدوء )وعليكم السلام
حور:جده صاحيه
حنين:اي
طارت حور عند الجده
دخلت حور الغرفه بهمجيه
الجده:بسم الله شوي شوي
راحت نطت فوقها حور
حور(وهي تحضن الجده)اشتقت لكككك مرههههععععع
الجده(بضحك) امس كنتي عندي
حور :لو جبت سرير هنا ونمت اشتاق لك بعد
حنين(وهي تدخل ومعها كوبين شاي)الله يعينك يا جدتي
حور:وليه ان شاء الله وش قصدك؟؟؟!!!!!
حنين(وهي تمد لحور الشاي) ولاشيء اهم شي الحلوه فهمت
ضحكت الجده بخفه
و بدات حور تسولف عن احوال العائلة
حنين(وهي متسنده على التسريحة):الا حور بكره اخر اختبار صح؟
حور:اي واخيرا بنطلع من ثاني ونروح ثالثثثثثثث
الجده:الله يوفقكم الا ليه جايه لحالك وين وخيتك
حور:والله عاد هي تتجهز ساعه ف انا قلت لعلي ياخذها و يمرنا مره وحده
الجده:ايي تمام
بعد كذا كم دقيقة دق جوال حور
حور:هذا علي شكله برع
الجده :يلا الله يوفقكم
حور(وهي ابوي راسها)امين
حنين(وهي تحط الجوال على التسريحة الي جنب السرير) :يلا يا جده انا رايحه الحين هذا هو الجوال هنا إذا احتجتي شيء بس دقي طيب
الجده:كم مره تقولين لي تمام يلا
سلمت حنين على راسها و طلعت و سكرت الباب و حور سبقت حنين
اخذت حنين عبايتها و نقابها و طلعت بدون شنطه
و دخلت السياره
حنين:السلام عليكم
علي و رغد:وعليكم السلام
رغد:كيف جدتي أن شاء الله بخير.
حنين(ببرود)الحمدلله صح بعض الاحيان تتعب بس الحمدلله عدت على خير
علي :الحمدلله
حور :حنين
حنين:وشو
حور:الحين الفقرة الي بتجي كم سطر تكتب
حنين:١٥ يعني كذا
حور:ابلش فقرتي ٨ اسطر
حنين:انتي كاتبه العنوان ولا وشو
رغد:قلت لك يا حماره قصير قصير
علي:غبيه
حور:وش فيكم كلكم قلبتوا علي اف
حنين:جيبي بكتب لك فقره وحاولي تحفظينها
(في الرياض)
بعد الصلاة طلعوا من المسجد جاء ماجد و وراه حسين
ابو ماجد:ما بقيت تصحى والله
حسين(وهو يبوس راسه)اسف يبه ما حسيت فيك من التعب
ابو ماجد :انا قايل لك نام بدري نام بدري انت و الصعلوك الي جنبي
سعود(وهو يدور على الصعلوك)اي واحد يبيه
ابو ماجد:انتي يا حمار اكيد مو ماجد
ضحك حسين على فهاوه سعود
ابو ماجد:اص انت يلا حركوا
رح حسين جنب سعود و مشوا قدام و وراهم ابو ماجد و ماجد
سعود:خذينا تهزيئ عشان البلاستيشن الي جبته امس
حسين:يعني مني انا من قالي قدامممم وقعد ينط من الفرحه!!
سعود:اص بس
حسين:طيب شرايك نتسابق لين باب البيت
سعود:مالي خلق
حسين:على خمس ميه
سعود:تم
حسين :واحد اثنين ثالثهععع
و ركضوا زي المهبل
ابو ماجد:ابك وراهم ذول
ماجد:مراهقين مراهقين
ابو ماجد :لو عليك كان رحت معهم
ماجد:عادي اروح
ابو ماجد:لا انثبر
وصل سعود اول
سعود(وهو يلهث)يلا يلا طلعععععععع
حسين:غشاش
سعود:لا يشيخ اقولك طلع
طلع حسين خمس ميه ورمه بوجه
سعود:طرق
ودخل البيت وهو مروقق
وطبت بوجها نرجس
سعود:بسم الله
نرجس:من اخذ العصير الي كنت داستها ورا الطماطم!!!!
سعود:وربي مو اناااا
دخل بعده حسين
حسين:شسالفه
نرجس:اكيد انت اخذت العصير حقي
حسين :عصير؟ لا ما خذيته
نرجس:اجل مين
جاء حماده وهو يركض وماسك العصير الي قاعد ينكب منه على الارض
نرجس:اععععععععععع
ولحقت وراه
دخل ابو ماجد و ماجد
ماجد:ايش ذا الصراخ
سعود(وهو يضحك)الحق على وليدك
لف ماجد وشاف نرجس ماسكه حماده من اذن و تهزا فيه
نرجس:يا قليل الادب يا ورع تسرق اكل عمتك اذا انت صغير كذا اجل كيف اذا كبرت
حماده:شب
نرجس:شب شب اجل
ركض ماجد و يسحب ولده من نرجس
ماجد:هدي ابو الشباب تراه بزر
نرجس:وش ذا البزر مو بر ذا مصيبه
شهد:بسم الله شفيك انتي ترا كلها عصير
ماجد:وانتي وينك عنه وذي المفترسه قاعده تصفقه
شهد:خفت اجي وتصفقني معها
وهنا طاح حسين فوق سعود من الضحك وابو ماجد يضحك بخفه
ماجد(وهو يضحك)لا يشيخ
شهد :شسوي اختك مفترسه
نرجس:مالت عليك انت و زوجتك و ورعك
وراحت المطبخ تجمعوا كلهم على طالوا الفطور و بداوا ياكلون
ابو ماجد:الا نرجس انتي مخلص الاختبارات صح
نرجس:اي الحمدلله الحين بروح ثالث وبعدين اتفك
فرح:نسيتي الجامعة
نرجس:اي جامعه اول واحد يخطبني بوافق على طول
سعود:صدق لقالوا وجهها مغسول بمرق
ابو ماجد:عيب يا بنت خلك ثقيله
نرجس:معليش يبه ابشر
وقامت
ام ماجد:على وين
نرجس:باكل بنتي
حسين:بنتها؟
سعود:الحيوان حقها
نرجس(وهو ترفع اصبعها)لو سمحت اسمها صيته
ماجد:من زين لاسم اصلا قلك صيته
نرجس:اسكت انت والمفجوع الي جنبك
لف ماجد و شاف حماده ماسك خبزه بيده و الثانيه فيها بيض و ياحول يحشرها بفمه
ضحك ماجد بخفه وهو يبعد الاكل من فمه
