قهر الأرواح
ب قلمي انا
{ بنين}.
''''''''''''''''''
مشهد 3.
:- كُل الي اطلبه بسيط ليش راسج يابس؟.
:- الي اطلبه مستحيل شنو شايفني وحده من الي تعرفهن؟ بابا فتح مخك عدل وشوف ويه منو تحجي مو عبالك هاي فلوسك وسيارتك تگدر تغير بيهن نفسي لا والف لا.
غلطان لو تجيب هسه الف سياره وملايين وكُل حرفياً كُل ممتلكاتك ما تغير شعره مني ولا تگدر تسوي الي تريده لان اني مربايه احسن تربيه واخاف ربي ومحافظه عله سمعه اهلي وشغلاتك هاي مالت زينه الدنيا متفيدني توكل لا ألم الناس كُله عليك.
:- وينهم اهلج ذوليج ب النجف ماكلهم الدود قابل يدرون بعد؟
:- محافظه عله نفسي وهمه عدلين تريدني استهتر من يموتون؟
:- يعني ماكو مجال. ؟ابد.
:- ب أحلامك . ما انطي مجال مو مثل خواتك اني.
شفته انگلب ١٨٠ درجه من جبت طاري خواته شنو يرضاه عله بنات الناس وما يرضاه عله خواته..؟
شنو من بشريه ذول.
:- طاري خواتي ما تجيبي عله لسانج لا اگصه الج تفهمين؟ اخواتي اشرف منج ومن امثالج طاهرات عفيفات ما اريد طاريهن يدنس ب لسانج .
:- لا ما افهم شنو عود تخوفني؟ بس خواتك العفيافات الطاهرات؟ ليش شبيهه بنات الناس شبينه احنه البقيه ؟ ولو هوه كلمن يشوف الناس ب عين طبعه زين يشوفهم زينين مو زين يشوفهم مثل وجه. انته بس حاول حااااول تمس سمعتي او شرفي والله العضيم وحلفت وما اخلف ب حلفاني والله اندمك واخواتك هنه راح يكونن الضحيه.
كلت كلماتي الي خلته صافن ومتعجب ب نفس الوقت.
واني افتح الباب ومأشره ب اصبعي حته يطلع بره.
فهم الفكره وحك طرف حاجبه ب يعني يفكر ولفظ قبل لا يطلع.
:- مره وره مره تنطيني رغبه ب المحاوله والاستمرار لان لذه الشي من تتعب عليه حته تحصله.
:- ب أحلامك.
:- مرات تتحقق الأحلام الي اعرفه عنج متدينه تفهمين ب امر الأحلام على ما اعتقد. ؟
ابتسم وهوه يلفظ كلماته الاخيره قبل لا يطلع
طلع من الباب وسوه حركه
باي بعد ما طلع وكمل طريقه نحو سيارته.
سديت الباب وراه ب عنف.
بس ما يعبر عن عنف گلبي بدگاته.
~~~~~~~~~
مشهد 2.
طلعت من المدرسه وابتسامه بسيطه مرسومه عله وجهي.
اخير خلصت من هاي الماده صح درجته مو بتعبي جبته بس عله الاقل نجحت هم وانزاح عن گلبي.
امشي ب الشارع والدنيه صيف ب صدريتي الضيقه القصيره الي مطلعه جزء من رجليه.
المكان هدوء ومندمجه ب أفكاري .
فززني هورن سياره وراي.
طفرت من مكاني لازمه گلبي اخخ ولا حسيت وكف گلبي.
اتسعت ابتسامتي واني اشوف منو ب داخل السياره.
رجعت بسرعه للسياره اوكفت يم باب السايق.
كال.
:- اليوم الحلوه طالعه من وقت؟. ليش يابه.
:- امممم كلتلهم اختي مريضه ولازم ارجع طلبت اجازه وطلعت شارده من التحاضير.
:- هااا زين اختج صدگ مريضه..؟
:-لا .
:- لعد ليش طلعتي مو عيب تجذبين وتكولين عندي ضرف.
:- مجذبت صدگ عندي ضرف.
كلت ب عبوس مقوسه شفايفي ليجوه ب علامه حزن.
:- وشنو الضرف هذه؟
:- عندي شغل خاص.
كلته وغمزت اله وهوه ابتسم فهم السالفه.
اله صدگ نسيت أسألك.
:- اسئلي.
:- اليوم ماكو ب المدرسه افتقدتك.
:- هم عندي ضرف مثلج.
:- ضروف متشابه لعد ليش
ما نقضيه سوه.؟
:- ههه لعد تعالي ويايه اصعدي ليش تمشين ب الحر مو زين عليج يابه لا تذوبين.
ضحكت بتغندج اله وصعدت وياه ماشيه ب طريقي.
السري.
~~~~~~~
حاشره نفسي تحت الدرج واسمع صوت الانفجارات والغارات الجويه.
اسمع أصوات سيارات الإسعاف وياه أصوات الدبابات العسكريه للقوات الامريكيه.
البيت ضلمه الكهرباء طافيه.
والدنيه مغرب.
محد ويايه ب البيت بس اني والضلام.
شهكاتي ما اگدر اكتمه وعيوني مغمضته عله الرغم من ضلام المكان بس من اغمضهن احس ب الأمان.
ريمار :- بابا وينك بابا وينكم تعالو.
~~~~~~~~~~~
.قهر الأرواح
ب قلمي.
( بنين)
أنت تقرأ
قهر الأرواح
Romanceفتاتينْ مِن حضارهْ واديّ الرافدينّْ بين ضريح المسمومّْ سلمتْ أمرهاّ له....!! ابتدئتُ مسيرتها منذ الصِغر. لتربيه شقيقتها تؤامُ الشكل ولكن...!! هل وجدت ناتج تربيتها؟ ام بقيت تتستر على أفعال شقيقتها الأخرىّ.؟
