أنساب طاهرة

٤

حنان _لا تبجين يوم والله ابوج ما جان يقبل يحجي لو ما هاي الدنيا ظالمة انتِ بنتي واليگول غير هذا الكلام اموته والله اموته

رائد _ اني من ابوي حجة گلت لو اني لو هيثم لأن احنه مضطهدين طلعت الغاليه المدلله

نمارق _ ما يفرق شي هذا الكلام ويانه حجوا هنا ومات هنا لأن الحقيقة انتِ اختي بنت امي وابوي

اسيا _ بابا انت تريد توديني الاهل ابوية الحقيقي؟؟

عزيز _ماكو اب حقيقي ولا ام اني ابوج وهاي امج انتِ راح تظلين ويانه الحد اخر نفس بيج وبينه
امج والله يرحمها وابوج اصلاََ ما اعرف وين والي انتوا كلكم تعرفون سيف ميت بس هو ما ميت بس احنه ما نعرف وين وحتى لو اعرف ما اوديج اله لأن اني ابوج اني الشلتج و انتِ كلج دم اني الحطيتج بحضني بهذيج الساعة وكبرت بأذنج
وهاي الانسان الي حتوتج بكل حب ودارتج لو اني غلطان؟؟

_ماما ما قصرت وياي بالعكس حبتني اكثر خواني
و انت هم

هيثم _تمسح دموعها و تشهگ من تحجي وياهم ابوي لفاها بحضنه بكل قوه بي وظل يگح ع سريع گمت اني بيك شي

اسيا _من حجة تذكرته بعد هاي الصدمات كلها لولا لطف الله ما تجاوزتهن باوعتله واحس اكو شي بداخلي تطمن صح هو باسني بس هو مو اخوي يعني مو محرم هو محرم بس مو محرم هيج ببالي مثل المجنون احجي وي نفسي هيثم كسر اجمل شي بداخلي بس حمد الله وشكر هو مو اخوي هو مو محرم عليه الي صار حرام بس مو مثل حرمة الاخ الاخته تركت حضنهم وتناسيت الوجع بس حمدت ربي وشكرته بداخلي مليار مره
اخذني بابا وماما الغرفتي وواحد على يميني وواحد على يساري

عزيز _ اني جنت مفكر كل عمري ما احجي
بس اني احس نفسي بعد ما بيه قوه كبرت صرت شايب واخاف على اي ساعة الله ياخذ امانته

اسيا _ حسيت كلام بابا ناقص وهاي اول مره تصير بابا صريح من يحجي وما يخلي ثغره
سكتت بوقتها احس خلاص ما بيه حيل احجي واتناقش تركتهم يمي وغطيت راسي ودموعي
ما ظل يسيطر عليهن
بس ابجي بهدوء احس بهذا الاسبوع ماتت اسيا هيثم وهسا اهلي ما ظل بيه شي غمضت عيوني ما فزيت غير على صوت بابا اسمعه يحاجي نمارق شلونها هم فزت من نومها هم بجت
وهيه تگله لا ظلت نايمه

عزيز _اني نازل اصلي بابا اخذي ملابسج وطلعي بهدوء خليها ترتاح

اسيا _ ما اعرف شنو احس
ما اكدر احس هذا مو ابوي لأن ولا مره بحياته هذا الاب زعلني او بسطني او سمعني كلمة مو حلوه
ولا ماما حنان بالعكس انطوني الحنان الي ما اتوقعه اذكر موقف فد مره سبحنه اني و نمارق وطلعنه نلعب بالشارع واكوو مجرى مي وگعنه بي من شافتنه عصبت وضربتنه اني و نمارق
لحضات وباستنه وحضنتنه واعتذرت
ومن بدلنه ورجعنه سمعت بيبي تگلها شلون حرگتي ايدج
جاوبتها ببرود بالطباخ واستاهل
الايد الي ضربتنه بيها ومن بلغنه ياله حجت الموقف حمت السجينه و حركتها الايدها وبعد ما عادتها ما اذكر فد موقف وي ماما يخليني احس روحي غريبه اني بتهم ما اكدر اتقبل غير هذا
سكنت روحي وي فتحت الباب