طلال:يتنهد من غيرها ساره اكيد هي
عبدالرحمان:الله يعين بس فهمتها بس مطنقره
طلال:الله يسهلها
...
يجلسون سوالف و ضحك و وناسه لين جا اخر اليل
ابو طلال:يلاه نروح
طلال:يهز راسه ب الأيجاب يقوم
ابو طلال:يبه تجي معنا؟
ابو تركي:خله يافهد هنا
ابو طلال:فقدته وانا اخوك ابيه
الجد تركي:بروح بروح يا سعود ارتاحو انتو يقوم
عبدالرحمان:ينقز يجيب علاجاته
ابو طلال:يبتسم يلاه يبه يساعده
طلال:يساعده بعد و يروح يفتح السياره له
ابو طلال:افتح سيارتي
طلال:لا سيارتي بيقدر عليها سيارتك مرتفعه شوي عليه
ابو تركي:صادق طلال يافهد
ابو طلال:طيب يركبون و يحركون
في سيارة فهد
ام طلال:وش صار
ابو طلال:يتنهد ما رضى
ريما:اصبر عليه يا يبه
ابو طلال:يبتسم بصبر
ريما:اخطب له نوره بتردد
ابو طلال:يابوس ودي بس هي ما تبيه
ام طلال:تصد الله يعين
ريما:يعني وش طلال ما بيتزوج
ام طلال:وش ما يتزوج لا بيتزوج
ابو طلال:هو حرم انه ما يتزوج او يجبيب بزران من غيرها
يسكتونن
تقاطعهم ريما
ريما:طلال متغيرر كثيرر حاله شحوب وجه نحفه صفاره نفسيته متدمر احس
ام طلال:تتنهد الله يزينها
...
سيارة طلال
الجد تركي:صح متى تروح تكشف
طلال:بعد يومين
سلطان:للمستشفى
طلال:وش دراك؟
سلطان:كنت اجي الرياض اراقبكم
الجد تركي:صدق عاد؟
سلطان:اي والله بس ابوي محلفني بس اخذ اخباركم و ارجع
طلال:يصد يتنهد
الجد تركي:معليه رجعتو و رجع كل شي مثل قبل
سلطان:يناظر طلال موب كلنا ياجد
الجد تركي:يناظر طلال يتنهد الله يزينها
طلال:يتركى على الباب بتعب..
يوصلون البيت وينزلون
ام طلال:مشاالله ياطلال يفتح النفس
طلال:يبتسم البيت بيتس يا الغاليه ادخلي شوفيه و ان ما عجبس شي غيرته
ام طلال:بيعجبني معليك
ابو طلال:كبير ما كلفك؟
طلال:ينفي لا
ريما:انا اعرف غرفتي بضحك
سلطان:وانا
طلال:وللحين نفسها ما غيرتها
ريما:كفو
ابو طلال:حسبت ل جدك؟
طلال:اي انت وامي و جدي تحت عشان الدرج
الجد تركي:زين ما سويت زين
ام طلال:تبتسم الله يخليك لنا ياولدي
طلال:يبتسم ويخليكم لي
يدخلون و يشوفون البيت و عجبهم كلهم
يرقدون كونه اخر اليل
اليوم الثاني
طلال:يقوم بدري عشان الشركه يلبس ثوب ابيض و غتره حمرا ينزل يشوف امه يبتسم صبحتس بالخير
ام طلال:صبحك الله بنور تعال افطر قم بدري عشانك
طلال:يحب راسها ما تقصرين
ام طلال:تحط الفطور و تجلس معه عشان تخليه ياكل و تسولف معه طلال
طلال:وهو ياكل لبيه
ام طلال:وش مغير حالك لذي الدرجه عشان نوره؟
طلال:يتنهد يمه سكري على الموضوع
ام طلال:جاوبني بتوقف حياتك عشانها؟ هي و النعم فيها و ياحلوها بس لازم تعيش حياتك
طلال:يوقف اكل يمه ما اقدر لا تجبريني يقوم
ام طلال:اجلس اكل طيب
طلال:بس
ام طلال:ياولدي عشاني يلاه اكل
طلال:يعض شفته و يجلس
يخلص و يطلع ل الشركه
في الشركه
طلال:جالس ب مكتبه قاطعه طق على الباب ادخل
نوره:تدخل
طلال:يفز نوره؟
نوره:أي تجلس
طلال:شبغيتي؟ بفرحه
نوره:بتكلم معك
طلال:وش؟
نوره:بعزمك على ملكتي *هي تكذب بس تبي تقهره
طلال:نوره صادقه!
نوره:اي بكره بملك على اخو صديقتي
طلال:يصد بكسر و خذلان
نوره:معد هميتك من بعد ريم
طلال:يتنهد ريم نفس اختي
نوره:مافي شي اسمه نفس اختي تتكلم و تضحك معها!
طلال:نورهه افهمي افهمي نفس اختي هي مالها احد و تعتبرني اخوها وهي اصلن مخطوبه ل ريان استوعبيي
نوره:تكذب علي بعد!
طلال:يفتح جواله و يرميه عليها شوفي شوفي و تأكدي
نوره:تفتح جواله و تدخل محادثتهم تلقى انها بس تطمن عليه و كانت تسأله عنها عن نوره و تواسيه و طلال يقولها عن ريان و انه زين و من ذا الكلام
طلال:يناظرها تأكدتي؟
نوره:بفشله تحط الجوال تقوم عشان تطلع
طلال:وين
نوره:بتردد البيت
طلال:يقوم منس جايه معه
نوره:اوبر
طلال:اهلس يدرون؟
نوره:تنفي
طلال:امشي اوصلس
نوره:لا لا
طلال:امشيي
يروحون ل السياره
يركبون و تركب نوره ورا
طلال:يحرك
كان صمت
ياقطعه طلال
طلال:نوره بتملكين بكره جد
نوره:بفشله لا
طلال:ابتسم ها ليش قلتيه لي
نوره:ما تبي تعترف ابي اشوف اذا خروف ولا لا ولا اساساً ما هميتني
طلال:تختفي ابتسامته يصد
في نص الطريق يدق جوال طلال و كان شابكه على السياره
طلال:يرد هلا ريان
ريان:هلابك يا القطوع
طلال:توني شايفك
ريان:وش صاير بعد
طلال:وشو
ريان:صوتك واضح ان فيك شي
طلال:تورط لا
ريان:نوره ؟
طلال:ريانن
ريان:الكل يدري انك تحبها وش فرق عادي المهم بسببها
طلال:يحاول يفصل البلوتوث بس نسى كيف ريان قفل قفل
ريان:لا لين تتكلم بعناد
طلال:نوره تبين شي من البقاله كان يبي يوضح ل ريان
نوره:الي متفشله لا لا بصوت مرتفع عشان يسمع
ريان:جبت العيد يضحك
طلال:قفل و وعدك عندي
يقفلون
يوصلون
نوره:تنزل و تروح
....
"انتهى"
YOU ARE READING
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
