عند غرفة سعود و وجدان
ام تركي:انطق؟
ابو تركي:طلال ابوه خيره بينهم و بين نوره
ام تركي:طيب؟
ابو تركي:قال له اذا تبينا طلق نوره
ام تركي:طيب ليششش
ابو تركي:انتي تخلين لي فرصه اكمل؟
ام تركي:طيب كمل
ابو تركي:نوره ما تحب طلال و طلال يحبها و ابوه سمع كلام نوره له وانها ما تبيه و يوم جا امس خيره
ام تركي:كيف ما تحبه اجل ليش تزوجته
ابو تركي:يتنهد طلال شاف بنتس تحضن عمر
ام تركي:يويليي
ابو تركي:و طلال عصب و طلع لي كذبه وانه لمسها لأن ما يبي يخرب سمعتها عندي و مره وانا طالع شفته هو وعمر يتهادون و سمعت و فهمت كل شي و عمر كان يلعب على نوره و يوعدها ب الزواج و جبرها تطلع معه بس ما مس شرفها
ام تركي:تبكي ياحسرتي على بنتي كل ذا صار ولا تكلمت؟
ابو تركي:محد يدري و لا يطلع العلم بينا
ام تركي:ما بيطلع وهي تبكي
ابو تركي:خلاص ليش تبكين؟
ام تركي:بنتي مرت بذا ولا قلت لي
ابو تركي:يتنهد اجل وش حال ام طلال
ام تركي:ياقلبي اكيد متضايقه بزود
ابو تركي:الله يهدي فهد كسر طلال
ام تركي:الله يصبره
عند الديره
بيت الجد تركي
ام طلال:وين ولدييي وينهه ببكا
ابو طلال:شيدريني عنه و لا اشوفه الا وهو مطلقها
ريما:تحضن امها وهي تبكي
ابو طلال:ان اختارها لعد اعرفه
سلطان:استهدي بالله يبه
ريما:يبه ليش طيب ليشش
ابو طلال:ماخذ وحده ما تبيه و تقول بوجه انها ما تبيه وهو ما عنده كرامه! ما ربيت ولدي كذا
ام طلال:الله يسامحك يافهد ببكا
عند طلال
طلال:في المحكمه يقدم الطلاق و يتم كل شي يطلع و الدمعه بعينه يحرك فجأة رن جواله يشوف ريان يرد هلا
ريان:هلا والله رجعت
طلال:يتنهد اي
ريان:فيك شي؟
طلال:لا
ريان:متأكد؟
طلال:اي
ريان:تكلم ياطلال
طلال:وش
ريان:تعال تعال تراني ب الأستراحه و لحالي
طلال:يتنهد طيب يقفل و يتجه للأستراحه
ريان:يدق على عبدالرحمان و يقوله يجي
عند الأستراحه
طلال:يوصل و ينزل يدخل يشوف ريان و عبدالرحمان يتنهد قالك؟
ريان:يضحك لا حلف ما يقول الا اذا جيت و رضيت تتكلم قل ياطلال تراني اعتبرتك اخوي الي ما جابته امي لا تخليني احاتي
طلال:يتنهد طلقت
ريان:احلف؟ ليش
طلال:تدمع عيونه تنزل و يمسحها بسرعه ويقوم يطلع وهو يتلثم و يجلس على الرصيف ماسك دمعته و يفكر
ريان:جا يقوم
عبدالرحمان:خله
ريان:دحوم شتقول ابي اشوف وش فيه
عبدالرحمان:اقولك انا يشرح له السالفه كلها
ريان:مر بكل ذا! ولا قال لي ولا وضح ذا الشي
عبدالرحمان:طلال يكابر
ريان:تدمع عيونه الله يهدي ابو طلال الله يهديه
عبدالرحمان:امين
ريان:نروح نشوفه؟
عبدالرحمان:يلاه
يطلعون
طلال:جالس و يفكر
ريان:يجلس جنبه الي سويته الصح
طلال:يتنهد
عبدالرحمان:يجلس يناظره ما احس تعودت اشوفك منكسر
طلال:ما انكسرت يبتسم
عبدالرحمان:يبتسم اول ما اعرفك و ما اعرف اذا منسكر او لا بس الحين عرفتك و مايمدي تكذب
ريان:طلال قول لا تكتم
طلال:يتنهد لا تشيلون همي روحو رقدو بكره جامعه
عبدالرحمان:بتوصلني و بترقد عندي
طلال:ليه وينها سيارتك و مانيب راقد عندك
عبدالرحمان:والله ان ترقد سيارته عند المصلح
طلال:يارجال لا تحلفف الوضع تغير الحين مانيب راقد
عبدالرحمان:حلفت امش
طلال:لا
عبدالرحمان:طلالل
طلال:يتنهد طيب
ريان:يضحك يعرف لك
طلال:هاذي المصيبه يبتسم بخفه
عبدالرحمان:بسوق انا
طلال:يعطيه المفتاح
عبدالرحمان:يركب ويركب طلال ويحرك
طلال:يطلع الدخان و يفتح الدريشه عشان دحوم
عبدالرحمان:يناظره منت ناوي تتركه
طلال:لين يرتاح الي داخلي و اتركه
عبدالرحمان:ياتنهد
يحركون لين يوصلون
ينزلون
عبدالرحمان:بروح اجيب شي ناكله يروح قبل يمنعه طلال
طلال:يناظره يتنهد و يدخل المجلس
داخل
عبدالرحمان:يدخل المطبخ
نوره:تناظره شمت الدخان معه عرفت انه كان مع طلال
عبدالرحمان:جاتس الورقه صح وهو يحط عشا رز على جنب
نوره:اي
عبدالرحمان:وقعتي
نوره:اي
عبدالرحمان:جيبيها اعطيها طلال
نوره:هنا؟
عبدالرحمان:اطرديه من بيت عمه بعد؟
نوره:شفيك بتاكلني
عبدالرحمان:ابد تبيني ارقص عشانه طلقس
نوره:هاذا المفروض!
عبدالرحمان:ارقص و ولد عمي م.. يسكت خلاص جيبي الورقه بس
نوره:كمل
عبدالرحمان:بحده جيبي الورقه
ابو تركي:لا تعصب عليها بحده هاذي اختك و ماهي رخيصه انا غلطت اصلن الي جبرتها مفروض من البدايه فهمت كل شي بس استعجلت ولا عطيتها فرصه
عبدالرحمان:بس غلطت محد ينكر
ابو تركي:الأنسان يغلط
عبدالرحمان:يتنهد شذنبه طيب
ابو تركي:يناظره بحده ... نوره جيبي الورقه
نوره:ابشر تروح تجيبها وهي اوقات فرحانه بس تحس تبي طلال ما تعرف ليش
عبدالرحمان:ياخذ الأوراق ويطلع ل طلال
يتعشون
عبدالرحمان:هاذي الأوراق
طلال:يتنهد طيب ياخذها و يطلع عشان يحطها ب السياره يشوف عمر يصد يتجاهله
عمر:يجيه طلقتها اشوف!
طلال:يتجاهله
عمر:يدفه وين الي مستحيل يخليها لي
ابو تركي:عمررر يجيه يمسكه من ثوبه ويدفع بعصبيه للحين ما حاسبتك على الي سويته مع بنتي بحده
عمر:كان يبي يكسر طلال احبها ياعم
ابو تركي:يعطيه كف قوي و يدفه لين طاح تحبها تجيها من ورانا! والله لا اوريك يا كلب يضربه ببطنه بقوه
عمر:يقوم بألم بتقدم لها عشان تعرف ان حبي صادق
ابو تركي:يضحك كلنا نعرف اشكالك و نوعيتك!
طلال:عم أدخل ارتاح
ابو تركي:يتنهد ويدخل
عبدالرحمان:ما عندك كرامه ابوي مصفقك و بتجي تخطبها يا الكذاب يضحك توكل بس طلال امش ادخل
طلال:يتنهد ما ودي
عبدالرحمان:عشاني حلفت طيب
طلال:يدخل
يرقدون
تمر الأيام لين جا يوم الأربعاء
العصر
ابو عمر:يا سعود انا جاين نخطب بنتك نوره ل عمر
ابو تركي:انصدم ما توقع ذا الشي يناظر عمر يناظر حسين اشوف راي نوره
ابو عمر:شفها الحين ياليت
ابو تركي:ابشر يقوم ويدخل
داخل
ابو تركي:نوره
نوره:هلا يبه وهي تحس في الكم يوم الي طافت اشتاقت ل طلال
ابو تركي:عمر جاي يخطبس و عمس يبي يعرف ردس بسرعه
لينا:موافقه هي اكيد
ابو تركي:لينا نوره شقلتي
نوره:...
"انتهى"
وش توقعاتكم نوره توافق او ترفض
أنت تقرأ
ليتني اقدر اعرف انا وش بالنسبه لك.....
General Fictionليتني اقدر اعرف انا وش بالنسبه لك.. ، ، رغم جرحه؟ كنت اسامح، كنت ابيه.. ، قلبي مو راضي يتقبل غيرك.. حساب الكاتبه انستا(ei0op) نوره✍🏻
