Aise hi ek December mein, tum mujhe achhe lagne lage the.
Aise hi ek December mein maine apni dost se tumhara zikr pehli baar ki thi.
Tab toh tumse pyar bhi nahi hua tha
aur ab pyar itna hai ki samvala e nahi jaa raha.
Mere jazbaat bayan karne ki baat toh chhodo,
inn sab se milo dur bhaagti thi mai.
Aur ab tumse itna pyar ho gaya
toh dil khol ke rakh diya hai tumhare saamne.
College ka pehla saal tha, aur shayad December ka hi mahina tha,
jab hum dono ne baatein karna bas shuru hi kiya tha
Aur ab meri har baat jab tak tumhein bata naa du,
ghutan si mehsoos hoti hai.
Baatein toh Facebook pe hi shuru huyi thi
Par wo zyada yaad nhi, tab tumhare baare mein sochti hi kaha thi
Aur WhatsApp pe tumhara sabse pehla msg tha "Merry Christmas"
Pata nahi kyun har saal mai iss baat ko yaad karke bahut khush ho jaati hu.
Tum shayad yakeen nahi karoge, apne jazbaat ko
wahi tak rok lene ki koshish ussi December se hi ki thi
Wo pasand aana pyar mein naa badal jaayein
ye khayal satane zaroor laga tha.
Pata nahi tha ki tum itna apna lagne lagoge
aur zindagi saath bitane ka khayal toh door ki baat hai
Naa tumhein paane ki khwahish thi
naa tumhari hoke rehne ka ye junoon
Naa humare rishte uljhe the yu
naa mai bikhri thi tab yun ab ki tarah.
Wo wali December hi achhi thi yaar.
Tum mujhe apne zindagi mein rakhho, naa rakhho
usse mujhe itna farq toh nahi parta tha
Mera pyar aur bhi gehra hone ke saath saath,
tumhare bagair har roz bitaana itna mushkil ho jaayega, ye nahi pata tha.
Kitne saal beet gaye na
Saat saal kam nahi hote...
YOU ARE READING
Kagaz Kalam Dawat
PoetryBest rank:#1 in lovelife(as of 10/05/2020) #1in hindipoem (as of 27/12/2020) #3 in poem (as of 27/08/2021) This book is a compilation of Hindi poems that I have written so far. Hope you like it and if you do, please don't forget to vote, comment and...