يوسف : شلونج
شبيج ضايجه صاير شي ؟
ودق : صديقتي لينا سوت حادث
يوسف : وحده من ذني الاثنين المره سلمت عليهم؟
ودق : تنفست بملل اي
يوسف : شلونهه هسه
ودق : الحمدلله طلعناهه البارحه بــس ترتاح اسبوع وترجع داوم
يوسف : لتضوجين انشاء الله تصير احسن
ودق : انشاء الله
...
-لينا بنتي كعدي
لينا : ماريد راسي يوجعني
- حبيبتي كومي اكلي شي علمود الدوه يله بنتي لتعبيني
لينا : كعدت واحس راسي يموتني
-اكلت شوربة وشربت الدوه
لينا : ماما وين جدو
- نايم بعده
لينا : رجعت مددت جنت كلش تعبانه
------
ودق : هاج جبتلج عصير برتقال شربي من خيري
ترف : شعجب صايرة كريمه
ودق : شقصدج
ترف : ماقصد شي ...صفنت شويه
-اكلج اريد اخابر لينا بس خاف نايمه
ودق : باعي بالليل نحجي وياه نشوف شلون صارت
ترف : تمام .
...
لينا :احس بلمسات احد على وجهي فتحت عيني بنعس
- حفيدتي كعدي كومي والله شتاقينالج
لينا : اني هم شتاقيتلكم كعدت بحماس
-اصلا بعد ماريد انام
-اي عفيه حفيدتي واصلا عمتج جوه
لينا: شجابه
- عيب ميصير غير جايه علمودج
يله اني انزل على راحتج تعالي زين جدو مو ترجعين تنامين
لينا : تمام جدو
-كمت غيرت لبسي لان من انام احب البس شي مريح بالموت كدرت ابدل ايدي مكسورة وكلش صعب
-نزلت جوه
سميرة : هلا لينا الحمد لله على السلامه
لينا : الله يسلمج عمه
سميرة : مابيج غير العافيه حبيبتي
لينا: تسلمين
-رحت كعدت يم امي
همام : شلون صرتي ؟
لينا : الحمد لله احسن
همام : يعني بعد ماكو داعي ناخذج للدكتورة
لينا : هزيت راسي بمعنى اي
-ظلت امي تسولف ويه عمتي
امي من النوع الي متحقد ابد وبسرعه تنسى وتفتح صفحه جديدة اني عكسه تماماً
لينا : امي ظلت تلح عليهم يتعشون يمنه راحت تسوي عشه وسميرة يمه تسولف ابد متسكت
-همام ابني أذن المغرب كوم نصلي
YOU ARE READING
قيود أبدية
Mystery / Thrillerاحياناً تموت احلامنا وطموحاتنا تحت مسمى العادات والتقاليد ومن جانب اخر ننظلم من اجل من نحب وربما نتعرض للموت لنحمي من نحب - روايتنا مختلفه لانها تتحدث على ثلاثه فتيات من عوائل مختلفه .
