ساعة 10:40 ليلا ..
يوسف: اكلج !
ودق : شفت الرسالة ضليت صافنه شبي هذا شيريد جاوبته
- تفضل ؟
- اليوم مجنت مداوم
- اي واني شعليه !
- جيت اخذ واجب صديقي ممداوم
- وليش ممداوم حضرته خلي يدخل خاص انطي مو انت التاخذ الواجب هذا واجبه تره
- ليش عندج رقمه؟
- لا!
- لعد شون يراسلج ؟
- هم صدك حجيت هيج وسكتت.
- البارحه رحنه زياره الكربلاء ورجعنه تعبانين والجامعه بعيده عن البيت يحتاج ساعتين يلا نوصل
- شدعوه اني نص ساعه اوصل
- احنه مو منا من بابل تره
ودق : انصدمت
يوسف : ليش سكتي ؟
ودق : عبالي منا
يوسف : وشنو يعني وذا مناك معاجبيج؟
ودق : تررررررره مقصدييي شي لتحلل بكيفك
يوسف : يابه فهمنةةةةةةة شبيجج صيحين دنحجي مثل البشر
ودق: تره منسيت لصار
يوسف :اي احسن لتنسين
ودق : لعد شكو جاي تحجي ويايه روححح مناا مالي خلكك
يوسف : شبيج كلبتيها عركه يعني ياهو الي يجي يحجي وياج هذا اسلوبج حتى اعرف راسي من رجلي
ودق : لا بلعكس اصلاً اني اكثر انسانه متفهمه وهادئه !!
يوسف : اي كلش مبين
ودق : سكتت مكتبت شي بعد
- كلت الاختي عليج
- نعم !!! شكتله
- طلعتج انتِ لزحفتيلي
- شوكت هاي ؟
- مو البارحه دزيلي رساله طويله مال اعتذار بس حتى ارجع احجي وياج ؟ ههههه
- اصلا مو الك جانت الرساله بل غلط ندزت
- المن مثلاً
- معليك
- هي مال جذب
- يووو شكد مستفز باي
- دقيقهههههههههه جذب جذب شقه والله
- مثل مخليتني اعتذرلك انت هم اعتذرلي
- على شنو شسويت اني ؟
- مادري بس اعتدز
- هههههه اسف
- مو هيج لان اني من كلت اسف مجاوبتني!
- منو كلج الج هاي بلغلط ندزت ؟
- شو دطير
- تعادل
YOU ARE READING
قيود أبدية
Mystery / Thrillerاحياناً تموت احلامنا وطموحاتنا تحت مسمى العادات والتقاليد ومن جانب اخر ننظلم من اجل من نحب وربما نتعرض للموت لنحمي من نحب - روايتنا مختلفه لانها تتحدث على ثلاثه فتيات من عوائل مختلفه .
