اغتصبني مافيوزي 💮مكتملة💮

الجزء 104 💮

بارت104:
راني خدامة (شاف فيها أدهم و هو كيتوعد ليها بالشر قرب حتى مبقا بيناتهم والو كيشوف ليها فعينيها)
أدهم:اوك و لكن متجيش عندي فلخر (طلق منها و مشا غير خرج و هي تبدا تفكر اشنو يمكليه يدير و فاياش كيفكر فلخر هزات كتافها و نطقات)
دنيا:لي فجهدك ديرو(جلسات كتكمل لخدمة ديالها دازت ساعتاين سالات لخدمة ديالها هزات جاكيتها و تيلي ديالها خارجة من بيروها و كلشي كيعطيها السلام و الدراري لي خدامين معاها غير حالين فمهم شحال من واحد عتارف ليها بلحوب ديالو ليها مي هي كترفض مكيعجبوهاش داك لمواضيع يالاه غتركب فوق موطور من نوع Tay Max فلكحل و هو يصوني ليها تيلي جاوبات)
دنيا:وي ماما
الام:بنتي هئهئهئ عتقي خوك راه خطفاتو شي عيصابة
دنيا:(بصدمة)اشنو
الام:الله يرضي عليك أبنتي ديري داكشي لي كيقولو ليك
دنيا:تسناي هانا جاية لدار (ركبات مريم و كتيرات خلات غير الريح غادية بأقصى سرعة حتى و صلات لدار تسمع لفران بالجهد وكلشي كيطل شي من الصطح و الشرجم شي خارج حدا باب دارو كان لباب محلول دفعاتو و طلعات كتجري مع الدروج حلات لباب و دخلات كانت مها جالسة فالصالة كتبكي و معاها جاراتها اما الاب مكاينش دخلات كتجري عندها )
دنيا:اشنو و قع و كيفاش تخطف واش الدري صغير متعرفيش تخليه حداك
الام:(كتبكي عقلها غيخرج)هئهئهئ و الله ابنتي حتى كنت شادة ليه فيديه هما لي خطفوه هانتي ها خالتك بديعة سوليها
بديعة:(حتى هي كتبكي) و الله ابنيتي حتى كانت شادة ليه فيديه هما لي جاو بطوموبيلتهم خطفوه و زادو
دنيا:اهاه و شنو قالوليك
الام:عيطلي واحد فتيلي و قالي إلى مدارتش بنتك داكشي لي كنقولو ليها و لدك غيموت (فجأة صونا لدنيا تيلي ديالها برقم غريب عرفاتو غيكون هو خرجات طلعات لصطح لفوقاني جاوبات)
أدهم:أخر مرة تعطلي منين نعيط عليك