في نور عينيه

البارت الواحد والأربعـــــــون

ضرغام : لابستها الي لو للبنوات؟..

باوعتلة بعيون زعلانة
نَســـــرة :الك..

ضرغام : عجل شلون أنتِ والبنوات تختارنها؟! غير انه وياج..

نَســـــرة :اي بس يعني أريدك تشوفها بيوم العرس مو من هسة..

ضرغام : نفس اللهفة والفرحة وداعتج
لا تخافين ما تتغير هسة شفتها عليج او بليلة العرس...

نَســـــرة : ما  ابد معليه خل نختار البدلات الألوان اني وياك
والبدلة البيضة اني والبنات ماريدك تشوفها..

ضرغام : خل نختارها ولا تجربينها كبالي خليها لليلة العرس..

نَســـــرة : هيج تكول؟! ..

ضرغام :أي أنتِ غير رايده ما اشوفها عليج؟..

نَســـــرة :ايي

ضرغام : هاهي صار بس خل نختارها ودخلي قيسيها وحدج..

بعد نقاش طويل عريض قنعني
چان كل بدلة يلزمها كبل يشوف ضهرها

باوعتلة ب استغراب

نَســـــرة : ليش كبل تروح للظهر..

ضحك وحك لحيتة
ضرغام : اريد بيها قيطان من ورة..

درت وجهي للجهة الثانية وكوة ضميت
ضحكتي تحمحمت ودرت وجهي غمزلي

ضربته بخفة ع زنذة
ضحك وبقينا ندور

ضرغام : دحكي ما طول ما عجبج شي راح اطلب بدلة ع ذوقي
واذا هم ما عجبتج نطلع لغير محلات..

هزيت راسي بموافقة

صاح للولد
ضرغام : حبيبي نريد بدلة جديدة ما ملبوسة..

__ تمام وعدكم شي بالكم لو ع ذوقنة..

ضرغام : بدلة بدون أكمام وقيطان من ورة
ولونها مو ابيض اللون الثاني الكريمي او هيج شي..

جاوبة الولد
_ اها قصدك اوف وايت مو

ضرغام : أي بالضبط..

صار تدلل..

ضرغام : آغاتي ..

هز راسة الولد ب ابتسامة
وطلعلنا بدلات ركبهن وخل السيم الينفخهن وصار يراوينا

طلع وحدة لبسها للملكيانه
تجننننننن بمعنى الكلمة جانت تبهر كلشش

بحيث ضرغام دار وجهه علية وابتسم واني هم
إضاءة المحل والوانها جانت تضرب عليها
كرستال ناعم من الصدر الكصة جاية عدله بدون أكمام
ولونها مو ابيض اوف وايت نفس ما طلب