✳ الجزء 7 ✳
❤️ كنــــــــــــيتي مصـــــــــــيبة♥
🌸ادمينات وردات الملوك🌸
🔥 ممنوع من النشر منعا باتا 🔥
مشات السكرتيرة عند فؤاد لي غوت لينا و دخلات عندو كتشوف فيه و هو يدوي كي حل الگرافاطة هذه الجوجات مقطعين الوراق
فؤاد:عيطي على جوج مسالي هذه الشي
سكرتيرة:واخا
خرجات و هي تشوف وحدة داخلة خرجات عينيها:شكون انت
لبنى:انا لبنى الفرقوش
البنات شافو فيها و دارو كراخ بالضحك و هي تخنزر:مالكم ياك لباس
حركو راسهم و دارو يديهم حركة 👌
السكرتيرة:دوزي جلسي عندك الزهر مزال ما وصلات نوبتك
(شافت فيهم):مريم البزول و فاطمة الزهرة البغلة ولدات دوزو دخلو
جمعو ضحكة حيت راه تشوهو و دخلو الداخل وحدة تحنزز في التانية فؤاد شاف فيهم و شرا ليهم يجلسو خدات كل وحدة كرسي و عاد جلسات وشافت فيه
فؤاد:عرفوني براسكم
مريم:انا مريم البزول
فاتي(جراتها جرة الضحكة)
مريم (خنزرات):25 سنة ساكنة في الحي الصناعي و ع
فاتي(كتحبس الضحكة)
مريم:مالنا شي حاجة
فاتي:لا والو كملي
مريم:سليت
فؤاد؛و انت
فاتي:انا
فؤاد:اه
فاتي:اما فاطمة الزهرة البغلة ولدات
فؤاد(خرجات ليه ضحكة من جنب)
فاتي:اودي هانيا غير ضحك ا سي المدير راه كاملين بحال بحال كلها مسقي بمغرفة وحدة
مريم:على زين الكنية
فاتي:شوفي انت راسك
مريم:بزاف عليك ها المدير كنيتو حتى هو الدلاح
فؤاد:عرفتو اش عديرو سيرو حتى نعيطو ليكم
ناضت وحدة تدفع التانية و شي كي خنزر في شي خرجو عند البنات و زادو بلا كلام لا والو تمشاو حتى الرأس شدو طاكسي ركبو بجوج و وحدة كتلعب في التيلي و الثانية كتدوي مع صحبتها حتى قالو بجوج فين عيمشيو شافو في بعضياتهم
مريم و فاتي:مشي حتى طبيب تابعاني فيه متعاوديش هضرتي و دخلي سوق راسك اووووف وقف ا خويا هنا
نزلو من الطاكسي مريم غادا و فاتي تابعاها هي دور عندها :علاش تابعاني
فاتي؛سوق مووووك
مريم؛عطيني التيساع
فاتي:انا جاية عند طبيب هو صحبتي
مريم؛و انا غادا عندو
مريم و فاتي:و يعطيك غبارة تابعاااااني
مشاو كي تجاراو تقول عندهم المراطون حتى وصلو بجوج و دخلو
YOU ARE READING
❤️ كنــــــــــــيتي مصـــــــــــيبة♥ (الدراجة المغربية) - تيما مبارك
Action🚨جديد جديد 🚨 #لايحلل نشر نهاااييا و ابدااا ⛔ #حصريا-على-وردات-الملوك ♣️تحت عنوان♣️ ❤كنيتي مصيبة❤ بقلمنا نحن🖊: ادمينات وردات الملوك قصتنا قصة مشي كباقي القصص هذفنا منها هي ندخلو السعادة و ناخدوها بمرح و نعرفو حكمة كنيتك هي...
