✳ الجزء 4 ✳
❤️ كنــــــــــــيتي مصـــــــــــيبة♥
🌸ادمينات وردات الملوك🌸
🔥 ممنوع من النشر منعا باتا 🔥
فواحد الحومة من الحومات القديمة المهمشة كانت خارجة من الباب او مها كتعاونها تخرج خايفة من باها يشوفها لابسة داك اللباس لي بالنسبة ليه فاااضح جييب قصيرة فالكحل مع قويميجة فالبيض مستيلية او صباط طالون حمر مع مكياج مواتي اللبيسة غادة كتجري بالطالون او مها تابعااها حتر وصلات لبلاصة الطاكسيااات او ركبات عاد تهنات مها او رجعات للدار مخلية بنتها كتسنا البلايص يكملو عمرو 4 تالبلايص او بقى خاص 2 بلايص طلع ليها الدم حيت اتعطل على المقابلة ديااالها شافت فالشيفور
*****: عافاك غير زيد انا نخلص دوك البلايص لي خاصين غيمشي عليا الحال
الشيفور : اوا اختي خلصيهوم دابا باش منصدقوش فاامشاكيل
يالله كتقلب فصاكها باش تجبد الفلوس حتى جاو واحد جوج رجال بغاو يركبو فالطاكسي شافتهوم او هي تخرج 5 دراهم باش اتخلص على راسها او جمعات بزطامها واحد جلس حداها او واحد غلس اللور حدى واحد الكوبل تحرك بيهوم الطاكسي بقات كتشوف فالزاج حتى كتحس بشي حاجة فوق رجليها لي معريين هبطات عينيها لرجليها حتى كتشوف يد داك خونا لي جلس حداها طالعة مع رجليها شافت فيه هو يبدى يفرنس ليها بسنيه المسوسين عيفها او معجبهاش الحال يقيصها حيدات ليه يديه او خنزرات فيه بعد منها شوية واحد 15 دقيقة هو يعاود يحط يديه عليها ولكن هاد المرة زعم او بغا يدخل يديه من تحت الجيبة زيرات على يديها او هي ضور عندو مبانت ليها غير يديه هبطات عليها بعضة وحدة محيدات من يديه حتى حسات بالدم فمها او هو كيتنطر او يغوت خلعو مول الطاكسي هو يوقف فالجنب
الشيفور : الله يخليكوم خرجو فحالكم درتو ليا الشوهة فالطاكسي او برزطتو الناس
شافت فالشيفور او لاحت عليه الفلوس او خرجات تتنغر شافت فالشانطي او بانت ليها طاكسي صغيرة شيرات ليها غير وقفات ليها هي دير ليهوم فااك او ركبات دقائق او وصلات قدام الشركة خلصات الطاكسي او شكراتو دخلات بالجرا طلعات للبلاصة لي قالو ليها مع الدخلة كيبانو ليها 2 بنات جالسين شي تيخنزر فشي غير شافوها بداو كيخنزرو او حتى هي نفس شيي شافتها السكرتيرة او شيرات ليها
السكريتيرة : اش حب الخاطر
*****:السلام جيت هنا على قبل المقابلة
السكريتيرة : اهاه مرحبا بيك معانا تفضلي قولي ليا سميتك
*****(بارتباك): احم سميتي نجوى الحزقة
السكريتيرة (بصدمة): اشناهيااا الحزقة اويلي اويلي صافي كملات
نجوى : اه نجوى الحزقة معجباتكش
السكريتيرة (دارت يديها فوق راسها): مشينا فيها اليوم (شافت فنجوى)سيري اختي جلسي لهيه حتى توصل نوبتك
مشات جلسات حدى البنات لخرين مخلية السكرتيرة تتحصر على هاد الكنيات لي غيخدمو معاهوم غير الله يحضر السلامة او صافي
YOU ARE READING
❤️ كنــــــــــــيتي مصـــــــــــيبة♥ (الدراجة المغربية) - تيما مبارك
Action🚨جديد جديد 🚨 #لايحلل نشر نهاااييا و ابدااا ⛔ #حصريا-على-وردات-الملوك ♣️تحت عنوان♣️ ❤كنيتي مصيبة❤ بقلمنا نحن🖊: ادمينات وردات الملوك قصتنا قصة مشي كباقي القصص هذفنا منها هي ندخلو السعادة و ناخدوها بمرح و نعرفو حكمة كنيتك هي...
