شنو ما درنا شنو ماعطينا شنو مادفعنا من اموال ...نحطو فلوس الي ورانا والي قدامنا ...قد مكانت قوتنا كبيرة قد ما تقاتلنا على الحاجة راه الى ما كتبها عليك الله وكانت فيها خير را وخا طير لسما وتنزل ...تشري صحة بكنوز دنيا ودين ومشات ليك ماترجع ...جوج الحوايج مكيتشراوش بالمال ...الصحة الى مشات بمرة والاكثر ...الموت ...
-لا ملجأ لنا في الاخير الا ملجأ الله ...هو القادر على كل شيء ..
تسمعات صوت طوطوطوط ضارت الفرملية تشوف قربات ليه حتى بان ليها كيرمش يحل فعينيه ويسدهم حتى حلهم وسدهم ...وهي طييير وركات على الجرس وخرجات عيطات لواحد الفرملي تما ...
فرملية : دكتوغ منير تودسويت ..."شافت الساعة لقاتها ربعة صباح بغا ياذن الفجر مبقاش ليه الا دقائق ...مشات عندو كتجري تقلب وتكتب فالتقرير وتشوف فيه كان غمض عينو لكن باقين كيرمشو ...حتى رجع نعس ..."
منير" طبيب الانعاش دخل كيزرب كانت مناوبتو نيت قالت ليه شنو وقع ومشا عندو ...لقا عينيه وخا مسدودين كيتحرك بؤبؤ وهز عينيه ورجع ضار عندها " : دابا عيطي لدكتوغ محمد ...
فرملية "حركات راسها ومشات كتجري "
منير "رجع كيشوف فيه كيحل عينيه بشوي ويسدهم حتى جا طبيب الاعصاب تصادف هو نفسو الي كاين تما "
محمد"قرب ليه وشاف المؤشرات تا تاكد واطمأن وشافو مزال كيرمش وهو ساد عينيه ...ضار عند الطبيب " : مزيااان ...
منير"كتب تقرير" : يتحول لشومبغ عادي ...غذا فالصباح ديرو ليه فحوصات مي حتى يحل عينيه دابا خليوه وحولوه لغرفة خليو تيو متحيدوهش ...
فرملية "حرك ليه راسو" : داكوغ دكتوغ ...
دارو شنو قال ليهم بالحرف ...
محمد"جر الطبيب ديال انعاش على تيساع" : عائلتو متقولو ليهم والو دابا تال غذا ...وغذا فالصباح عيطو لدكتوغ موسى علوي هو مزال هنا فالمغرب لازم نخبروه هو ودكتوغ منصف بشكل خاص ...
منير"حرك ليه راسو" : وييي دكتوغ هادشي الي غاندير حيث اي جديد كان قاليا دكتوغ علوي نخبروه بشكل شخصي ...
محمد : مزيان ...من بعد يفيق غادي نديرو الفحوصات لاخرين وانا ديك ساعة نشوف ردود الفعل العصبية ديالو"ضار شاف فيه" الحمد لله على سلامتو ....
في هاد اللحضة ومن بعد ما دازت شي ربع ساعة اذن الفجر ...خرج فؤاد من الدوش مجدد لوضوء ديالو كيتمتم بفمو بعض الاذكار ...حتى لقا يامنة حاطة ليه فوقيتو ...
يامنة "عينيها تبوقو بالبكا الي بكاو هاد الليلة مع الدعاء" : غاتمشي لجامع ؟
فؤاد"حرك راسو وهز فوقية لبسها عليه مشط شعرو من الما ولبس تقاشرو وخشا رجليه فبلغة ..." : نوار ؟
يامنة : طليت عليها دابا شربات دوا ديالها وبغات تصلي وتنعس ...
مشا نزل خلاها هي كتلبس فعباية باش تصلي ...كلهم ناضو تقريبا يصليو لكن شي فبيتو شي مشا لجماع مع فؤاد يصليو جماعة ...كملات وهزات كفوفها كدعي حتى حسات فحال شي ما هبط على ذاتها دااااافي تا غمضات عينيها ....
يامنة"شدات قلبها براحة" : الله ...
ناضت من بعد ما صلات تكات شوية تا جاو من جامع وطلات على الجردة لقات فؤاد جالس فالجليسة تما ...وخرجت من البيت نزلات لتحت تشوف اش كاين كانت الكوزينة خاوية حيث مزال مكيدخلو حتى يبغيو يطيبو الفطور...خرجات على برا تشم شوية الهوا نقي مع ربيع الجلسة يا سلام والحال بغا يصبح ..
يامنة"جلسات حداه وشدات فايدو" : ماترتاحش ؟ ضليتي فايق ومنعستيش ...
فؤاد"كيشوف بعيييد" : طالع لفاس ...
يامنة : تشوفو ؟
فؤاد : ضروري ...
يامنة : نمشي معاك ؟
فؤاد"شاف فساعتو وناض وقف " : ممعطلش نرجع ونعاود نديك ...طلعي ...
يامنة"ناضت وشدات فدراعو غادين تا دخلو وطلعو لفوق لقاو نوار جايا شادة فكرشها وغاديا نازلة" : مالك ابنتي ؟
نوار "حكات راسها وجها صفر " : تخنقت بغيت نرتاح فجردة ...
فؤاد"قرب ليها قاص جبهتها" : مزيانة ؟
نوار"حركات راسها" : مزيانة مزيانة بغيت غير نشم شوية الهوا ونطلع ...
يامنة : وخا نزلي نعطي لعمك حوايجو مايلبس ونزل نبقا معاك مجاني نعاس ابنتي ...تسناي فبيتك تنجي نهبط معاك ...
حركات ليها راسها ورجعات لبيتها مشات مع فؤاد ولا خلاها ترجع عندها وهو يجبد حوايجو راسو ودخلات عندها وقفاتها وشدات فيها ونزلو لتحت لجردة ...بقات جالسة معاها ساااكتين مهضرو ماتكلمو خلاتها تاخذ راحتها وتشم الهوا حتى نزل فؤاد باس راسهم وواعدهم باش يرجع يديهم ومشا كسيرا وخرج شد طريق...
يوسف"خرج من الدار حيث شافهم جالسين وجلس حداهم" : اش تما مجمعين مع بونبر...
يامنة : غير نوار بغات تجلس هنا شوي وطلع ..
يوسف"مع كان مربع ايديه فوق طابلة ضار عندها وقاسها تاهو" : ياكما مريضة بنتي ؟
نوار"بصوت ضعيف" : لا لا غير تخنقت نفسي ثقالت ...
يوسف "بغا يضحكها " : بالسيف راك صارطة ليمونة ...
نوار"عوجات فمها بشوي مضحكاتش وحدرات عينيها"
يوسف"توحش ضحكتها" : الله يفرج ابنتي الله يفرج "قربها ليه باس راسها" فيك جوع افطارة رمضان ؟
نوار : اهء لا مافياش ...
يامنة"شافت فيها" : طلعي تنعسي بنتي تال بلاتي نوجد ليك فطورك باش تشربي ذوا لاخور...
نوار : واخا" ناض يوسف نوضها معاه وشدات فيهم غاديا بشوي كرشها بارزة وخا شهر الخامس ...طلعها تالفوق دخلات لبيتها هي وياسين حيدات عباية وبقات غير بيجامة قطن تحت ركبة جرات عليها الغطا ودارت ايديها تحت حنكها وبقات كتشوف فنقطة فارغة تا بداو عينيها كيتغمضو ...."
YOU ARE READING
نور الياسين
Randomمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
