كمل معاها المكالمة على اثر نداء احد القياد ليه باش ينضم لطابلة الي حطو فيها الغذا على حقو وطريقو خيورات سيدي ربي واجد ومحطوطة طبسيل طاوس كبير فيه دجاج محمر بالدغميرة خاااترة معسلة و الخبز شباكي كتوزع على طوابل ...والمونادا ووالماس والما المعدني كلشي توزع عليهم ...سماو الله وبداو اول طبق ...ونفس الشيء فالجيهة عند العيالات تجمعو العيالات فطوابل والي شاط طلعو لفوق صالونات الي لفوق والي دارو ليهم طوابل برا دنيا عامرة سوق ربي العالمين دوار كلو محتافل بزواج الفحم ياسين رمسيس .الحفيد البكر...
تفذاو العيالات والهدايا هزوهم جمعوهم ليها ف دي فاليز واخدينهم جداااد هما فين جمعوهم ودخلات غير هي ورميساء ومينة الي كيعاونو فيها ...
مينة : هادو من احسن فالليل نعيط لدراري يديوهم ليك لدار...
نوار"كتفك فالحلي ديال اللويز الي دايرين ليها" : اه احسن ...غانشوف خالتو يامنة توقف عليهم...
رميساء : نديوهم انا وياها ...اجي سول فيك ايساف ...
نوار : عيط ليا ومشفتوش مسكين هههههه شفت غير سليمان فدراري صافي...
رميساء : حتى تديري وشوفيه را عندو غير حتى لنهار العرس وغايرجع حيث خلا صفية غيير مع كريمة الي جالسة معاها ...
نوار : ضروري غانشوفو قبل ميمشي ...
مينة : قبيلة دايرة اتصال فيديو معاها مسكينة شادة كريشتها وتفرج حتى نعسااات ...
نوار : مسكينة علاش ولات كتنعس بزاف ...
مينة : على حسب ماقالت ليا ماما فالشهور الاخيرة كيولي يجيهم نعاس وفالشهر الاخير كيطير النعاس يعني اقتراب موعد الولادة ...
نوار"واحد لحضة سهاات كتسترجع الذاكرة ايام مكانت كتحس براسها ماشي هي هاديك وفيها كترة نعاس" : عرفتي فايام يمكن فبداية شهور الحمل الي كنت حاملة يمكن حيث مكنتش عارفة واش حاملة ...كنت كنعس بزاااف لدرجة واحد النهار فاش كنت كنسطاجي فالبنك عند ياسين بغيت غير "جلسات مينة كتسمع ليها ورميساء حبسات جميع كتسمع ليها وهي كتهضر وواحد لمعة فعينيها "
بغيت غير فين نخرج يضربني برد نفيق والى مقدرتش كنمشي لطواليط ولا واحد البيت فين كياكلو ونعس فيه حتى واحد نهار لقاني ناعسة كان كيحساب ليا فقر دم الي فيا هو الي دار هكاك ساعاك هما "طبطبات على كرشها" وليداتي الي كانو هنا وانا معارفاش بيهم ..."تنهدات مطولة تا نزلات دمعتها" كون يحساب ليا حاملة كون صبرت على قبلهم ومنفرطش فيهم وخا مكنتش باغيا نحمل كنت فقط ماجلة او ماجلين بينما كملت قرايتي ولكن ربي بغاهم وفواحد لحضة داهم ..."حدرات راسها كتبكي " كون راهم دابا عندهم عام اهى اهى ....
رميساء"جابت ليها البكية تا جلسات مفرقة رجليها وتخنن"
مينة"ناضت عندها وعنقاتها حاطة ليها راسها على صدرها " : طيور الجنة حبيبة ديالي طيور الجنة كون بغاهم الله كون عرفتي بيهم وياما ناس عرفو بيهم وخداهم الله ربي يعضوك بغيرهم مزال صغيرة يلاه قايلة بسم الله ومزال تولديهم حتى تشبعي ...هانتي الاهم "هزات ليها وجهها من ذقنها" رجعتي لراجلك ودارك وسط حبابك واهلك خصوصا راجل باغيك وميت عليك ارا مديرو لولاد تتقولي براكة ...
نوار"حركات ليها راسها ومشحات ليها مينة دميعاتها حتى خذات نفس" : ان شاء الله ...يلاه صافي رجعو نضحكو نجمعو هادشي ...
رميساء"مسحات خنونتها تاهي هههه " : اه انا نكمل امييييي امتا تروحي لدارك اصحبتي قسمتي ليا ضهري ...
نوار"هزهزات ليها حجبانها" : حتى نخرجها منك ...نتي بغيتي تكوني وزيرة ...
رميساء : كون درتيني غا شاوش ..."ناضت على سعدها ووعدها رجعات هي ومينة كيعاونو فيها بفرحة ويشوفو الهدايا تا من روايح اختارو ليها الفريع ...اما فجيهة السربة غربات شمش ودخلو لخيول يرتاحو الا خيل ياسين الي ركب عليه ومشا بيه لاسطبل لبلاصتو ...بقاو غير دراري اما الكبار مشاو يرتاحو ويتوضاو يصليو المغرب فجامع...
ايساف"بعد باش كيهضر فالتيليفون مع صفية " : ياك ما حسيتي بوالو مزيامة ليوم ؟
صفية : مزيانة لقيتيني فيا نعاس بغيت نعس...
ايساف : كثر فيك نعاس مؤخرا ...مي الى ترتاحي ماعليش نعسي انا نوصي عليك خالة كريمة تبقا معاك ...
صفية"كمشت عينيها كتشبح وتفوه" : غييير خليها ترتاح نهار كلو وهي معايا مجلساتش خليها ترتاح ...
ايساف : غير تصبر بينما جيت انا غير يدوز العرس ديك ليلة نشد طريق ...
صفية : غير بقا متبرزطش راسك ...
ايساف : غاندير راسي مسمعتكش وصافي ماعلينا باش مكان وقت الي فقتي هضري معايا انا هاد ليومين نبقا سهران نيت توجاد العرس مزاگينش كيبقاو فايقين ...
صفية"دارت صبعها في فمها بغات تقولها ليه ومترددة " : احم ...
ايساف"كمش حجبانو" : شنو ؟ مالك ؟
صفية : احم و ...
ايساف : بغيتي شي حاجة ؟ ضراتك شي حاجة ؟؟ "بخوف"
صفية : لا لا خويا ولكن بغيت نطلبك الى بغيتي...
ايساف : طلبي اختي دنيا هانيا ...
صفية "جمعات فمها شحال وشوي وهي تنطق " : بغيت من الحلوة ديال العرس ...عااارفة كاينة هنا ولكن ديال العروبية زوينة ديك البلدية (فحال ريشبوند وحلوة الكوك والي وسطها كاوكاوا...غير بدقيق وزيت ههههه)....
ايساف : هذاك مكان ؟ ههههه واخا نجيبها ليك معايا كوني هانية ...
صفية : شكراا ...
ايساف : العفو ...يلاه سيري رتاحي ..."قطع معاها وهو يضور خرج فالحبيب ساني ليه ضو فعينيه زرقييين تا طار ونزل " الاااااااطيييييييف ...
الحبيب : زيد تحرك من الهضرة يلاه نجيبو المقدية من مراكش قبل لا يسدو ...
YOU ARE READING
نور الياسين
Randomمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
