اما اليتيم فلا تقهر ...ف عن ابي الدرداء (رضي الله عنه ) قال : اتى النبي صلى الله عليه وسلم رجل يشكو قلبه، قال : "اتحب ان يلين قلبك ، وتدرك حاجتك ؟ ارحم اليتيم وامسح راسه واطعمه من طعامك يلن قلبك وتدرك حاجتك ".
ان ترحم يتيم ان تساعد يتيم ان تفرح قلبه هادشي الي وقع مع اشرف فوسط عائلة رمسيس ماحسسوش انه متبنى وغييير كيخسرو عليه فلوس وكيقريوه لااا بل حسسوه انه فعلا ولدهم خوهم منهم وفيهم رجعو ليه حقو كيف ممكن يرجعوه لواحد فيهم يعني را ما ناقص عليهم بوالو ...هكا فرح وحس براسو انه فعلا منهم وفيهم ...قضية هشام تلفقو ليه
تهم الي بصح دايرهم وجا الوقت الي ربي سلط ليه ياسين وحتم ليه ورباه ورسلو من لفوق فين يتربى وهادشي قدام عينين اشرف الي رتاح قلبو وحس رجع ليه حقو وهذا مكيعنيش ان الي سمعو من هشام على والدين اشرف را غالط كيبقى بصح ولكن طريقة باش تقالت جرحها اكبر وعميييق ...
تماسا الحال رجع اشرف لفيرما واخا مزال قلبو مجروح لكن احسن من قبل عالاقل حس بالدفء الاسري معاه حس بخوه الكبير الي فعلا حس بيه خوه الكبير بصح وخا ماشي بالدم ....اما ياسين رجع لبنك حتى كمل الخدمة لقا اخت عيسى مشات خذات الرد منهم ...اما
فنفس الوقيتة وفي مدينة ازرو كانت واقفة كتشوف فالدويرة معاها راوية كتقلب وتسول ...
صاحب المنزل "جاه تيليفون " : تقدرو تشوفو براحتكم غانخليكم نجاوب ونرجع ...
راوية : تفضل اولدي "ضارت عند صفية " مرتاحة فهادي ؟ وخا غير صالون بيت نعاس كوزينة ودوش فيه طواليط فنفس الوقت ...
صفية "هازا عينيها كتشوف لفوق وتشوف شراجم بيوت دار كلها كتفحصها بعينيها حتى ابتاسمت وحركت راسها " : عجباتني دافية وفبلاصة امنة وكافياني وبزايد ...
راوية : ايوى مزيان هادشي الي بغينا ...
صفية "قربات ليها " : شكرا بزااف خالتي راوية ...
راوية "غمضات عينيها وحلتهم " : واش ابنتي غاتشكريني راكي مرت ولدي وخا غي وراق بلا مندخلو فتفاصيل ...عطيتك وعد هاني عند كلمتي ...را الي جرا ليك كان ممكن يجرا لوحدة فبناتنا ولادنا تا واحد ماحسن من لاخور ...
صفية : عاارفة واخا هكاك خيرك منساهش ...
راوية "حولات ملامحها لجدية " : مزال كيتبعك ويوصلك ؟
صفية "حدرات عينيها " : مزاال وبغا فرصة كيف قلت ليك ولكن انا فكرت حتى فهضرتك غير هادشي الي عارفاه ومتاكدة منو ..
راوية : وباش جاوبتيه ؟
صفية "هزات كتافها " : ماعطيتو حتى اجابة ...
راوية : شوفي بنتي نتي فحالك فحال اي بنت حلمت تمنات بغات ...خاصك تعرفي ان الحلم شيء والواقع شيء اخر تماما ...لا جيتي تفكري بمنطق ماشي كلشي كيصدقو ليه الاحلام كيف بغا هذا الى تحققو ...وانا ماشي مابغيتكش انا ولدي متستاهليهش نتي حسن من ولدي بالف درجة ....
صفية : وانا على هضرتك وهادشي الي قلتي والي عشت عرفت انني ماشي من سهمو
راوية : ماشي ماديا ابنتي نتي ماشي من سهمو حيث نتي قلبك كبير ودغيا كتسكتي على حقك وتحني راس ...يقدر يرجع يحگرك ونرجع تاني نهز همو وهمكم بجوج ...ثيقي بيا ولدي الى رجع بغا فرصة غير باش يصحح الغلط ديالو لا غير ...
صفية : عرفت اخالتي عرفت ..."تنهدات " انا دابا بديت حياتي نستقر هنا هاد اليومين ونرتاح بمرة ...
شوية وهو يتم جاي سمسار الي بقا كيهضر برا مدة كافية حتى وقف عليهم ...
راوية : معاش نجيو باش تسني العقد ...
السمسار "باسف " : مدام مع الاسف دار ماليها مابقاوش بغاو يكريو ...
صفية "خرجات عينيها " : كيفاش ؟؟؟
راوية : كيفشا مبقاوش كيتفلاو ؟
سمسار : غير سمحي ليا والله ما عرفت حتى اتاصل بيا مولاها كنعتاذر منكم ...الى بغيتي عطيني يومين نشوف ليك وحدينات غيرها ...
راوية : لا شكرا الله يسهل ..."جرات صفية الي مافهمت والو وخرجو من تما "...
YOU ARE READING
نور الياسين
Randomمنقول هاني وجعت من جدييد له في قصة الي ممكن نقول تابعة لقصة يامنة وممكن تكون لا يعني الى مقريتيش يامنة بلا مترجعي تقرايها باش تفهمي هادي ...ولا ديال عائلة رمسييس القصة الي تسنيتوها شحاااال هادي والي نقول تولدات قصتو وسط القصة ديال واليديه فرض الحضور...
