"အဲ့တာကြောင့်ငါမင်းကို ကုတင်ပေါ်တက်အိပ်လို့ပြောတာ"
ဂျေးက ဂွမ်းစကိုပစ်လိုက်ပီး နှစ်ဖက်ပါဝါဂွမ်းချောင်းကို လိမ်းဆေးသုတ်လို့ ပြောတယ်။ပီးနောက် အသာအယာလေး ဆောင်ဟွန်းဒဏ်ရာပေါ်တို့ထိလို့ ဆေးလိမ်းပေးတယ်။
အိပ်ယာထခါစဖြစ်တာကြောင့် ကြည်လင်နေတဲ့မျက်ဝန်းညိုညိုတွေကို အနီးကပ်မြင်နေရတဲ့ဆောင်ဟွန်းက နှလုံးသားပေါ်ပုရွက်ဆိတ်လေးတွေပြေးလွှားနေသလိုခံစားချက်မျိုးရနေတယ်။
"ဂျေး"
နာမည်ကိုခေါ်လိုက်တော့ အင်းခနဲလည်ချောင်းသံနဲ့ပြန်ဖြေပီး ဆေးလိမ်းနေတဲ့အမှုကိုပဲအာရုံစိုက်နေတဲ့ဂျေးက လှလွန်းလို့ဆွဲဖက်ပီးနမ်းပစ်ချင်စိတ်တွေက စိတ်အစုံဝယ်တဖွားဖွား။
"ငါမနေ့ညကပြောတဲ့စကား..."
ဆေးလိမ်းပေးအပီး ပလာစတာထုတ်လို့ ဒဏ်ရာကိုကပ်ပေးနေတဲ့လက်တို့က ဆောင်ဟွန်းစကားကြောင့် အနည်းငယ်တွန့်သွားတာကို သတိထားမိလိုက်ပါရဲ့။
"ငါတကယ်ပြောတာ။မင်းကိုတကယ်သဘောကျနေပီထင်တယ်"
မော့ကြည့်လာတဲ့မျက်ဝန်းတွေ။ဆောင်ဟွန်းကဖမ်းစားခံလိုက်ရသလိုစိုက်ကြည့်နေပေမယ့် ကြာကြာမကြည့်နိုင်သည့်ဟန် အနောက်ဘက်ကိုလက်ထောက်လို့ ခန္ဓာကိုယ်ကိုအနည်းငယ်နောက်တိုးယိုင်လိုက်ပီး အကြည့်လွှဲလိုက်တယ်။
"ငါမင်းမျက်လုံးတွေကိုကြာကြာမကြည့်နိုင်ဘူး ဂျေး"
"ဘာလို့လဲ"
"ကြာကြာကြည့်မိရင် ငါစိတ်လွတ်သွားပီးမင်းကိုနမ်းမိလိမ့်မယ်"
ပုံမှန်ထက်မြန်ဆန်သွားတဲ့အသက်ရှူသံ နောက်ပီးဆေးသတ္တာသိမ်းလို့ သူ့ရှေ့ကထသွားသံတို့ကိုရှေ့ဆင့်နောက်ဆင့်ကြားလိုက်ရတယ်။ဆောင်ဟွန်းအရှေ့ကိုပြန်ကြည့်မိတဲ့အခါ ဂျေးကရေချိုးခန်းထဲဝင်သွားပီ။
ဆောင်ဟွန်းလဲ ဂျေးရေချိုးပီးတာနဲ့ မနက်ဘက်ပါတခါထဲ ဂျေးအခန်းမှာပဲရေချိုးပီးညကအပိုယူလာတဲ့ ကျောင်းဝတ်စုံအသစ်ထုတ်ဝတ်လိုက်တယ်။
![](https://img.wattpad.com/cover/328247342-288-k13623.jpg)
YOU ARE READING
Love started by those glasses
Teen FictionHazel eyes under black glasses are so fucking dangerous!! park sunghoon + park jongseong written in burmese (both unicode and zawgyi available)
Love started by those glasses 3
Start from the beginning