Devil Venerable Also Wants To Know(mm tran)

အပိုင်း၂၆။အရှုပ်အထွေးများကို ရှင်းလင်းခြင်း

ထိုစကားကြားပြီးနောက် ရှူယန်ယန်
ခေါင်းကိုဆတ်ကနဲမော့ပစ်လိုက်သည်။
ဒူးထောက်ဆဲ‌ဖြစ်သော်ငြား ယခင်ကထက်
ခါးဖြောင့်တန်းသွားသည်။‌
ပြောရမည်ဆိုလျှင် ဤအရှုပ်အထွေးများကြား၌ အခြားသူများထက် ‌သူက
ပိုသာသည်။သူ့ဘေးမှာ
ဒူးထောက်နေသည့် လူလေးဦးထက်
သူဟာအရည်အချင်း အများကြီးပိုရှိသည်။

သူခါးဖြောင့်မတ်သွားသည်ကို
ဝမ်ရန်အယ်တွေ့သောအခါ
"ကာကွယ်သူရှူ မင်းမှာ
ပြောစရာတစ်ခုခုရှိနေပုံပဲ။"

"အရှင်"ရှူယန်ယန် ရှင်းရှင်းလင်းလင်းနှင့်
အသံကျယ်ကျယ်ပြောလိုက်သည်။
"အစထဲက ဒါကိုကျွန်မအပြစ်လို့
ပြောလို့မရပါဘူး။ကျွန်မမှာ
ခန်းမဆောင်သခင် အချင်းချင်း
တိုက်ခိုက်နေကြတာကို တားဆီးဖို့
ဆန္ဒပဲရှိတာပါ။အရှင်ဒီမှာမရှိနေတဲ့အချိန် ကာကွယ်သူတွေဟာအရှင့်ကိုယ်စား
ဂိုဏ်းချုပ်ရာထူးကိုယာယီယူရမယ်လို့
အရှင်ပဲပြောခဲ့တာလေ။ခန်းမဆောင်သခင်အချင်းချင်းတိုက်ခိုက်နေကြတာကို
တွေ့တော့ ကျွန်မဘယ်လောက်တောင်
စိတ်ပျက်သွားမလဲဆိုတာ
အရှင်စဉ်းစားကြည့်ပါဦး။ကျွန်မသူတို့ကို
တားရတာပေါ့။ခန်းမဆောင်သခင်ယွမ်နဲ့
သခင်ရှီကို ကျွန်မအခန်းထဲထည့်ခိုင်းတာကတော့ အရှင်ကျွန်မအကြောင်းသိတာပဲ။
ဘာဖြစ်လို့ ကျွန်မအတွက်ကျွန်မ
အပိုဆု မယူရမှာလဲ။"

ဝမ်ရန်အယ် ကျေနပ်စွာ
ခေါင်းညိတ်လိုက်ပြီး ယင်ဟန်ကျန်းအား
"ငါပြောတယ်မလား။ချွမ်းယွမ်ဂိုဏ်းကိုတိုက်ရိုက်ကြီးဝင်သွားရင်
ကာကွယ်သူရှူ ချက်ချင်းအညံ့ခံမှာလို့။
အဲ့လိုဆို အခုလိုပွဲကောင်းကောင်း
ကြည့်ရတော့မှာမဟုတ်ဘူး။"
ဟုပြောလိုက်သည်။

ယင်ဟန်ကျန်း ဝမ်ရန်အယ်၏
ယခုလိုပုံစံအားတစ်ခါမှ မမြင်ဖူးသဖြင့်
စိတ်ထဲကျိတ်ပြုံးမိလိုက်သည်။
ထို့နောက် ခံစားချက်ကင်းမဲ့သော
မျက်နှာဖြင့် "အရှင်ပြောတာ မှန်ပါတယ်။"

ထိုစကားတွေကိုကြားပြီးနောက်
ရှူယန်ယန်အနေရခက်သွားပြီး
စကားလမ်းကြောင်းပြောင်းဖို့
ကြိုးစားတော့သည်။"
"အဲ့အကြောင်းဆိုရင် သခင်ယွမ်ကို
မေးသင့်တယ်။သူသာ သခင်ရှီကို
ခန်းမဆောင်သခင်သစ်ဖြစ်အောင်
ကူညီပေး၊နှစ်ယောက်ပူးပေါင်းပြီး
သခင်မြောင်ကို မတိုက်ခိုက်ခဲ့ရင်
ကျွန်မလိုမဟာယနာကိုအခုမှရောက်ပြီး
ညှို့ငင်တဲ့အတတ် ဆွဲဆောင်တဲ့အတတ်
အချို့တလေကိုသာတတ်တဲ့
သာမန်စွမ်းရည်ပိုင်ရှင်တစ်ယောက်က ဘယ်လိုလုပ်သူတို့လေးယောက်ကို
အနိုင်ယူနိုင်မှာလဲ။"