جريت نفس وغمضت عيوني
اني سامعه غلط لو همه كلولنه لان دخت
اخذت تلفوني مالكيت بي السيم كارت والتلفون مفرمت
نمردت روحي اجيت اكسره من كد مالعبت نفسي من الوضع تصرفاته لاتطاق
شوي واجن خواته هو جابهن وراح ضلن يسولفن الامهن على العرس والاجواء
ضلت روحي تلوب اريد احاجي ابوي اريد الزم طرف خيط مثل الضايعه ماعرف شي
حجيت ويه عزيز الي يريد يطلع للكراج
_مو كتلي تخابرين ابوج من تصيرين زينه اريد احاجي
_من مساع كتلج هسه الشرطي الجان ب المركز نزل للبيت ماكدر اخابرله من هذا الشرطي الثاني مو امان
_شدخل الشرطي ب الموضوع
جر نفس بصبر وهو يكول
_الشرطي ينطي التلفون الابوج وتحاجينه وهسه نازل
_زين صفاء شلون صار
ابتسم بطرف شفته وهو يكول
_مو قتلتي بعد ليش تسألين عنه
_يعني انت مصدك اني قتله عزيز ليش متصدكوني والله مالي دخل بشي ماكدر اذي نمله مو انوب اذي نفس
_لا مصدكج اني هسه طالع مستعجل
عافني وراح واني اتبع خطواته الهادئه
حسيت بشعور بشع كانو جاي يضم علي شي
شنو المقصد من كلامه وهو متاكد اني ماسوي هيج
كعدت بين حيرتي وتفكيري
لازم ارجع اشوف امي دمعت عيوني واني اتخيل بعده الباب مقفول عليها وماماكله شي لا عندي تلفون ولا اكدر اطلع
صفاء معقوله مخطط لكلشي بكل هل دقه شلون يعني يقتل نفسه
الساعه ب السبعه واهز برجلي بقلق راسي مصدع والصخونه بعدهي بيه
البنات بغرفهم وام عزيز بغرفتها
دورت ملابسي الاجيت بيهن مالكيت شي ب الحمام رحت الام عزيز اسألها
_خالة ملابسي من سبحت مالكيتهن ب الحمام
_غسلتهن وشريتهن ع السطح
_عليمن خالة تعبتج وياي لو مخليتهن اني اغسلهن
_لا بنيتي فد نمونه وين التعب
ابتسمتلها وطلعت لبستهن ورجعت اكلها
_اني راح اطلع شويه وارجع
_عزيز يدري انتي هنا بامانته حبيبتي ماريد يصير عليج شي
بلعت ريكي بصعوبه شلون افلت من عزيز
_خالة صديقتي محتاجتني كلش وهيه حامل فد ساعه وارجع بسرعه ماتاخر عزيز كتله قبل ليطلع
_غسق يمه لو تخليها للصبح دنيا ليل
_ماطول والله ماتعرفين عزيز يمته يرجع
_اليوم يبات هناك مايجي
_ماشي بسرعه ارجع بعد سلامه
طلعت من البيت لافه القميص على نفسي بردانه وصلت لباب الكراج وطلعت ام عزيز بيدها جاكيت
_غسق بليل تصير بارده لبسي شي
الحنيه واضحه بصوتها والاطمئنان بعيونها
بستها من خدها واني اخذ منها الجاكيت
_مشكورة خالة
لبسته وطلعت من الكراج
شلون احصل تكسي واني ماعرف احد بس حسين وماحافظه رقمه علمود اخابره من اي جهاز
YOU ARE READING
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
part 38
Start from the beginning
