معتز: انا خايف
عمر بدموع: متخافش اكيد الدكتور هيطلع دلوقتي يطمنا عليه
معتز بدموع: يارب يارب...سليم؟
سليم: لا رد
عمر بقلق: سليم مالك ساكت ليه و مخبي وشك كده
سليم بانهيار: خايف ياعمر خايف يحصله حاجه ياريته كان نزل معانا و مكناش سيبناه لوحده
معتز و هو يمسك كتفيه: ده قدره ياسليم و احنا لازم دلوقتي ندعيله مش نقعد نعيط هو محتاج للدعاء اكتر بكتير من كل اللي احنا بنعمله ده
سليم ببكاء: ياااارب خرجه بالسلامه انا مش هستحمل تحصله حاجه والله ماهستحمل
رنا ببكاء: انا السبب
عمر: انتِ ملكيش ذنب يا رنا ده قدره و مكتوبله
رنا ببكاء: لا انا السبب لو مكناش نزلنا مكانش جراله حاجه
معتز بعصبيه: ينفع تهدوا كلكوا محدش فينا حمل كل ده خلينا نستني الدكتور يطلع و هو هيطمنا و ارجوكوا بلاش عياط محدش مستحمل
"بعد مرور ساعتين خرج الطبيب من عند ادم"
ادهم بلهفه: طمني يادكتور ابني ماله؟!
الدكتور بعمليه: هو لما وقع علي الارض الخبطه جت قويه في دماغه و ده ادي لحدوث شرخ في الجمجمة بس قدرنا نسيطر علي الوضع و ايده اليمين اتكسرت و رجله الشمال اتكسرت
ليلي بخوف: طب هو هيفوق امتي؟!
الدكتور: بكره إن شاء الله
ادهم: طب نقدر ندخله؟!
الدكتور: ينفع بس ياريت متطولوش
ادهم: تمام
"ذهبت (ليلي) لغرفة (ادم) لتري اصعب مشهد أمامها...صغيرها نائم لاحول له ولا قوه و حوله الكثير من الاجهزه"
ليلي ببكاء: ليه؟ ليه بيحصلي كده...انت عارف كويس اني مقدرش اعيش منغيرك ليه بتعمل كده؟! من بعد ما نادين ماتت و انا علطول عايشه في رعب..رعب من اني اخسرك زي ماخسرتها...انتوا اغلي حاجه في حياتي بس هي مشيت...مشيت و سابتنا كلنا لوحدنا..."ثم أكملت بانهيار" بس انت موجود ارجوك متسبناش حاول تستحمل عشان خاطري يا ادم قوم انا مش متعوده منك علي الضعف ده طول عمرك و انت قوي و بتستحمل كتير قوم بقي دي حاجه خفيفه جنب كل اللي بيحصلك في حياتك اكيد مش هتستسلملها صح؟!
YOU ARE READING
الدنيا_فيلم
Adventureالروايه تدور حول أربع فتيان كل فتي منهم لديه شخصيه غير الثاني و لا احد يطيق الاخر لكن يشاء القدر أن يقعوا جميعاً في مصائب ليس لها مخرج السؤال هنا بقي هل هيطيقوا بعض؟ و هل هيعرفوا يخرجوا من المصايب دي ولا هيغدروا ببعض؟! تابع و هتعرف كل جديد ان شاء ال...
5- المستشفي
Start from the beginning
