_ياهلا بجوريتي
نرجس_انت ماتتزوج جوريتك وتفضها
اختفت ابتسامته ومجاوب ع الاتصال
سديم_شبيج نرجس هذا شي خاص بيهم
عباس_اتزوجها نرجس عبالج اضحك عليها اني
نرجس_لا مو هيج قصدي والله بس اكول صار هواي سوا يعني ليش ماتتزوجون
_يجي يوم والله يجمعنه هيه هم تدرس هسه
التفت علي وهو يكول
_وانتي ست الحسن سديم يمته تعقدين
التفت اباوع لوراي خاف تطلع كوثر لو تميم
_من ورا السوته عمه كوثر الصبح تتوقع نكدر نعقد بعد
_هذا الشي مايمنع ابد السوته ردة فعل طبيعيه لان هيه ماراغبتج كزوجه الابنها بس ب النهاية انتي راح تتزوجين تميم مو امه يجوز انتي لتهيتي ويه خواتج وبسبب الصار بس تميم جان مموافق براي امه ومصر يخطبج وجدو وبيبي مأيدينه بهذا الشي فيبقى راي امه شي ثانوي اذا هو موافق حتى عمو مجان عنده اي اعتراض بس هو صدمهم ب الخبر بوقت مو مناسب
_مادري ياعباس احس راسي راح ينفجر من التفكير شلون راي امه ثانوي وهو حيل يعزها ويحبها
_ماكو احد يكره امه بس كتلج تميم مو طفل يمشي بشور هذا وذاك هو ناطيج كلمه وكدها جان
_بعد شنو كال جدو يعني ماحدد موعد او شي
كال هو يغمز
_هاا سديم هاا مستعجلين يابه
_لاتكلبها علي
_مادري ماحددو لان التهو بسالفه ابوج وشيماء والخرطي الصار ماضنه هل يوم يخلص على خير
نرجس_اشو اني مثل الاطرش ب الزفه
كال عباس وهو عينه ب التلفون
_انتي دومج مثا الاطرش بالزفه
_مشكور عباس هيج تشوفني
_ههههه لا يابه اشاقه والله شوفي هسه جوري تخابر مره ثانيه لان توا مجاوبتها جاوبي انتي كليلها عباس انتحر
نرجس_بله بطل سوالفك ليروح يصير ب البنيه شي من ورا سوالفك
_عليج الله جاوبي وهيج كليلها
سديم_لا عباس ليش هيج تسوي
_هيج اريد اشوف رده فعلها
_خاف بالك فكره الانتحار ولك
_خيبه شنو الي يستاهل انتحر مانتحرت قبل انتحر هسه هيه هيج هيج الدنيا خلصانه
_انت خوش تفكر
_مو خوش افكر بس لتخلين تفكيرج سطحي ب الحياة دائما تعمقي اكثر صح راح تعبين ب التفكير بس ب النهاية تشوفين ماكو شي يستاهل اخسر حياتي واخرتي علموده ماكو شي يستاهل نضوج علي هيج هيج احنه ميتين
_ بالمختصر عيش وطنش ولتفكر بمستقبلك
_ ب الضبط يلا جاوبو جوري علمود بعد يومين نطلع سفره
نرجس_روح عباس هيه هاي هم سالفه ترا تاخذنه سفره ان جاوبناها او لا
_بكيفج هو يلا جاوبي
_ماجاوب والله
_خبيثه مو بيدج انتي سديم
_مابيه حيل
_ادري هو حلكج تحجين بي بعد على شنو مابيج حيل
_هههه والله مابيه حيل حتى افكر
_روحي انتحري
YOU ARE READING
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
part 32
Start from the beginning
