كالت نرجس وهيه متقبله حقيقه افكارها
_هاي الطفله بنت امي وعمو
_نرجس عيب شهل حجي
سديم_امي جانت متزوجه عمو حازم قبل لا تتطلق منه وتتزوج ابوي غسق هيه بنتهم
ارتديت ليورا دايخه واني اسند نفسي على الكنتور
اخر كذبه ممكن اسمعها
ماكدرت اتقبل الموضوع
كره نزرع بكلبي تجاه كل الموجودين حتى خواتي
ورا ماجنت فرحانه لان ابوي ماخذنه فرحتي نكسرت
شنو الي يرمم كسر الخواطر
بللت شفايفي الجفت بطرف لساني واني ابلع بريكي
تميم_ممكن تطلعون بيبي اخذيهم
طلعت عمه كوثر وهيه تتحلف بينه
الانسان لو شكد مينكسر يبقى يتلذذ باذيه غيره
باوعت بعتب بعيون سديم والدموع جفت بعيوني
يجوز ماكدر اتقبل الصار ولا راح اتقبل
صدى كلماتهم تتردد باذني
واني صافنه ع سديم الي يحجي وياها تميم ومتجاوب
كالت وكانو تحس بالذنب عن كلشي صار
_بشائر لاتباوعيلي هيج اني شنو ذنبي
نزلت عيوني واني اردد (ان ربي معي)
راح تتخطين بشائر راح تتجازوين واذا ابوج تزوج طليقه عمج الموضوع عادي
عفتهم يحجون وطلعت من يمهم
الدنيا ضاكت بعيوني التلفون بيدي عاصرته حيل
تمنيت اخترق جدران البيت واشرد لبعيد
تمنيت اروح لمكان محد بيه
صعدت ع الدرج وعيونهم تراقبني بصمت
اتصلت على عمو حازم بدون تردد
بس مجان يجاوب
اتصل غيث وايدي ترجف واني اشوف اسمه
فتحت الاتصال واول كلمه اكولها
_يمته نخطب
اجتي لهفه صوته وضحكته
_بشائر وافقتي والله من باجر بس خيخلص عرس اخوي والله اجيج موافقه بشائر موافقه ههههه احبجججج يبنيه والله احبج مستحيل اخسرج بعد
_انت القرار الصحيح وسط كذبه سنيني
اختفت ضحكته وهو يحجي بكل جديه
_شنو مناسبه هل كلام بشائر احد جاي يغضط عليج
_انت مو تحبني نتزوج وخلص كلشي ليش اضل اكلك لا ماتزوجك واني ماتحمل اشوفك ويه غيري واني ماكدر انساك
_احطج بعيوني بشيره ولج والله ممصدك اروح فدوة لهل وجه
_ضل احجي وياي لاتروح
_اضل العمر كله يمج
_بدون مجامله
_من يمته تعرفيني اجامل
سكتت واني افكر ب الصار اطرد الافكار وارجع لحديثي ويه غيث
_غيث نعيش وحدنه
_اي
_واهلك
_هذا قراري
_غيث اني بيه نقص حتى اهلك ميردوني
_اااخ بشائر عوفج منهم خواتي يحبنج بس ابوي دوم ريام تسأل عليج متحمسه اكثر مني للخطوبه
سكتت واني اسمعه ماريد يسكت اريد انسه وضعي
_غيث
_ياروحه
_اكره ابوي
جر نفس عميق وهو يكول
_بعيدا انو اني راح اصير زوجج مايصير تكولين لاي شخص هيج لو مهما صار يابشائر جاي تفهميني المقابل راح يستصغرج من اجيتي تحاجيني واني احس بوضعج مو طبيعي هسه تكدرين تسولفيلي شصاير
أنت تقرأ
قلوب بليده
Romanceانا عينيك الثالثه انا نفسك الثاني انا قلبك الذي لا يتوقف فكرك الذي لا يهدأ انا حرب لاتنتهي انا عصف حياتك انا كل عثراتك
part 31
ابدأ من البداية
