أسيـرة "داعـش"

part 37

طلع عافني واني ابجي حيل بكل قوتي طبت نور

•~•~•
نور

عرفت اجه علمود يكوله نسمع بس صوت صياح ورده خالتي تخبلت

:-ولجن يا اسم الله شبيهم هذوله ..

الكل خايف بس الصوت العالي نسمعه

خفت جاي يتعاركون بسرعه رحت اتصلت على ضياء

:-صدك

:-اي ضياء وهسه جاي يتعاركون

:-تمام بلكت بس هيج بلكت تتفهم

غلقته منه ورحت اريد اسمع اذني على الباب وادعي تتفهم ورده ومتنثول

لمن طلع بسرعه كمت عيونه حمر دم وهيج بيهن دموع بس ميرضن يطلعن باوعلنه مسح كصته وطلع وخالتي بس تريد تفهم طلع سدت الباب

:-هاي شكو والقرآن نحسدو

رادن يطبن البنات

:-لا حطب اني اشوف

طبيت وسديت الباب ورايه كاعده بالزاويه ومغطيه وجهه باديه وتبجي رفعت رأسه شافتني

:-تدرين مو تدرين مزوج وعنده بنيه ها

حجيت بخوف:-اي ادري ومن زمان هم بس بس

ضربت خده :-جا ليش ما كتيلي ليش جذبتو عليه ها ليش خليتوني احبه

رحت يمه بسرعه :-شوفي خلي اسولفلج وانتي بعد بكيفج

:-شتسولفيلي نور شتسولفيلي كلبي حيل دياذيني مجاي اصدك والله

:-سمعتي منه احجي حجالج ؟

:-لا ما خليته خلي يولي ليش يضحك عليه ليش يريد يتزوجني ليش ديضحك على بنات الناس بنات الناس مو لعبه عنده اني مو لعبه عنده

بسرعه رحت قفلت الباب رحت كعدت يمه واني ارجف وابجي

:-شوفي حسن جان مزوج بس هسه منفصل ورده وعنده بنيه من عنده

هيه ساكته بس تبجي ومنزله رأسه وكل ما احجي شي تخرمش ايده

:-اي ورده ادري اني هوه كلي بس والله ورده يحبج ويموت عليج واصلا راد يكلج بس خاف انو يخسرج ودائما يبعد نفسه عنج خاف متقبلين وتعوفي

:-ليش جذب عليه

:-ولج شيكلج شبيج ورده

:-اكيد يريد يتزوجني علمود اربي بنته مو هههههههه

:-لا شبيج اصلا بنته عند أمه ويا دوب يشيله

•~•~•
ورده

مجاي اصدك ابدا مجنت متوقعه هيج بجيت واشهك حيل احبه مو بايدي بس ليش هيج ليش ما كالي ليش ضم عليه