أسيـرة "داعـش"

part 28

#أسيرت داعش

#الكاتبه اسينات

-لا تنسون التصويت

- وتعليقاتكم الحلوه الي تفرحني 🥺

- ومتابعه للحساب

lrayh1234

بسم الله الرحمن الرحيم 🤍

•~••~••~••~••~••~••~••~••~••~••~••~••~•
مشهد من البارت السابق لحتى تتذكرون الاحداث

كعدت الصبح غسلت وبدلت ووكفت حطيت شوي مكياج جوه عيوني وحمره اخفي الآثار كملت لقيت حجابي عدل وطلعت وصلت نور للجامعه ونوب رحت للمستشفى

بديت اشتغل لحد ما اندكت الباب رفعت راسي

:-اتفضل ...

•~••~••~•

رفعت راسي وحجيت :-اتفضل

دخل حسـن بملابسه العسكريه ابتسمت دخل مبتسم تقرب حط تلفونه على الميز وكعد ضليت صافنه وهو هم صافن اخر شي حجه

:-حلو مو ؟

:-هاا منو الحلو

:-اكول يعني صافنه بيه اكيد حلو

ابتسمت :-لا بس هيج مستغربه من جيتك

:-ها يعني اني مو حلو

:-منو كال

:-اني كلت متشوفيني اخبل

:-ههههههه ثقتك بنفسك زايده

:-حلوه الثقه بالنفس ..

سكتت كتله

:-اشاقه

:-يعني حلو

صفنت وهوه يباوعلي لبالك جاي يسحب مني الحجي حطيت ايدي على الميز وحجيت

:-لاا

ضحك بصوت عالي ابستمت من ضحك حجه

:-بويه لو يجيج عمار

:-صدك وينه

:-باربيل خطيه امه مريضه مسويه عمليه

:-يا عزاا خطيه شبيه