أسيـرة "داعـش"

part 32

#أسيرت داعش

#الكاتبه اسينات

البارت ال 32 من الجزء الثاني

-تصويت للبارت
-تعليق بين الفقرات
-ومتابعه للحساب lrayh1234
-متابعه انستا soso1.913

بسم الله الرحمن الرحيم 🤍.

•~••~••~••~••~••~••~••~••~••~••~••~••~•
مشهد من البارت السابق لحتى تتذكرون الاحداث

هستوني جاي اطلع المفتاح جان اسمع صوت من وراي بسرعه درت وجهي

:-ورده

خزرته من شفته واكف بكل عين صلفه ..

•~••~••~•
ورده

خزرته حيل وهوه واكف كبالي بسرعه شمرت الجنطه ونزلت اذكرت من اخذنه بايده للدواعش واكف بكل عين صلفه يباوعلي متغير حيل ذاك هوه صلف شعره رافعه وشورابه مخففهن

رحت اصرخ بي والدنيا ليل وماكو أحد بس صوت البزازين والجلاب ومحد بالشارع

:-كلببب حقييير أنتَ شجابك هنا ها ما عدك كرامه ها شكتلك اني تره ما ناسيتك لا وعلي محضرتلك شغله الا اخليك تصفن الا اخليك تندم يا مصطفى

:-كافي اسكتي صوتج

:-دكل نع** لك صوتج أنته منو ها كلك واحد داعشي اثول ولك بدي هيج اذبحك واشرب من دمك ولك بسببك ماتو اهلي بسببك ها شتكول الربك يا ضالم يا خسيس

:-كافي ورده

:-لتكوول ورده لتكول اسمي داعشي

:-مو داعشي

:-لا والله لعد منو ابوي الداعشي وما ادري ؟

:-كافي خلي ندخل جوه نحجي بهدوء

:-كول والله

:-خلي ندخل احسن الناس نايمه

رفعت ايدي :-وحق لا اله الا الله اذا متروح يمصطفى احركك والقرآن الكريم اطيح حضك يا مصطفى

:-ههههههههه....ضحك سكتت اباوعله وارجف مثل السعفه هيج شعور يكلي شيلي الحديده الي بالكاع وضربي ببطنه واخلصي منه وريحي نفسج وريحي ضميرج نرفزني

كلت :-شوف لا عبالك ساكتلك لا تره نهايتك عن قريب وتشوف

مسح وجهه ويضحك :-شلون نهايتي بله

:-خليه مفاجأة احسن ..سكت من شافني مجاي اتشاقى وجديه بكلامي

:-انتَ تدري أنته كتلت ناس كتلت بني ادم اساسا المفروض أنته تموت لانك واحد داعشي مجرم خيخه ولك عمك عمك اخو ابوك ولك بنت عمك ولك من لحمك اشتركت وياهم ولك شلون كدرت شلون الك عين بكل وحشيه بحيث خطيه ما تحملت وماتت بين اديكم ولك شكالتلك روحك من سويت هيج بيه وانته تشوفهم ها ومستمر وياهم