خيانة زوج

البارت العاشر

لكن فجأة وجدت من يحتضنني ويقوم بتهدئتي ويقول

اهدي اهدي واطمني كله هيبقي تمام

قد ايه كنت محتاجة الحضن دا والكلمتين دول

يااااااااه معقول ههدي وكله هيبقي تمام ؟!!

أصبحوا الكلمتين الصغيرين دول بالنسبالي حلم وصعب

جدااا انه يتحقق معقول جه اليوم اللي أصبحت كلمة

واحدة بسيطة جدااا حلم أتمني يتحقق ؟!!

أنا عملت فنفسي ايه بس معقول الإنسان اللي كنت

شيفاه طوق النجاة بالنسبة ليا يوصلني لكل دا ؟!!

وكمان ابقي لسه متعلقة بيه وأنا اللي عيزاه يسامحني

مل،عو،ن أبو الحب اللي يخليني أك،ره نفسي وأتمني

المو،ت عشان مش متخيلة حياتي من غيره

كنت أتمني أن ألاقي آله ترجعني بالزمن لحضن بابا

ياااااااه لو بابا جنبي دلوقت واجري عليه واترمي ف

حضنه واستخبي فيه ؟!!

وفجأة حسيت بحد بيطبطب علي ظهري والكلمتين

رنوا ف وداني تاني " اهدي اهدي كله هيبقي تمام "

مش عارفة ليه وأنا ف حضنه حسيت بالأمان والحنان

من وقت م سيبت بابا وأنا محسيتش بالإحساس دا

رغم أن كنت دايما جنب سليم وحضني كتير لكن مش

زي حضن بابا ابدااا

فرحت جداااا وقولت لنفسي أكيد بابا عرف كل اللي

حصل وجه عشان يكون جنبي ، بابا طول عمره حنين

عليا وعمره م اتخلي عني أبداااااا ، فتحت عيوني

بفرحة عشان أقول لبابا قد ايه وحشني وان وحشني

كل حاجة معاه وأقوله ياريتني سمعت كلامك

ومتجوزتش سليم وأقوله كمان ان وحشني جداااا

حضنه ، لكن راحت فرحتي بسرعة وتحولت لخوف

وفزع لما فتحت عيوني ولقيت ان دا مش بابا

صر،خت وبعدت عنه بسرعة وقولت : ابعد عنااااااي

أنت عايز مني ايه ؟!!

الدكتور : متخافيش أنا الدكتور المسؤل عن حالتك

أنا معاكي مش ضدك متخافيش مني

لكن أنا أصبح عندي خوف شديد من الناس ومش

عايزة حد ابدااا يقرب مني

ومحستش بنفسي غير وأنا بص،رخ وأقول ابعدوااااا

عناااااي سيبوني ف حااااااالي عايزين مني ايه تاااااني

فضلت أصر،خ لحد م الدكتور أداني حقنة مهدئة